الثلاثاء، 30 ديسمبر، 2008

بوم بوم - بوم بوم _ إلى غزه

بوم بوم - بوم بوم
مدفع يضرب للفرح يغم
بوم بوم - بوم بوم
دمار وحرايق في غزة تعم
بوم بوم - بوم بوم
مسجد يدمر وأمام بيؤم
بوم بوم - بوم بوم
طفل يموت وده صراخ الأم
بوم بوم - بوم بوم
نار بتولع نار بتقيد
بوم بوم - بوم بوم
راحو شبابنا كام الف شهيد
بوم بوم - بوم بوم
بيوت تتهدم واهلها فيها
بوم بوم - بوم بوم
ومين يحرسها يحميها
بوم بوم - بوم بوم
شباب بحجاره ومش بأيديها
بوم بوم - بوم بوم
فين حكامنا الايد في الايد؟
بوم بوم - بوم بوم
لا والله ده حلم بعيد
بوم بوم - بوم بوم
وقمه تفوت ولاحد يموت
بوم بوم - بوم بوم
حكامنا ضعاف ولاليهم صوت
بوم بوم - بوم بوم
حكمنا بتشجب حكامنا بتنقض
بوم بوم - بوم بوم
لوقولت الحرب تلاقيها بتركض
بوم بوم - بوم بوم
خليكي ياغزه مرفوعه الراس
بوم بوم - بوم بوم
لابأيد فتح ولاحتى حماس
بوم بوم - بوم بوم
ادعي يامسلم وبإحساس
بوم بوم - بوم بوم
ردد ردد بأعلى الصوت
بوم بوم - بوم بوم
عاشت غزه ومش هتموت
بوم بوم - بوم بوم
عاشت غزه ومش هتموت
بوم بوم - بوم بوم

الأربعاء، 24 ديسمبر، 2008

بهـــلــــولـــ _ الحــلــقـــه الـأولــى _ البنــات والمــواصـــلات

هنبتدي الحلقه الاولي بعنوان -----> البنات في المواصلات


ياجدعان البنات زهقونا في عيشتنا في المواصلات بجد انا قرفت منهم ونفسي بقى يبقى المواصلات للرجال فقط
امتى هيمنعوا الحريم يركبوا مواصلات كل المواصلات بجد بيخنوقونا في المواصلات بشكل بشع

البنت في الميكروباص
----------

ياخويا تلاقي الواحده في الميكروباصات قد الكرومبه واخده الكرسي اللي بياخد اربعه لوحدها ويجي السواق يقولك الكرسي بياخد اربعه يا استاذ
والست واخده الكرسي لوحديها طيب اعمل ايه ياعم اقعد على حجرها يعني والا اعمل ايه؟ ههههههههههه مش فاهم انا
طيب لو مفيش الستات الكرومبه دول في المكيروباص الواحد مننا هيقعد وهو مستريح لا تزنيق ولا خنقه ياجدع وكمان لو الست دي بقى عايزه تنزل في الطريق
ينهار احوس على اللي بيحصل تنزل الميكروباص كله علشان تعرف تعدي ماهي داخله اساسا بالحشر هههههههههههههههههههههههه


اما بقى لو تلاقي بنت رايحه تقعد في الميكروباص وتاخد جمب بقى ياعيني احنا الولاد بنكون مكسوفين نقعد جمبها لو روحت قعدت جمبها في المكان الفاضي تفكر بقى انك عينك منها
وبتحاول تعاكسها وتقعد جمبها علشان تتلزق جتك القرف اتلزق في ايه ياختي؟ دانتي حتى ريحتك وحشه ههههههههههههههههههههههههههه
بس المشكله في الميكروباص بقى مفيهوش مكان غير جمب سيادة الاميره اللي فاكره نفسها حاجه وتيجي تتأنتت على صاحب الميكروباص تقولك مش هقعد اربعه انا ولما تيجي تدفع الاجره تلاقيها مجهزاهم في ايديها
ياعيني اصلها مش حيلتها غيرهم هههههههههههههههههه اما الرجاله بقى يطلع الحته بخمسه من جيبه قـــــــــد كده ههههههههههههههههههههههههههه
ومش بعيد يسيب الباقي للتباع لو مش معاه فكه .


البنت في الاتوبيس
---------

تلاقي البنت واقفه عامله نفسها بقى الاميره ديانا وواقفه لابسالك نظاره سودا زي اللي هاربين من الاحكام ههههههههههههههههههههههههههه
اصلها مستعريه انها تركب الاتوبيس اصله رخيص ومش عايزه حد يشوفها هههههههههههههههههههههههههههههه طيب لما انتي تنكه اوي كده متروحي تركبي تاكس بدل ماتتنططوا على اللي جابونا هههههههههههههههههههه
والمشكله وهيه واقفه في الاتوبيس مش عايزه حد يلمسها والاتوبيس بيبقى لحم فوق بعض ودي لو حد لمسها تعمل فيها خضرا الشريفه وتبصلوا بقرف وتقوله متحاسب انت اعمى؟ هههههههههههههههههههههههه عميت عينيكي يابعيده ههههههههههههههه
مانتي شايفه الاتوبيس عامل ازاي وتبص للي قاعدين كانها بتقولهم خلوا عندكوا زوق يابهايم انا انسه شيك ومش وش بهدله قوم وقعدني ياحيوان بقرف وبطرطيف مناخيره بس في سرها طبعا هههههههههههههههههههههه
ولو ولد شاب رقيق وظريف وجدع وشهم قام وقعدها مكانه ميهونش عليها تقوله شكرا وكأن ده غصب عنه وواجب عليه والمفروض حتى هوه اللي يقولها شكرا انها قبلت تقعد مكانه وتديله الشرف التخين ده قصدي الرفيع هههههههههه
حاجه تشل وتعل ياعم

البنت والمترو
-------

ياخي والله حاجه بجد رخمه اوي اوي وبتستفذني جدا والله لما يبقى فيه عربيات للسيدات وفاضيه دايما وتلاقي البنات الرخمين دول يجوا يزنقونا في عربيات الرجاله كمان ياخي ضاقت الدنيا بيهم؟ يجوا يلزقوا فينا ويتلزقوا واحنا ناقصين زنقه وزحمه كمان؟
نفسي مره بقى الحكومه تعملنا عربيات للرجال فقط هتلاقيها فاضيه خالص لان اللي زاحمنا هو البنات والستات والجنس المؤنث كله عاملين زحمه في البلد ياخي وبقوا زي الهم على القلب
والمشكله في الاخر برضه يقولك زحمة المترو مانتوا اللي زحمينه خنقتونا في كل حته

البنت والتاكسي
-------

البنت بقى لما بتيجي تركب تاكسي بتبقى عايزه تفرج مصر كلها انها راكبه التاكسي انا هركب تاكسي اهو يا جدعان هدفع خمسه جنيه للتاكسي انا مبزره ومش عارفه اودي فلوسي فين
اشهدي يا مصر اشهدي اني هركب تاكسي اهو ههههههههههههههههه جتك نيله
وهيه قاعده في التاكسي بقى تفضل تطلع علبه المكياج من شنطتها والمرايه وتظبط نفسها بقى ههههههههههههه بفلوسها ههههههههههههههههه وتقول للسواق وطي الصوت شوية ههههههههههههه
طيب هو اساسا مش فاتح التسجيل يوطيه ازاي يعني؟ هههههههههههههه بفلوسها بقى ههههههههههههههههههههه
وتفضل تتنطط على سواق التاكسي لما تخنق امه ههههههههههههههههههههههه خش من هنا وديني من هنا ولازم ينزلها قدام البيت ولو مش مكسوفه كانت قالتله وصلني للشقه
والرخامه بقى انها تروح متمطعه ومطلعه من شنطتها اتنين جنيه ويبصلهم السواق الغلبان يعييني ويقولها ايه ده يا انسه انا عايز عشرين جنيه تقوله هو هما الاتنين جنيه مفيش غيرهم عايزهم والا هرجعهم الشنطه تاني
يخربيت الرخامه اللي انتي فيها دول باردين اوي ههههههههههههههههههههههه والسواق بيبقى هيولع في نفسه والعربيه من برود الانسه الظريفه هههههههههههههههههههههه
وياسلام لو على صوته شوية بتطلع تجري وتسيبه علشان متتفضحش في المنطقه قدام الناس انها بخيله ههههههههههههههه
يخربيت الرخامه ياخي خنقونا ههههههههههههههههههههه


البنت والطياره
-------

تلاقي البنت في الطياره تعمل نفسها فاهمه كانت طيار سابق هههههههههههههههههههههههه وبتفضل تدعبس وتدور وبعدين تسوط وتوقف الطياره تقول انا عايزه البرشوت بتاعي هههههههههههههه
ناقصه خنقه اساسا هههههههههههههههههه

البنت والسفينه
-------

تلاقي البنت في السفينه جايه وماسكه العوامه بتاعتها ههههههههههههههههههههه وكانها طالعه رحله للترعه هههههههههههههههههه ومظبطه نفسها وجايبه شمسيه و4 كراسي هههههههههههههه وكيس لب
لاياحببتي دي سفينه مش معدية


البنت والغواصه
-------

لسه ياما هنشوف بقى هههههههههههههههههههههه مستنيينها تيجي تخنقنا هناك كمان ههههههههههههههههههههه
مفيش حوت رزل يجي يبلع حد خنقنا؟

ارحمنا يارب من الستات والبنات هههههههههههههههههههههه



استنوني في الحلقه الجايه

الخميس، 11 ديسمبر، 2008

إمــتي بقى هنــــرجع رجــــاله زي زمــــــان ؟ رجـــالـــه بــجد جــدعـــان


أمنيه بحلم بيها
رجالة زمان يرجعوا تاني رجاله بجـد بمعني الكلـمه
رجـاله جدعان شهامه ورجوله في التصرفات والطباع
شخصية قوية دمه حامي غيور على بلده وأهله وصحابه
جدع و ابن بلد بحق.
كرهنا بنات كتير واتعمل جروبات كتير بتكره الرجاله
بس هما عندهم حق يكرهونا ماحانا اللي عملنا في نفسنا كده
ماهو من معاملتنا ليهم ماهو من اخلاقنا وتصرفتنا معاهم
ليه بقى منكونش متفاهمين؟؟ ليه منكوش رجاله بحق؟؟


فين الراجل الطيب الحنين الجدع اللي شخصيته قوية وبتبهر اللي قدامه في تعاملاته؟
فين الراجل اللي لما يتكلم الكل لازم يسمعله؟
فين الراجل اللي الناس تستناه يتكلم؟
فين الراجل لما يتكلم يقول ماقل ودل وعبر وانجز ولخص
فين الراجل اللي في اخلاقه راجل بجد؟
فين الراجل صاحب صاحبه؟ لا خاين ولاندل؟ ولا مصلحجي ولا منافق ولابوشين ولاحبيبك علشان حاجه لو راحت منك ميعرفكش
فين الراجل اللي يحبب كل الناس فيه؟ فين الراجل اللي الناس تحترمه؟؟ فين؟ فين؟؟؟
=====================

انا منكرش ان فيه رجاله كده فعلا وطباعهم كده فعلا بس قليل اوي لما تقابلهم قليل اوي لما تعرفهم قليل اوي لما تصادفهم

=====================

اتمنى اننا اخلاقنا ترجع زي زمان يارجاله اتمني اننا نبقى بجد رجاله اتمني اننا نقدر نثبت ان فيه رجاله من الزمن الجميل رجاله من بتوع زمان لا هوه فري ولا مودرن ولا هايف ولاندل ولاعبيط ولا اهبل ولا ملطشه ولا دلدول ولا ... سوري يعني اتحفظ على اللفظ
زهقنا بقى من كره الناس لينا وتعميمهم الفكره اننا احنا كلنا واحد مستفذين ومملين
احنا مش كلنا كده احنا رجاله رجاله بجد
ناس تقولك ماتو في 73 لا فيه ناس لسه عايشه ناس احسن من اللي ماتوا في 73 كمان بس عليهم التراب محتاجين يتشال من عليهم التراب ويظهروا

رجاله معادنهم دهب دهب غالي معرفتهم كنوز

محدش يقولي الراجل بميت ست ولو جت الست يغور الراجل لا تغور مليون ست يغور كل الستات بس يبقى الراجل

الراجل هو الاساس (أدم) أساس الحياة الراجل أساس البيت الراجل اساس البلد والحضاره الراجل اساس كل حاجه الراجل بس مش اي راجل الراجل بجد الراجل على حق

راجل مش هايف وهُزق راجل مش ندل مش جبان مش خواف مش ضعيف راجل راجل عنده كرامه ونخوه وانسانيه وجدعنه

الأربعاء، 10 ديسمبر، 2008

اطمنيلي



اطمنيلي وقربي _حاسس بانك خايفه تقربيلي وبتبعدي_وبتبعديني
قربيلي _قربيلي ومتخافيش _وماتداريش حبك_ده انا قلبي حاسس ان ليا مكان في قلبك
ومهما كان مفيش انسان يقدر يعيش من غير حبيبه.
بعدك مفيش وميهمنيش غيرك يكون جنبي ومعايا
احساس جوايا احساس لايمكن يوصفه حد الجنون _ازاي اكون؟ ولمين اكون؟ لو حبنا ده نهايته كانت فراق؟
لمين اشتاق؟ _بعدك_اهون عليا اموت ولا حته مني تتالم معايا
ايام وايام _وليالي كتير _هموت تفكير _ازاي يعيش الحب ده انا خايف عليه
خايف يموت _جوايا صوت_صوتك بينده جوه مني عاوزاك معايا

خواطربقلمي ..
أيمن نور
_______________________________________

خيـــــــانه



مستنية إيه منى وخيانتك شوفتها بعيني_ ده عقلي راح مني وقولت مش هيجيني

إزاي تبقى مني وقلبك مش معايا_ كان حبي ليك من سني وساكن جوه جوايا

ضيعتي ليه حب السنين وغدرتي بيا_ ياخسارة حبي ليكي _ معقوله ده كان خداع؟

واحلامي عايشتها ليكي _ معقوله ده كله ضاع؟

ده بعمري انا كنت شاريكي _ والثمن ماكنش كفايا؟!

معقولة ماكانش كفايا؟!

كان إيه من الحب باقي _ جوابك ميهمنيش

لو صادقه كنتي تلاقي _ اديتك كل حاجه وطلعتي متستاهليش

********

مستنية ايه مني وخيانتك شوفتها بعيني_ ده عقلي راح مني وقولت مش هيجيني

إزاي تبقى مني وقلبك مش معايا_ كان حبي ليك من سني وساكن جوه جوايا

خواطربقلمي ..
أيمن نور
_____________________________________________________________

اتخنقت خلاص


اتخنقت خلاص مش عارف مين الصاحب مين الحـبـيـب
ميــن فــي هــمــك جـنـبـك مـيـن فـي فـــرحـك قـــريــب
مـين تأمـنه فـي سـرك مـين مـين اللـي بـيـفـكر يـضــرك
اوعــى شكـل النـاس يغـرك ده الشكـل ده بيـخـدع كـتـير
صعبـــــان عليــــــا نـفـسـي وصعبــــان عـليـا الـنـــاس
يــكـــــــون حـبـيـبــــــك وصـاحـبـــــــك وتتـســيـبــــه
ومــن وراك يـــضـرب فـــيــك اخـــمـــاس واســـداس
يــاعـيـنـي عـليـكـوا يا بـشـر يا عـينـي علـيـكوا يا نــاس
مـتـقـولـوش حـكــم الـقـدر ده غـبـاء ده عــدم احــسـاس
مـن كـتـر مـشـوفـت وعـرفـت خوفـت وبخاف من النـاس
نــاس غـريـبـه ونـــاس عـجـيـبـه ونــاس بلا احـســـاس
نــــــــــــــــاس تـــــفـــكـــــــرهم حــبــايـــبــــــــــــــك
واخـرتـهـا تـعـرف انـهـم نــاس مـتـسـتـاهـل غير تـنـداس
غـــــريـــبــه الــدنــيــا والـــلــه وغــــريــبــه الـنـــــاس
واحـد بـيـدور عـلـى صـاحـب وواحـد بيضيـع في صاحب
وواحـد يـشـدك تـحـبـه وواحـد لـلـفـراق واخــده الحـمـاس
طيب ومن الاول ايه فايدتها وايه لازمتها تتعبونا معاكوا يا ناس
والا انــتــوا غــاويــن تــعــب وصــداع ووجــع للـــراس
والله الاخــــوه والصــداقـــه مـــش زي مــابــتــفــكـــروا
الـحــــب مــش كــلــمــة صــديــق او حــبـيــب يـانــاس
الحـــــــــب مـــعـــنــــى تـــحـــــســـه وتــخــــلــصـلــه
و صـــاحـبـك تـشـيـلـه فـي عـيـنـك وقـلـبك وفـوق الـراس
وتخــاف علــيه وتحـميه مش تفكر ازاي تفضـحه وتـعريـه
وازاي تخونه وتغدر بيه وازاي تبيعه في اول فرصه تسيبه وتخليه
والله لـــو دي الصداقــه انتظــروها بــكـره فــي الاحـداث
وفاة المــدعو صــداقه وحــب وشــركتهــم اعــلنت افلاس

خواطربقلمي ..
أيمن نور

مش بإيدنا _ موش بإيدنا



نفسي أعرف إيه بإيدنا _كل شيء بقى مش بإيدنا
مش بإيدنا _موش بإيدنا
مش بإيدنا نبقى إيه _مش بإيدنا بقينا إيه
مش بإيدنا روحنا فين _مش بإيدنا روحنا ليه
مش بإيدنا _موش بإيدنا

***************

مش بإيدنا نختار بلدنا _مش بإيدنا نختار حياتنا
مش بإيدي إسمي إيه _مش بإيدي نصيبي إيه
مش بإيدنا حياتنا فين_مش بإيدنا فين نموت
علىِ صوتك يلا وأصرخ كلمة جامده بأعلى صوت
مش بإيدنا _موش بإيدنا

***************

مش كل شيء نقول نصيب _والنصيب ده مش بإيدنا
حبيب بيفارق حبيب مش بإيدنا _موش بإيدنا
كل شيء مبقاش في إيدنا _حتى اللي في إيدنا مش في ايدنا
مش بإيدنا _ موش بإيدنا
بقينا للظالم نشوف _ماشيين في حالنا مالينا خوف
داحنا ناقص حواليه نطوف _فين راحوا رجالة بلدنا؟
وبقينا على المظلوم نفوت _حتى لو إستنجد بإيدنا
نمشى ونسيبه يموت _ونقول هو كان من بقيت عيلتنا
مش بإيدنا _موش بإيدنا

***************

مكانش ده هوه حالنا _ الجبن علمناه عيالنا
كل واحد ( وإحنا مالنا ) _ إحنا مالنا ازاي يا هوووو
كل واحد همه حاله _ وماله وتربية عياله
ولو نط البعبع في يوم وجاله _ يصرخ يا عالم الحقووووه
مين هيجري ويلا بينا؟ كله هيقلد اخينا؟؟ وإحنا مالنا
ماهو مش بإيدنا _ مش بأيدنا موش بإيدنا
في عز النور حرامي بيسرق _ من غير ماحتى ثانية يقلق
ماهو كل واحد _ وإحنا مالنا و ماهو بأيدنا _ مش بإيدنا موش بإيدنا

****************

مش بإيدنا مين حاكمنا _ ولو ألمنا مش هاممنا
مش هاممنا ازاي يا عالم ؟!! _ مش هاممنا ازاي يا هووووو
ماحنا فيه حوالينا عالم م العساكر والنسور
ولو فيوم يعلى صوتنا _ بإشاره منه إكتمووووه
طظ فيهم مهما قالوا حتى لو قالوا هاتوووه
نفسي مره نفوق شوية والحرامي نلعن أبوووه
ماهو مش بإيدنا _ موش بإيدنا لا بأيدنا لا بأيدنا
سكوتنا ده ازاي يفيدنا _ لو سكتنا هيزيد سكوتنا
ونفضل نقول مليون وماله واحنا مالنا
وماهو مش بإيدنا _ موش بإيدنا
إمتى يكون في إيدينا حاجه _ احنا مش محتاجين لحاجه
غير لواحد ياخدنا فوق _ ومن اللي احنا فيه ياخد بأيدنا
علم و دين وإنسان خلوق _ يقدر يشيل ويرافع رايتنا
مليان حماس وكلي شوق _ إمتي بقى تعلى رايتنا

كل شيء بقى استحاله _احنا بقينا عايشين في حاله _ من السكون ومن النداله
شعب عايش وشعب نايم _ شعب ضايع وشعب هايم _ وشعب بيزور قسايم
وحكومه تقولك مش بأيدنا _ مش بأيدنا مش بأيدنا

طيب مين هو اللي بأيده _ غير رب يرفق بعبيده
كله ماشي ويا سيده _ كلب يوطي يبوس في ايده
وناس تدلعه ب ياميدو _ اصحى صحصح خد بأيدو
إصحى صحصح ياعمي فوق _ ناس بتسرق وناس بتقتل
ناس بتغرق _وناس بتحرق وناس بتهرب _وناس بتضرب _ناس بتصرخ انجدوه
ناس عايزه تعويض حرايق _ وناس بتنهب في الخلايق
كل يوم بنشوف حريقه _ وحرامية في الاخر تطلع بريئه
وناس بتهرب بالسريقه _ ولو نطقنا بقينا بيئه
ومش بعيد علينا يوحدوووووه

لا ياعمي انا كنت شارب _ والعرقسوس في دماغي ضارب
كأني لدغتني العقارب _ مدرتش حتى اللي بقوله
انا قولت ايه ده حتى ناسي؟ _ شكل خدنى في الكلام حماسي

وحلمت بحلم جميل ولكن _ تهت فيه بين الاماكن
ونسيت حقيقه عايشين عليها الناس هتفضل مش بايديها _ومش بإيدنا _مش بإيدنا



خواطر بقلمي ..
أيمن نور

بتسأليني؟



بتسأليني؟ وإيه دخلك؟ للدرجادي أنا هامك؟
هشيل همك؟ ماشي في دمك؟ بعدي عنك قتلك وسمك؟

والا إنتي حزينه على بعدي وفراقي؟

ضميرك تاعبك؟_ فين كان الضمير وقت ماباع قلبك؟

- بتقولي إيه!!!!؟ والله دي كلمة عجيبه !!!!
بتحبيني!!!!؟ من امتى كان الحب ده معناه نخون؟؟

- نبيع ونخون _ انسان حنون _ كان كل أمله في الدنيا دي يكون جنبك

**************

بتسأليني؟؟ وإيه دخلك؟؟ للدرجادي أنا همك؟؟
هشيل همك؟؟ ماشي في دمك؟؟ بعدي عنك قتلك وسمك؟؟

حزين انا على فراقك؟ ومين قال اني حزين؟

خلاص ماتت جوايا أشواقك _ ومش عارف بعدك هتبقى لمين؟

بتقولي ايه!!!!؟ ارجعلك!!!!!؟

معقول قلبي يساع جرحين؟

أسمعلك!!!؟؟
وانتي ليه مسمعتنيش قبل الفراق؟ والا كنتي فين؟

ودلوقت اسمع كلام قلبك والا كلام العين؟

عينيكي فيها خيانه _ وغدر وقسوة وألم وانين
أرجوكي عنيكي عني خبيهم _ كسروا قلبي ومعنديش قلبين
اعيش بيهم _اموت من غيره ولا انك ترجعي تعيشي فيه

راجعه ليه؟؟ واحشك أنا؟ والا مش حاسه وألا ناسيه؟؟
والأ إشتقتي تشوفي ضعفي قدام عينيكي

سامحيني_ خلاص بقى حبي كتير عليكي

ومتستاهليش_ وعلشان كده متسأليش _ متسأليش _ متسأليش


خواطربقلمي ..
أيمن نور
--------------------------------------------

الثلاثاء، 9 ديسمبر، 2008

شوية كوميديا _ وكفايه تراجيديا


وانا واقف باصص ومتنح على الشاشه _ موبايلي رن وقالي >>> بوسطه ياباشا
دي رساله جتني وفرحتني ونستني دور الكأبه اللي كنت عايش فيه
اخويا باعتلي بيقولي مبروك يابيه هتبقى عمو _موني الصغير هانت عليه
قولت بقى كفايا تراجيديا _ الخاطره دي لازم كوميديا
فكرت ايه اقدر اقوله ممكن من غير نصايح _مانا اللي شوفته وسمعته كلام فضايح
ناس تشك وناس تعك وناس بتشتم بالقبايح
اه ياقلبي لما يجي من ناس قريبه دي تبقى عيبه _ ده حتى خيبه لما يهينك اقرب ماليك
كنت بقول عبارات شباب عايز اوعي فيها البنات _ ناس تفتش في اللي فات
قاصد توعي؟ ههههههه دانت اللي فيهم أُس البــلاء _معقوله ده رد الجميل؟وصاحبي الاصيل؟ يشك فيا ؟ ويقول في حقي؟جاني كسر حُقي اتعودت انا من صحابي جرح والام نقول بقى نكته؟ الناس ليه ساكته
وناس بتضحك وناس ميفدش فيهم حتى العلام نقلب كوميديا؟ ماشي الكلام _ فكرت ألوم .. هيفيد بإيه حتى الملام؟
ناس تغيبك وناس تعيبك _ياعم سيبك قولنا خلاص كفايا تراجيديا اديها كوميديا
اكبر كوميديا صاحب تصاحبه وحبيب تحبه _تيجي في لحظه يديك في ضهرك
تقولي ياخبتي دانت حتى محصلت ناديه ادي الحكايه وادي الكوميديا _ ادي الكوميديا ادي الكوميديا


خواطربقلمي ..
أيمن نور

قفاك يا صاحبي


السـلام عليكم جروب بقلمي اللي له دايما بنشتاق بقلمي كلمه بقولها وسطكم عمري ماخاف ولايسرق كلامي سراق ومين يفكر يقول لازم يقول منقول من ايمن ابن نور الرايق المرواق كلامي ليكوا اليوم لازم يكون مسموع و كلامي عن القفا وطمعان في ادمن اسبوع فيها احاول اغير فيها احاول اكبر فيها يكون لي شرف والصمت فيه ممنوع نرجع لمرجوعنا والمسابقة في أسبوعنا لا هيه عن حبيب شق بشقا شوق وله بنشتاق ولا عن حبيب سرق ولما انسرق قلبه اندلق وقولنا عليه مشتاق كلامنا عن القفا أهم من الاشواق القفا ياصاحبي في الرجال علامة _شيمة من شيم الرجال وزينه وكرامةحافظ عليه عالي _مرفوع الراس _دا القفا دا غالي _لا إيد عليه تتمد ولاهزار يفوق الحد افاك ياصاحبي ده سد اوعى في يوم يتهد _ايوه كلامي ده جد وهو كلام العقل افاك ياصاحبي لا في يوم تغطيه خايف من الناس _ولا في يوم توطيه ساعتها هتنداس عمرك ماتوطي قفاك في يوم الا للحلاق_قفاك يلمعهولك ويقولك نعيماً بأخلاق والا في ركعوك لربك وادعي لنفسك وادعيلي اكسب انا السباق

بقلمي ..
أيمن نور

مــــزيــفــه كنتـــي وكــــان حبـــك مــزيــف


مزيفه كنتي وكان حبك مزيف
اه مزيف
ومثلتي عليا وصدقتك _ والله بجد صدقتك
صدقتك من كتر ماعشقتك
بس ليه؟

مش عارف ليه حبيتك
ولاقيتك كأني لاقيت مابتمنى
ووقت سريع وبيعدي
وامتى حبيتك؟ وامتي هسيبك؟ مفكرتش
ولا عمري في يوم حسبتلها
وازاي في بعدك اتحمل؟ واعيش حياتي واكملها؟
ولا مصدق ولا عمري في يوم حسبتلها
مثلتي عليا حنانك_ وسمعت اشواق في كلامك
واجمل ماسمعت بوداني في حياتي كان منك
وانا مصدق انا مصدق
قولتلها؟ ولا عمري قولتلها ولا اصدق ولا مصدق
حلم كانت هيه والا حقيقه ؟
بريئه؟
والله ماهصدق
في عينيها حنيه بتاخدني وكلامها لدنيا يوديني
احس بيها في حضني وكلمة منها تحييني
انساها؟
ولا عمري هنساها
ولا اصدق ولامصدق
لحد دلوقت ازاي سمعت كلمتها
بايعانى؟
وسيباني؟
في مكاني؟
وخيناني؟
وخاينه لكل مابينا ؟
خانت حب كان بينا وخانت وعد كان بينا وقبل ما اصدق
- قالتها
بايعاني وسيباني في مكاني وخيناني وخاينه كل مابينا
عشقتك وعشقت احلامك - كرهتك وكرهت ايامك
دي كانت حلم وكمان كدبه
ولا مصدق ولامصدق
ازاي فكرتي تخونيني ؟
وليه عايزه تنسيني؟
منك شوفت _عانيت وقلبي معاكي كانلك بيت
وبأيدك انتي اتهديت
ولا مصدق ولامصدق



بقلمى ..
أيمن نور

قلبــي وجعنــي


السـلام عليكمانا دايما وكالعاده بفتح صفحه جديده اني هعمل ستارت نيو توبك ومببقاش عارف هكتب ايه مجرد احساس او فضفضه عايز اقولها

قلبي وجعني قلبي وجعني لما شوفت حبيبي بعيني بيودعني ويقولي مفيش بينا كلام ولاحتى سلام ساعتها الجرح مابقاش اتنين الف جرح وجرح منعني اقوله كلمة متسبنيش قلبي اتكسر قلبي اتدمر حب ده كان والا مفيش؟ حاجه في قلبه ده بتشفعلي؟ لما بشوفه اقوله كلام حاجه تفكر قلبه بحبي ميشوفنيش ولا بيسمعلي انا مش عارف هوه مخالف والا ده خايف يوم يرجعلي؟ قلبه ده ايه؟ حب ده ايه ؟ في انسان بيحب ويكره ده اسميه ايه بقى يعني؟ قلبه ده قاسي مبينساش غلبت اصالحه ومبيهداش قلبه ده بايع حالف انه ماهيرجعلي قلبي وجعني قلبي وجعني لما شوفت حبيبي بعيني بيودعني ويقولي مفيش بينا كلام ولاحتى سلام بيقولي انا خاين رديت و قولت متستاهليش قالتلي انا بايع قولت اول مره متفهمنيش انا قلبي حزين وحزني عليكي بس انا عمري ماهبقى على حد خدعني قلبي وجعني قلبي وجعني لما شوفت حبيبي بعيني بيودعني ويقولي مفيش بينا كلام ولاحتى سلام

بقلمى ..

أيمن نور

طـــــــرائــــــــف مع الحـــــــسد 2

يعني محمد اول مره جيه زارني فيها في البيت جاني فلاقني عندي الكمبيوتر والدي اس ال فقال ايه ده انت عندك كمان كمبيوتر؟؟؟ ايه ده وعندك كمان دي اس ال؟؟؟لا دانت عايش حياتك ياعم والدي اس ال فيه حد مشترك فيه معاك والا ايه؟ قولتله لا لوحدي قالي يعني انت جايب الخط ده لوحدك؟؟؟؟ طيب بكام؟ قولتله تقريبا في حدود شهريا 250 ريال قالي يااااااااااه ده في مصر ب 25 جنيه طيب انا هبقى اجي ادخل بقى من عندك قولتله ان شاء الله ولما مشيدخلت انام صحيت والله لاقيت الجهاز طافي لوحده قولت يمكن فصل احاول فيه يمين شمال فوق تحت اي حاجه اهز فيه اقوله انت موت والا ايه ههههههههههههههههههههههههههههههههههههههههه اقوله معلش ياحبيبي جت فيك انت ههههههههههههههههههههههههه احسن ماكانت تيجي فيا انا ههههههههههههههههههههههههههههه والجهاز يقولي انا بموت يا ايمن اقوله شد حيلك هظبطك ههههههههههههههههههههههههههههههههيقولي ابعد محمد عني يا ايمن اقوله معاك ربنا هههههههههههههههههههههههههههههههههههههههههههه واقري المعوذتين ههههههههههههههههههههههههههههههههه يقولي ايمن حط قرأن على الهارد بتاعي يا ايمن ههههههههههههههههههههه وخلي المعوذتين في فاتحة الجهاز قولتله حاضر هحاول قالي ابوس ايدك قولتله اشطه يا جهازي وروحت اعالج الجهاز لاقيته باور سابلاي فقولت الحمد لله كنت مفكره هارد والا بورده كانت هتبقى الخبطه تقيله اوي طلعت في 40 ريال بسيطه يعني جيت البيت اشغله مشتغلش نت احاول فيه يمين شمال لاقيت اساسا علامة النت مش ظاهره قولت اشطه كارت الشبكه هههههههههههههههههههههههههههههههههههههههههههههههههه كارت الشبكه قالي كده تتخلي عن حبيبك يا ابو ناديه قولتله معلش كنت كارت طيب والله هبقى ادعيلك ههههههههههههههههههه وجيت غيرت كارت الشبكه ب 35 ريال قولت مش مهمجيت اكلم البيت عندي مايك لاقيت المايك باظ والله المايك كان جديد والله بجد معرفش حصله ايه ههههههههههههههههههههه روحت اشتريت مايك اصلي ب 35 ريال اللي فيه البيز وكوليزر وكده لما جبت المايك لاقيته قابلني قالي ايه ده جبت مايك جديد ههههههههههههههههههههههههههههههههههههههههه قولتله محمد قول مشاء الله ههههههههههههههههههه قالي بكام ده قولتله مكتوب عليه قالي يا لهوي مايك ب 35 ريال روحت قولتله قول مشاء الله ياعم هههههههههههههههههههههه قالي ماشاء الله هوه انا هحسده ؟ ههههههههههههههههههههههههههه قولتله لا امي اللي هتحسده هههههههههههههههههههههه بس الاحتياط واجب برضه هههههههههههههههههههههههههههههانتظروني يوميا مع طرائفي مع محمد

بقلمى ..
أيمن نور

طـــــــرائــــــــف مع الحـــــــسد 1

السـلام عليكمانا مش عارف الموضوع جد والا كوميدي الصراحه بس انا عايزه يبقى من ده على ده موضوعا انهارده موضوع الحســد والحسـد موجود لامحاله ومذكور في القرأن وكل واحد مننا اكيد مر بموقف اتـحسـد وفيه ناس اتحطت في مواقف بان انهم شكلهم حسدوا حد حتى ولو بالخطأ انا متأكد ان مفيش حد هيقول على نفسه موقف انه حسد حد او على الاقل اتشك او حد اشتبه فيه انه حسده فبالتالي انا عايز كل واحد يقول موقف حصله واتحسـد فيهانا عن نفسي انهارده 3 مواقف حسد وكلهم من شخص واحد وهو المحاسب الجديد اللي جاي يشتغل معايا كمشرف على العمال انا جايب موبايل جديد وماشي انا وهوه بنتكلم والموبايل بتاعي ضرب فالرنه بتاعته كأنها دقه على الباب فلاقيته بيقول مين مين ياعم متشوف تليفونك مش بيبطل رن هههههههههههههههههههههههههههه وإذ فجأة التليفون يطير من ايدي بدون اي مقدمات وبدون اي سبب ويقع قدامي ويتفتت حتت والملم فيه ويشتغل والحمد لله بس من غير مايسمعني حد انا اسمعه وهوه ميسمعنيش ومتشكرين يا عم محمد في اول حادث هههههههههههههههه الحادثه التانيه جيت انا لاقيت العمال عندي بيشتغلوا وتعبانيين ياعيني وانا كمان مرهق روحت اعمل ليا شاي فقولت والله لاعمل للعمال غلابه برضه وجبتلهم في ترمس شاي وانا جاي فقابلني وبيقولي انت جايب لمين الشاي دي كله والله والله معرفش الكلمه لسه مكملهاش وطار مني ترمس الشاي ووقع على الارض ههههههههههههههههههه فاتحرج اوي وقالي انا محسدتوش ههههههههههههه والحمد لله متكسرش وفضلت امسح فيه وروحت وديته للعمال وروحت مشوار وجيت لاقيت الترمس 70 حته هههههههههههههههههههههههههههههههههههههههههههههههههههههههههههههههههههههههههههههههههه وهوه بيقولي اصله وقع هههههههههههههههههه قولت طيب متوقع اكيد انه هيحصله كده هههههههههههههههههه ومتشكرين على الحادث التاني والحادث التالت بقى كنت هموت انا فيه وانا رايح اشتري حاجات لاني مكلتش طول اليوم ولا اتحركت من 7 الصبح واقف على رجلي لبليل بقالي يومين كده فجيت قولت اروح اشتري حاجه اكلها فروحت البقاله قولت اجيب حاجه اكلها فاتصل عليا وانا واقف على باب البقاله فبقوله ايوه يامحمد خير قالي انت فين قولتله بجيب حاجه اكلها مكلتش من الصبح قالي اه ياعم فاكر نفسك انت واحنا نموت من الجوع ههههههههههههههههههههههههههههههههههههههههه فلسه مكملش الكلمه وانا بسأل البياع بتاع البقاله على باتيه علشان اشربه مع الشاي وبقوله فيه عندك باتيه لاقيت سقف البقاله كله وقع هههههههههههههههههههههههههههههههههههههههههههههههههههههههههههههههههههههههههههههههههههههههه وكنت هموت لو دخلت اجيبه من مكانه اللي انا المفروض عارفه وبروح اجيب منه كل مره فروحت شوفت المنظر قفلت في وش محمد السكه ههههههههههههههههههههههههههههههههههههههههههههههههههههههههههههههههههههه ده كله في يوم واحد يا محمد ربنا يستر بقى ادعولي بقى استمر على قيد الحياه بعد مايعدي اسبوع

بقلمى ..
أيمن نور

التحــرش الجــنسي في مصــر وعوامـله


السـلام عليكم انا سمعت الايام اللي فاتت كتير وزهقت من كتر ماسمعت عن الموضوع ده فقولت ليه مناقشهوش مع بعض؟؟موضوع التحرش الجنسي بالبنات والمعاكسات واللي بنشوفه اليومين دول من بلاوي الشباب وبجاحتهم وتعديهم على البنات في الشوارع بمنتهى الجرأه ولافيه حتة راجل يتقال عليه راجل ابن راجل يدافع عن البنت يتشاف البنت بيتعمل فيها بلاوي ولو عملوا ايه ولا حد هيتحرك ويقولك ماهيه اللي لابسه مش محترم والا هيه اللي مش عارف ايه ويطلعلك مليون سبب علشان ميدافعش عنها ولا يتدخل لكن ده مش السبب السبب هوه الخوف دلوقت وانعدام النخوه والرجوله في الشباب والناس والله انا بقول وكنت بتكلم مع ناس بخصوص الموضوع ده وبيقولك تحرشات في رمضان وتحرشات اللي حصلت في العيد والتحرشات اللي حصلت بعد فيلم سعد الصغير ودينا وتحرشات حصلت في حفلات بسبب فنانات ولبس خليع والله الواحد زهق من كلمة تحرش انا بس عايز ابين للناس قد ايه بقت سهله الكلمه على لسانا رغم اننا كان عندنا حياء حتى اننا نقولها وقد ايه الموضوع بيدل على على انتشار التحرش وفكرته التحرش انتشر في مصر بسبب عوامل كتير بس اكيد اكيد انه انعدام النخوه والرجوله في الناس دلوقت من اسبابها الاساسيه وفيه ناس بتقول ان السبب البنت ولبسها والكلام ده وناس تقول التربيه وناس تقول البطاله وناس تقول حال الناس وناس تقول كلام كتير بس المشكله ان احنا لو شوفنا حد بيتحرش ببنت بقينا بنقف نتفرج ودي المصيبه وده اللي مش من صفات الرجوله المطلوب تواجدها رجالة زمان كان الواحد ميقدرش يبص لواحده في الشارع والا التاني يمسكه بتبصلها ليه وتعاكسها ليه ومحدش يقدر يقوله نص كلمه لكن دلوقت الكل مسك في كلمة وانا مالي وهيه كانت من بقيت عيلتي؟ طيب ماهو ممكن يحصل لحد من عيلتك مين اللي هيدافع عنها؟ ماهو الكل هيقول نفس كلامك برضه الرجوله ياجماعه فين راحت؟؟؟ فين النخوه؟؟؟في مين هتتحامي البنت وهيه ماشيه في الشارع ومحدش يقولي اللبس واي اسباب تانيه هيه ممكن تكون من ضمن لكن مش اساسيه الاساس هوه انعدام الرجوله والنخوه في المجتمع دلوقت وانعدام الاخلاق انا عايز اعرف اراء الناس ايه ؟ واسباب الحاجات دي ايه وكل واحد يقول وجهة نظره واي شيء يخص الموضوع من قريب او بعيد ونطرحه سوا للمناقشه

بقلمى ..
أيمن نور

اااااااااااه يااااااااانا يااااا اجندة افكااري


ااااااااااااااااه ياااااااااااااااااااني ياااااااااااابا انا ايه دخلني الفيس بوك ده واعرف الناس دي اللي جابتلي الضغط والمراره وانا لسه في عز شبابي هههههههههههه واحد صاحبي عزيز عليا اوي اوي يعني بس خلاص هقطع علاقتي بيه دلوقت علشان ميحصليش اللي حصله المهم صاحبي ده او اللي كان صاحبي بكلمه وبيقولي انه بيفكر كتير في اي مشكله بتجيله وبيقفل على نفسه باب اوضته وينعزل علشان ياخد قرار في اي مشكله وإذ فجأة يقولي بجيب اجندة افكاري وبفتحها وبكتب عناصير المشكله ونقاطها ويحدد ايه الاضرار والمناقع والمساوء والسلبيات اللي هتحصل من القرار ونسبة الفشل ونتائج الفشل ونتائج الصدمه الناتجه عن الفشل ولو لاقي نسبة فشل 1 % بيخاف ينفذ القرارانا فضلت افكر ايه عناصير المشكله دي فكرته عناصير قصب والا عناصير فروله بالموزطلع قصده عناصر المشكله خير اللهم اجعله خيرانا بجد حسيت ان نفوخي حصل فيه خرم وحسيت ان فيه حاجه انفجرت في جمبي مش فاكر انهي جمب فيهم بس لما سألت قالولي دي المرارهوحسيت ان وشي احمر كده وكنت هعيط من الكلام قعدت اقوله ياضنايا يابني عناصر مشكله واجندة افكار ونقاط المشكله وكده؟ياخي يخربيت ابو اللي يزعلك هههههههههههههههههههههه سؤال بقى هيه العالم دي مجانين والا احنا اللي عندنا تخلف عقلي؟؟؟هوه فيه حد فيكوا بيعمل الحاجات دي؟؟ حد عندة اجندة افكاره؟ الهي يارب تولع بيكوا لو عندكوا هههههههههههههههههه حد بيفكر بالطريقه دي؟ لو فيه حد بالطريقه دي ارجوا الاتصال على 099999999 سريا المجانين غرفة المتخلفين

بقلمى ..
أيمن نور

رساله حب


حياتي وعمري كله والله متعلقين بيكي ومتعرفي قد ايه بحبك وبموت فيكي احلفلك مش قادر اوصفلك بس كل اللي أقدر اقوله بموت فيكي وحشتيني يأغلى حاجه فى عمري واحسن حاجه عرفتها وعيشتها من غيرك ازاي اعيش وليه اعيش مايهمنيش فى الدنيا غيرك حبيبي ونفسي تكون مني قريبه من غير ماحس حاسس بقول اشعار وقلبي نار بتمناكي ليا من الدنيا وعايش علشانك يا اجمل نصيب وشئ غريب مش عارف انا ليه خايف اقول تعرف قد ايه بخاف عليك ومهتم بيك تتقل عليا وتقسى عليا ارجوك بلاش وليه بلاش والله حتى القسوه منك حب وحنان ونفسي فى كمان بيت بيجمعنا والفرقه تودعنا خلاص بكيت من كتر بعدك عني خلاص مليت انا انتهيت لو فكرت في لحظه تبعد عني دانت خلاص بقيت وحته مني وكل همي في الدنيا تبقى معايا فرحي وهنايا واكون معاكي ووعد مني ياكل همي بكل اللي فيا روحي ليكي حكون علشان اشوف عينيكي دايما سعيده مش عاوزك بعيده ازاي بعيده والله انتي والله انتي اقرب مني ليابصي في عينيا هتشوفي حبي ودقة قلبي توصفلك قد ايه بغير عليكي وحياة عينيكي زي ماوعدتك اسعدك اروجكي اسعديني

بقلمى ..
أيمن نور

بوسه على جبينك


بحلم وبتمني في يوم الاقيكي قدامي ساعتها - مش هستني - وهبوسك _ بوسه على جبينك
بوسه على جبينك ليكي مني - وفي النني _ هشيلك عمري ياعمري
بحبك انتي ورجائي ماتبعدي عني - وده لاني - بنيت عليكي احلامي
من يوم شوفت عنيكي جنني - وتاه مني - كلام شايله جوايا
وبحلم بيكي ومستني اشوفك لحظه وايايا
ساعتها هاغني واغني _ بأسمك ياقمري وسمايا
بحلم علشانك اكون جني _ وتطلبي مني وتتمني _ واقولك مولاتي شبيكي
ياملكه انتي في حياتي - تحياتي - لاجمل ماشوفت بعيوني
بوسه على جبينك وانا بين ايدك - بتقولك بحبك _ بموت فيكي
بعيده اوي عني - ولا حاسه بأحساسي - وبتمني _ تحسيني
وهثبتلك قد ايه حبك - ببوسه على جبينك

بقلمى ..
أيمن نور

موضوع يحرق دم اللي عنده دم (الدكاتره المصريين المحكوم عليهم بالجلد في السعوديه ) وفين الحكومه؟


السـلام عليكم
انا عارف اني اتأخرت اوي في طرح الموضوع ده وده بسبب اني مش قادر فعلا اتكلم فيه لاني بجد كاتم جوايا اللي جوايا من كتر ماشوفت من اللي بيحصل في المغتربين واللي سايبين بلدهم وطفشانين من اللي بيشوفوه في بلدهم وبعد ده كله كمان يشوفوا في الغربه وده كله ليه؟ لان بلدهم مش قادره تنطق بكلمه مع حد تخسر صداقته علشان شوية ....... اللي هما المغتربين وطبعا الواحد من الشعب المصري في نظر حكومته وفي نظر رئيسه كمان لانه المسؤول الاول هو مجرد فرد من 75 مليون فرد لو راح فملوش لازمه مش هيأثر كتير ولو مات فيه غيره 74 مليون وتلاقي كمان بيتمنوا يموت مليونين تلاته يخفوا شوية عن الضغط اللي ياعيني مش ملاحقين علينا شغل ومكفينا اكل وشرب ومعيشه مرفهه وبيرحوا مكاتبهم لابياكلوا ولابيشربوا ولابيقروا جرايد ولابيهزروا مع بعض ولابياخدوا رشاوي ولابياكلوا اموال البلد ولابيستحلوا اموال الدوله وممتلكاتها ولابيسحلوا مصالح ولابيفوتوا حاجه هما ياعيني تعبانين ومحروقين وطالع عينين اللي جابوهم في الشعل احنا اللي شعب ابن ستين ......... مش بيتمر فينا حاجه ماشي احنا فعلا شعب كده طيب والناس اللي مغتربه لما يبقى في الجرايد وفي النت وفي التلفزيون وفي كل حاجه مذاع عن مشكلتهم والسفاره عارفه ومطنشه ودن من طين وودن التانيه من طين برضه ولاعايزه تسمع حاجه والودنين طرش والا بتستعبط الله اعلم السفاره دي بجد حاجه مالهاش لازمه بالنسبه للمصرييين في الخارج والله بجد ولابتسهل ولابتساعد ولابتعمل اي حاجه للشعب والله بمواقف كتير انا عشتها وشوفتها بنفسي من ناس مصرييين بيحكولي وحاجات بتتذاع في التلفزيون والله مبهدلينا بره يقولك مالناش دعوه ومش مسؤليتنا مش اختصاصنا نعم؟؟؟؟؟؟؟؟؟؟ياخي تييييييييييييييت مش اختصاصكوا ازاي؟ امال انا هندي قدامكوا؟ امال انا مش مصري ومن حقي عليكوا تساعدوني؟ هو انا مش المفروض مسؤل منكوا هو انتوا مش المفروض هنا علشان تساعدوني وتساعدوا اللي زييي اصلا؟؟؟ والله انتوا ناس غريبه اوي تعبت بجد تعبت وفاض بيا من اللي شوفته وسمعته واخرها مشكلة الدكاتره المصرييين اللي السفاره عارفه بمشكلتهم والتلفزيون والصحافه والحكومه والريس نفسه ومحدش يقولي ان الريس مبيتفرجش على تلفزيون ولابيشوف جرايد ولابيعرف الاخبار لا بيشوفوا وبيسمعوا وبيطنشوااتنين دكاتره زي الفل والله واحد كان مدير مستشفى والتاني دكتور معاه مشكلتهم ان الدكتور اللي كان مدير المستشفى صادف انه دكتور ممتاز وكان في الفتره اللي هو فيها في المستشفى حصل ان اميره سعوديه وقعت من على الحصان وحصلها شوية مشاكل طبيه واتعالجت في المستشفى فالامير جوز الاميره دي خلي الدكتور مدير المستشفى نقل كفاله عليه ولازم الاميره علشان يكون قريب منها ويعالجها ولولا اعترافهم بكفاءه الدكتور ده مكنوش اختاروه وخلوه ساب ادارة المستشفى واتفرغ لعلاج الاميره ويلازمها في بيتها كمان وفي اي مكان تروحه مع جوزها ويعالجها بعد فتره اتهمه الامير انه سبب في ان مراته اللي هيه الاميره ادمنت العلاج ده بسبب جرعات زائده من الدكتور والخطأ من الدكتور اللي هو مدير المستشفى سابقا والدكتور التاني اللي كان بيورد العلاج للدكتور التاني والاتنين مصرييين نتيجة الخطأ ده ده اذا كان فعلا فيه خطأ طبي من الدكتورين انهم حكموا عليهم ب 1500 جلده فيه حكم يحكم ب 1500 جلده؟ وعلى اتنين دكاتره ؟ ونتيجة خطأ طبي؟؟؟ والله ده ظلم فيه ناس تقول ان الدكتور عاش فتره جوه بيت الامير وعرف اسرارهم وعايزين يخلصوا منه الله اعلم ؟وفيه ناس تقول ان الدكتور كان على علاقه بأميره تانيه وهيه اللي وزته يعمل كده؟ الله اعلم برضه ولا حدش عارف حاجه وكمان حكومتنا مدخلتش باي حاجه ولاعملت اي حاجه ولاسفارتنا اتحركت طيب مين هيدافع عننا؟ مين هيحمل همنا؟ واخدين جنسيه ليه احنا؟ وشايلين جواز مصري ليه؟؟؟المطلوب مننا ايه؟ ندور علي جنسيه حكومتها وسفارتها ورئيسها يقدر يرجعلها حقها؟ ويحميها؟ والا نعمل ايه بس؟بلدنا مش عارفين نقعد فيها ولما هربنا منها حتى مش قادرين حتى يحمونا او يساعدونا اننا نهرب او اننا نفضل هربانين حسبنا الله ونعم الوكيل في الريس وفي الحكومه وفي السفاره وفي كل من يسكت على حق او كل من يجمل حق او كل من يطنش ويتغاضي على حق وكل من عارف الحق ويسكت عليهانا مش عارف بأيدي ايه اعمله؟ او ايد اي مصري مغترب او اي مصري حتى جوه البلد احنا ضعفا بلا حيله مش بايدنا غير اننا ندعيلهم اخواتنا وحاسيين بيهم والله وبمشاكلهم واللي هما فيه انا مش عامل التوبك ده طالب حاجه من حد لاني عارف ان محدش في ايده حاجه بس ادعولهم اماانه عليكم وعلى كل واحد فيكم ادعولهم بامانه والله الناس دي غلبانه اوي والله كل مغترب غلبان والله اعلم بحاله واللي هو فيه وكفايه صبره على اللي هو فيه وبعده عن اهله وصحابه ورضاه بالذل ومحدش حاسس بيه ادعولهم وربنا اكبر بكتير من اي حد اكبر من الريس واكبر من الحكومه واكبر من السفاره واكبر من الملك عبد الله واكبر من الامير سلطان واكبر من الامير سلمان واكبر من هيئه الامر بالمعروف والنهي عن المنكر واكبر من الامير والاميره وظلمهم حسبنا الله ونعم الوكيل حسبنا الله ونعم الوكيل

بقلمى ..
أيمن نور

الحلقه الرابعه من عبارات بيقولها ( الشباب ) ومبيقيناش ناكل من الكلام ده


مساءكوا زبادي هنبدأ حملة الصراعات اللي قلبت علينا الرجاله وجبتلنا الشتايم وربنا هههههههههههههههههه انا اتشمت كتير واتهزأت وده كله علشان بقول الحقيقه وبنصح البنوتات الغلبانيين هههههههههههههههههههههههههههه بس طبعا انا مبيهمنيش وسيبهم يقولوا مهما يقولوا ايه خدنا منهم غير الكلام والحاج جورج وسوف بيقول كلام الناس لابيقدم ولايأخرنخش في الموضوع نبتدي دي هتبقى زي ما اتفقنا انها اول حلقه في السلسله بتاعت عبارات الشباب على النت علشان لما بيكلموا بنات او بيتعرفوا عليهم ويوقعوهم ياعيني الواد لو عجبته بنت في منتدى او في جروب او في شات او في اي حته يبدأ ازاي علشان يتعرف عليها بصوا بقى معايا اولا يروح كل موضوع هيه راده عليه ويقول رأي شبه رايها او زيه او انا مع فلانه في رأيها نفاق يعني ههههههههههههههههههههههه ماهو اكيد يعني علشان تنبسط منه وتحس انهم شخصيتهم وصفاتهم زي بعضويجي وراها في الموضوعات وكده يقولها بحييكي على ردك وبحيكي على كلامك وانتي زي العسل وانتي لذيذه وانتي عسوله وانتي دمك خفيف وانتي وانتي وانتي لما بتخنق لما بشوف الحاجات البدائيه دي هههههههههههههههههههههههههههههه اسألوني انا عن الجديد ههههههههههههههههههههه وبعدين البنت تقوله ميرسي هههههههههههههههههههه وسبق واتكلمنا على ميرسيخ دي يعني ايه بس الواد لما يسمع ميرسي دي يعني البنت اتنفخت واتثبتت وخلاص يعني خش بقلب جامد يامعلم ههههههههههههههههههههههه يروح الواد متشجع وداخلها البرايفت يقولها صباح الخير او مساء الخيرفيه ناس غبيه بقى اول مايتعرف على واحد يدخل يقولها صلاح على البحر صلاح على البحر ههههههههههههههههههههههههههههههههه تطفش بقى هيه وصلاح ههههههههههههههههههههههههههههه المهم ان البنت ترد السلام وممكن يقولها السلام عليكم لان البنت البريئه هتقول في نفسها مينفعش مردش السلام بتاع ربنا اكفر يعني؟ ههههههههههههههههههههههههههههههههههههههههه لا ياستي ردي السلام بتاع ربنا بس يارب لسانك يتقطع بعد السلام ومترديش لانه ياهبله بيجرجر رجليكي للرزيله ههههههههههههههههههههههه سوري قصدي للتعارف ههههههههههههههههههههههوبعدين يقولك انا مبسوط اوي ان فيه بنات زكيه زيك كده ويشكر في ذكاءك ويقول مصر جابت احمد زويل تاني ههههههههههههههههههههههههههههههههههههه او يقولك تفكيرك ودماغك بيعجبوني اوي وشخصيتك حلوه اوي وفيكي حاجات كتير قريبه مني او زييي تقومي انتي مبسوطه وتتنفخي اكتر واكتر ههههههههههههههههههههه تقوليلي ميرسي ربنا يخليك ده من زوقك اه ياختي فاهم فاهم ههههههههههههههههههههههههههههه وبعدين يكلمك شوية ويتحجج بقى يقولك ممكن اكلمك على الميل اصل الشات بيهنج؟ او يقولك ممكن اخد ميلك علشان الشات بطيء؟ او يقولك البرايفت اداني تحزير ممكن اخد ايميلك نكمل كلام هناك؟او يقولك انتي بتدخلي نت امتى؟ مواعيدك ايه يعني؟ ممكن تسمحيلي اكلمك تاني؟ او يقولك انا لو عايز اطمن عليكي اقدر اطمن عليكي ازاي؟ ينفع اخد ايميلك؟او يقولك انا هطلب منك طلب بس اوعي تكسفيني هههههههههههههههههههههههههه تقوليله ايه الطلب يقولك ممكن اضيفك على الميل؟ او اخد ايميلك تقومي انتي بقى علشان سبقلك بالكلمتين دول تروحي قايله اوك مفيش مشكله وتديله الايميل زي الهبله طول ماهو بيكلمك على الميل في الفترات الاولي يفضل يقولك ياقمري ياقمر (وانتي الله اعلم بيكي هههههههههههههههههههههههههه) بس كلمة قمري دي مستفذه صراحه قمرك منين نفسي افهم؟؟؟كانت من بقيت عيلتك؟ والا انت حجزتها بأسمك وبقت القمر بتاعك انت؟ والله غريبه اوي وكل شوية يلقحلك بالكلام مره او يوريكي صورته علشان يقولك دي صورتي امال فين صورتك انتي بقى؟ ههههههههههههههههههههه اصله قانون اوريكي توريني على طول ملحوظه هامه جدا :- فيه برامج كتير اوي على النت وسهله جدا وموجوده في كل مكان اي بنت تحط صوره على الماسنجر البرنامج ده ياخدها كوبي اتوماتيك من غير ماتطلب انت حتى هههههههههههههههههه اه والله بجد يعني البنت مش لازم يطلب منك توريله صورتك ========= حتى لو هو مش موجود اون لاين ولو جيه وفتح البرنامج وعمل بحث هيطلع كل صور الناس اللي مضافين عنده وحطوها من اول مانضافوا عنده لغاية اللحظه اللي بيكلمها فيهايعني فيه بنات بتتفزلك تقول هو مش اون لاين وفيه ناس تقول ان وريتها لصاحبتي بس وفيه ناس تقول وريتله صورة وانا محجبه وتيجي توري صاحبتها صوره مش محجبه وتلاقيها عند الواد اصلا وتستغرب يعني بالمختصر المفيد طول ماعندك ولد على الميل فسهل اوي انه ياخد كل لصور اللي تعرضيها على الماسنجر عندك سواء له او لغيره سواء موجود او مش موجود يارب تكوني فهمتي وتبطلي هبل بقى اول حاجه الولد بيسألها للبنت لما يتعرف عليها يقولها انتي مرتبطه؟ ههههههههههههههههههههههههههههههههههههههههههههههههههههه وانت مال اهلك يابارد؟اقولك انا هو ياستي بيسألك السؤال ده علشان يحدد اتجاه الحوار رايح فين وجاي منين وهيبقى طريقة الكلام واللعب اللي هيلعب بيها شكلها ايه هل على صداقه؟ والا حب؟ يحدده مرتبطه او لاالولد لما بيكلم بنت بيكون هدفه الحاجات دي بالترتيب اولا الميل تاني حاجه لو خد الميل يطلب يكلمك مايك ويتحججلك مليون حجه علشان تكلميه مايك ممكن يقولي صباعي مجزوع هههههههههههههههه والا انا كنت بلعب ضغط طول الليل ومش قادر اكتب من ايدي ههههههههههههههههههههههههههههههههههههههه والا يقولك كنت بتفرج على مسرحيه وايده وجعته من التصقيف ومش قادر يكتب او يقولك انه عينيه وجعاه مش قادر يقعد قدام الشاشه كلمية مايك علشان يبعد عن الشاشه الدكتور قالوا لازم تكلم بنات مايك علشان تبقى كويس ههههههههههههههه قصدي متقعدش قدام الشاشه اي حاجه يعني المهم علشان تكلميه مايك وبعد لما يكلمك مايك هتلاقيه بيحرجم انه يشوفك كاميرا لو عندك كاميرا ويفضل يتنططلك علشان تفتحيها ويعملك قرد ويقولك افتحيها ووجهيها ناحية التلاجه هههههههههههههههههه اصله عايز يعرف نوعها ههههههههههههههههههههه المهم نفسه وهيموت ويشوفك كاميرا ولما يوصل للحاجاتين دول او موصلش مش مشكله يبدأ المرحله اللي بعد كده وهيه مرحلة الموبايل وهيه بداية الخطر احزري الواد لما يطلب موبايلك هههههههههههههههههههههههههههههههههه يقولك علشان اطمن عليكي او لو غبتي اعرف اخبارك طيب هو انت اصلا هتعرف اخبارها ليه؟ ماهو عندك هيه على الميل ولو غابت يبقى مش عايزه تشوف ولاتعرف حضرتك هههههههههههههههههههههههههههههههههه تروح انت ناططلها في التليفون؟ ايه التباته دي ههههههههههههههههههههههههههه وهيه لو عايزه تعرف سيادتك هتدخلك ميل وتكلمك يعني التليفون مالوش اي اي لازمه في وجهة نظري انا على الاقل علشان محدش يشتم هههههههههههههههههههههههههههههههههههه ولما يوصل للموبايل تبتدي المرحله اللي بعد كده وهيه المقابله وجها لوجه يعني لو مش من بلدك يتحجج انه نازل بلدك يقابل جماعه صحابه او في شغل او او او مليون سبب او نازل يصيف حتى لو كنتي في الصعيد هههههههههههههههههههههههههه ويقولك انا نازل عندك ينفع تنزلي اشوفك؟ اصلك وحشاني او الكلام الفاضي ده وطبعا لازم تقومي معاه بواجب كرم الضيافه وتعزميه علشان تبقى جدعه ههههههههههههههههههههههههههههههههههههههه خليكي جدعه لما تاخدي على دماغك وترجعي تلطمي على وشك وتقولي ياريت اللي جرا ماكان ولاهيكون ههههههههههههههههههههههههههه ويجي الواد بقى لو شافك يفضحك ويكتب يافطه على ظهره يقول انا قابلت فلانه الفلانيه بس اوعي تقولوا لحد هههههههههههههههههههههههههههه اصلها شهره وسيط والسيط والا الغنا ههههههههههههههههههههههههه والا يفضل يقول لاصحابه البت كذا دي صاروخ ههههههههههههههههههههههههههههههههه ( صاروخ تعبير شبابي ولادي يعني مزه جامده جدا ) ههههههههههههههههه للأيضاح او لو طلع ستر وغطا عليكي ومقالش هتيجي مره تتخانقوا سوا ويطلعلك القديم والجديد هههههههههههههههههههههههههههههههههه انا قابلتها ومعايا تليفونها ومش عارف ايه وايه وايه وتلاقيه ممكن يألفله تأليفتين تلاته انها هيه اللي طلبت الميل والموبايل وانها طلبت تقابله وخلافه .وهتلاقي نفسك متسيطه وسط الناس انك بتقابلي ولاد وبتدي تليفوناتك وانك بتوزعي ايميلاتك وتلاقي نفسك مطمع من كل الولاد ان كل واحد عايز ياخد موبايلك وكل واحد عايز ياخد ايميلك وكل واحد عايز يشوفك ويقابلك ماهو اشمعنى ادتيه لكذا واشمعني قابلتي كذا واشمعنى كذا معاه موبايلك يعني مليون اشمعنى وبيني وبينك هو صح اشمعنى اصلا؟؟؟اانا عارف اني هتهاجم جامد جدا بسبب الحلقه دي لانها هتكشف كتير وهتخوف بنات كتير وهتخوف ولاد كتير وهتخلي ناس كتير تحزر من بعض وناس كتير تخاف من بعض بس اللهم بلغت اللهم فاشهد والله اعلم بالنيه اني مش قاصد غير النصيحه والله على ما اقول شهيد
استنوني الحلقه الجايه نكمل كلامنا ان شاء الله

بقلمى ..
أيمن نور

الحلقه الثالثه _عبارات بيقولها ( الشباب) ومبقيناش ناكل من الكلام ده

كل الناس تصحصح معايا هنبتدي الحلقه التالته واحنا زي ماتفقنا لسه دي اخر حلقه في الكلام الجد اللي هيه اخر حلقه في مرحلة الجامعه وعبارات وكلام الشباب في مرحلة الجامعه اللي بيضحكوا بيه على عقول المساكين البنوتات الطعمين (معلش ياشباب صدقوا علشان خاطري انهم مساكين ) ههههههههههه خلو الليله دي تعدي وتعدي الليله وتبتدي ليله جديده بعد ماالواد ظبط البت خلاص وبقوا اصحاب وتبتدي المرحله التانيه وهيه انه يخلي البنت تحبه وترتبط بيه ولما يرتبطوا اتفرج بقي ياحلوه منك ليهاهيبقى الكلام ازاي=====الولاد كلهم وبلا استثناء لواحد بيحبوا اللي يديهم على دماغهم واللي يديهم على دماغهم بيلزقوا فيه ههههههههههههه اسألوني انا طبعا الكلام على الولاد كلهم ماعادا انا ههههههههههههههه خدوها مني نصيحه يابنات الواد من دول يجي يتعرف عليكي لو صدتيه يحاول تاني لو صدتيه يحاول تالت وعاشر وعشرين ويبقى هيموت عليكي الواد في طبعه يحب الحاجه الصعبه السهله بتروح بالساهل والصعبه صعب اوي يسيبها فيه كلمه بيقولها كل الولاد >> اللي بيجي بالساهل بيروح بالساهل <<<< الكلمه دي بيطبقوها في تعاملاتهم مع البنات البنت اللي يعرفها بسهوله بغمزه والا يعاكسها فتتعلق يبقى البنت دي سهله وقت لما يزهق منها يرميها ولافي دماغه اما البنت اللي بيتعب اوي انه يتعرف عليها ويتعب اوي انه يكلمها ويتعب اوي انها تحبه صعب اوي اوي انه يسيبهايجي الواد يقولك مثلا كل يوم يقولك وحشتيني وفي سره يقول (وحشك قطر خدك بالحضن ) ههههههههههههههه اصل الواد كلمة وحشتيني دي حته بيرميها يشوف ماية البنت ايه هتقوله وانت كمان وحشتني؟ والا هتقوله ميرسيخ (يعني شكرا بس بدلع يعني ) والا هتقوله متشوفش وحشرد البنت بيحدد اسلوب العلاقه اللي هتم بينهم وبين بعض بعد كده وكمان هيمشي الحوار ازاي يمكن يكون صحاب وواخدين على بعض اوي لو ردك احد الردود اللي فوق يمكن يكون حب برضه نفس الردود اللي فوق ( يعني هيشتغلك في الازرق لو كانت ردك على الكلمه بالردود اللي فوق ) افهمي اما لو ردك على وحشتيني انك وقفتيه عليها او رديتي رد جامد او رد انه ميصحش الكلام ده انا مبحبش كده او اي الردود دي فهيحترم نفسه ويعرف انك مقفوله ومعقده (ده النوع اللي بيحبه الولاد على فكره ) اه والله بجديعني لو الواد بيقول للبنت انتي معقده اعرفي انه معجب بصفاته او بيحاول يستفذها للتخلي عن اي حاجه من صفاته علشان يعرف يدخلها من اي اتجاه ويعلقها او يخلي الحدود بينهم تتشال علشان ميقولش عليكي معقده تقومي انتي زي العبيطه تفكي شوية في الكلام وتخليه ياخد راحته علشان ميقولش عليكي معقده يروح هو يزيد فيها ويتمادى ماهو انتي مش موقفاه يعني طبع الولاد كلهم كده يطلب منك يتعرف في الاول ولو سمحتيله يتعرف يطلب تليفون ولو سمحتيله هيطلب تخرجوا بره المحاضره ولو سمحتيله هيطلب تخرجوا بره الجامعه ولو سمحتيله هيطلب تحبوا بعض ولو سمحتيله هيديكي على دماغك ههههههههههههههههه يعني ماتخديش على كلام الولاد الوحش لانه فعلا بيكون استفذاذ ليكي علشان تفكي وانتي بتتعاملي معاه فيه كلمة بيقولها الولاد كمان للبنت لما تبقى مقفله معاه ومش عارف ياخد منها لاحق ولاباطل يقولها اانتي مغروره اه ياعبيطه الكلمه دي معناها انك بت جامده جدا وداخله دماغه جدا وهيموت عليكي بس مش عارف يكلمك اكمنك مناخيرك في السما تروحي انتي زي الهبله مدلوقت وتوطي مناخيرك مانتي لو وطيتي هيضربك على قفاكي هههههههههههههههههههههههههه فخليكي في نظره مغروره وراسك فوق ومناخيرك فوق احسن ماتخدي على قفاكي في الاخر والا ايه ياشاطره ؟;)الواد في الجامعه تلاقيه من اول معرفك وهو بيسأل على عيد ميلادك هههههههههههههههههههههههههههه اه لان دي برضه من الحاجات اللي بتقرب اوي اوي وبيتضحك بيها على دقون البنات ( اه البنات اليومين دول بدقون ههههههههههههههه بس عيره الدقون دي ) هههههههههه يلا انا مبحبش اجيب في سيرة الناس اه تلاقي الواد يقولك انتي عيد ميلادك يوم ايه ويقولك عيد ميلاده علشان تبقى عندك دم تجيبيله هديه والا تقوليله كل سنه وانت طيب وتعمليله فرح وماسجات وكده ياسلام لو عيد ميلادك انتي قبل عيد ميلاده بيلعن اليوم اللي عرفك فيه وربنا هههههههههههههههههههههههههههههههههههه اصل انتوا عارفين الواد في الجامعه بياخد المصروف لما ياخد من المصروف ويدبق ويستلف علشان يجبلك هديه وانتي بقى زي الحيطه هههههههههههههههههه مبتحسيش طبعا هتحني وترقي ياسلام لو دبدوب بقى تبقى خلاص خلصت يعني ههههههههههههههههههههههه (هو في الغالب فعلا دبدوب ) اصله الراعي الرسمي لاعياد الميلاد في الجامعه هههههههههههههههه ولو عيد ميلاده هو قبل عيد ميلادك بيبقى فرحان اوي ومستني هتجيبيله ايه في عيد ميلاده هههههههههههههههههههههههههه ويفضل يحلم بكره هتجيبلي ايه هههههههههههههههه ويصلي ويدعي يارب تجبلي التي شيرت اللي كان نفسي فيه ههههههههههههه بدل المقطوع اللي انا لابسه ده هههههههههههههههههههههه او تجبلي ساعه حائط هههههههههههههههههههههههههههه يخربيت اختياراتك ههههههههههههههههه المهم البت طبعا ولامعاها اللضي ماحنا عارفين البنات في الجامعه مفلسين دايما وبيعيطوا لامهم وابوهم علشان يدوهم فلوس ينزلوا الجامعه تلاقي بقى البنت مطنشه وتقوله كل سنه وانت طيب يا كوكو هههههههههههههههههه ( رجالة اخر زمن بقى اسمهم كوكو ) هههههههههههههههههههههوانت زي العبيط تفرح اوي وتقول دلوقت هتطلع التي شيرت من ورا ضهرها والا ساعة الحائط هههههههههههههههههههههههههه وهيه ولاتطلعلك حاجه خالص ممكن باكوا لبان من اللي كانت بتاكل منه فاضل معاها تطرقعلك بيه هههههههههههههههههههههه وانت تقول في سرك وتبلطم يخربيت فقرك ومعرفتك ياريتني كنت عرفت واحده انضف من كده شوية هههههههههههههههههههههههههههمهنش عليكي حتى تجيبلي ولاحتى باكو مناديل امسح دموع خيبتي هههههههههههههههههههه ماهو انا فقر وحظي فقر طول عمريشوفوا بقى العباره دي بقى اهم من الشيكاره كلها العباره دي بيعملها كل الولاد تقريبا الغيره الغيره دي اهم حاجه تجذب البنت للولد وتخلي الواد يلمح للبنت تلميح صريح جدا انه بيحبها علشان تقع فيه وتحبهانه يهتم بيها دايما وبتصرفاتها ويخاف عليها اوي ويعمل شمشون لو حد بيعاكسها ويروح يتخانق كمان ومش بعيد المشاكل تكبر لانه اصلا معندوش عقل اي ولد يتخانق علشان بنت ده غبي واي بنت تخلي او تستفذ او تضطر ولد انه يتخانق مع ولد تاني علشانها تبقى غبيه الواد بيحط نفسه في موقف وحش لانه اتصرف بدون عقل والبنت غبيه لانها الوحيده الخسرانه في الموضوع لان لو الموضوع اتطور لادارة الجامعه هيقولوا ولي الامر والبنت تبقى مفضوحه او يبقى يتقال عليها الواد بيتتخانق علشان البنت ودي مقوله وحشه اوي عند الولاد مش هتلاقي حد يقف جمبه او يدافع عنه طالما علشان بنت وانتي هتبقى ملزمه ان الواد طالما دافع عنك انك هتسمحيله يقربلك اكتر والحدود تتشال اكتر واكتر وهيفضل زالل اللي خلفوكي اني اتخانقت علشانك واني حصلي كده علشانك و و و والواد لما يشوف البنت زميلته دي بتكلم ولد تاني يركبه ميت عفريت وكأنها خانته هههههههههههههههههههههه وكان الاتنين متعاهدين على الجوازويفضل يقولها بتكلمي ده ليه وتعرفيه منين ويفضل سين وجيم ولا محضر البوليس وهيه في سرها (وانت مال اهلك ياغلس كنت ابويا والا امي والا خطيبي والا حتى جوز امي) طبعا لاوعندها حق في اللي في سرها بس المشكله انها مبتقولش اللي في سرها له بتقول اللي على لسانها علشان متزعلوش ومتبقاش وحشه او تبقى متكبره او تبقى مغروره او تبقى معقده في نظر الولد طبعا فتسمحله بحقوق وتصرفات وكلام وسؤال وتحقيق فيتمادى اكتر واكتروتلاقيه يطلب منك انك متكلميش غيره وانك متعرفيش غيره لانه خايف عليكي ويموت بقى لو شافك بتعرفيه على ولد تاني تلاقيه يستأذن ويمشي زعلان وانتي بقى يتقطع قلبك عليه تقولي ياحرام بيحبني والا تقولي اراعي شعوره وهو اصلع اساسا وبيستهبل عليكي علشان متكلميش حد تاني ويبقى هوا اللي في الصوره وصاحب الاهتمام الاول والاخير وكمان تحسي انه بيحبك وبيغير عليكي والمثل بيقولك خدي اللي بيحبك ومتاخديش اللي بتحبيه فتقعي زي العبيطه في حبه ويشتغلك هو بقى بمزاجه تكلميه وميعبركيش تشوفي منه بلاوي ماهو خلاص وصلك ووقعك في حبه يدور بقي على تحدي تاني صعب بينه وبين نفسه او بينه وبين صحابه وزهق منك فلازم يشوف غيرك احيانا الولاد بيتراهنوا بينهم وبين بعض على انه يوقع البنت دي ويجي اصحابه يشوفوه وهو بيكلمها وانتي مش متوقعه انك في يوم ممكن تكوني رهان بين ولاد وتسلمي حبك لواحد كان مجرد مراهن عليكي وبحسن نيه مش متخيله انك اللي حبتيه كان بيشتغلك وبيتسلي بيكي وبيراهن عليك يواحيانا بيكون بيقرب منك علشان يوقع صاحبتك او يقرب منك علشان يغيظ بنت تانيه كان بيحبها ومرتبط بيها وتتحرك لما تلاقيه بيكلم غيرهاوالله دي كلها فعلا حاجات بتحصل في االجامعه وشوفتها وعشتها انا نفسي وسط صحابي وناس عرفتهم منهم ولاد ومنهم بنات بكده انا لميت معظم العبارات اللي بيقولها الولاد في الجامعه وبيشتغلوا بيها البنات ويارب يكون الناس استفادو شويةالحلقات من بداية النت هتبقى كوميديه شوية لان المرحله الجاد خلصت بس طبعا وسط السطور بيكون كلام جد في باطن الكلام معنى يارب يكون بيوصل لانه تحذير برضه لكن اسلوبي بيكون للتوعيه وعلشان يوصل بيكون فيه ضحك وهزاروياريت يعزرني بعض الناس اللي انتقدوا اسلوبي الساخر ولكن ده اسلوب مقصود برضه لتوصيل المعلومه والفكره الحلقه الرابعه في عبارات بيقولها الشباب ومبقيناش ناكل من الكلام ده _ (شباب النت )
انتظرونىىىىىىىىىى

بقلمى ..
أيمن نور

الحلقه الثانيه من عبــارات تقــولها( الشبــاب) ومبقينااااش نـاكل من الكــلام ده


بصي يابت انتي وهيه وركزوا معايا والاتنين اللي بيفلوا بعض دول يطلعوا بره وميجوش تاني الا اما يحطوا جاز في شعرهم واللي بتهرش دي كمان تخرج بره مش ناقصين جرب كفايه اللي عندنا هههههههههههههه فتحوا معايا من اخر مره الواد خد المحاضر من البنت وعملها باي باي والبت بتلعن في اللي جابوه علشان خسرها تمن التاكسي وهيه متعوده على شعبطة الاتوبيسات هههههههههههههههههههه المهم بعد لما الواد يروح البيت يفضل بقى يخطط تاني يوم هيعمل ايه ويحكي لصحابه بقى على المزه اللي اتعرف عليها ويبقى كل يوم يحزلها بقى المكان ويروح من بدري ويقعدوا جمب بعض وياكل ودانها بالكلام مره في مره يطلب منها الموبايل قال يعني علشان يطمن عليها لو مجتش مره ماهي لو مجتش مره هتيجي اللي بعديها هيه هتعزل من الكليه يعني والا هتقعد في البيت؟ ماهي اكيد جايه والله كلام فارغ وبعدين يتصل بيها بالليل ويفضل يرغي معاها لغاية لما البت ودانها توجعها من الكلام وتقوله بكره بقى نتقابل والا تقفل السكه وتقوله الشحن خلص والا الواد رصيده يخلص ال 5 جنيه اللي محولهم والا تقوله بابا والا ماما دخلت عليا اي حجه يعني ويجي شوية بشويه يقولها انا حاسس اني اعرفك من زمان هههههههههههههههههههههههههههههههههه الكلمه دي لازم كل شاب يقولها للمزه اللي عايز يعلقها هههههههههههههه اصلها العباره الاولي لشد البنت للولد وممكن يقولها انتي غير البنات كلها بحسك فيكي حاجه مختلفه عنهم كلهم ازاي يعني مش عارف طالعلها قرون؟ هههههههههههههههههههههههه والا شايفها عينيها الاتنين شمال ههههههههههههههههههههههه والا وشها مكان قفاها هههههههههههههههههههههه ماهو كل العادي هتقولي قصدك الاسلوب والطريقه والاخلاق ساعتها بقى مش هرد عليك هههههههههههههههههههههههه بس هقول للبنت اوعي تتثبتي خدي بالك ده كله كلام تثبيت وبعد كده الهجوم التقيل يرمي اللي عايز يقوله يفضل واحده بواحده يقربلك ويحاول يلقح كلمه في كلمه علشان يوصلك ويعرف اخرك ايهيعني اول حاجه يقولك اديني مسد على موبايلي اصلي مش لاقيه هههههههههههههههههههههههههههههه لا ناصح يالا ههههههههههه والا يلعب في موبايلك ويقولك الرساله دي حلوه اوي ممكن تبعتيهالي؟ههههههههههههههههههههههههههههههههههه تروح البنت تقوله وماله ابعتها فنجريه ههههههههههههههههههههه وتبرطم في سرها الله يحرقك هتخرسنا ال 35 قرش اللي باقيين في الرصيد هههههههههههههههههههههههههههه مش هعرف ارن دلوقت على صحابي ههههههههههههههههههههههههههههه وبعدها يقولك فيها حاجه لو سجلت رقمك؟ تروحي زي الهبله تقوله لا عادي مفيش مشكله بس ياريت متكلمنيش قبل الساعه 12 بالليل هههههههههههههههههههههههه علشان البيت كله يكون نام ونتكلم براحتنا ههههههههههههههههههههههههه لا خبره هههههههههههههههههه الواد بقى هو بيكلمك في التليفون يقولك صوتك جميل اوي ههههههههههههههههههههههههههههههههههههههههههههه وفي سره يقول بس بتاع العباره في الشيكاره احسن شوية هههههههههههههههههههههههه طب جربي قولي العباااااااااااااااره في الشيكاااااااااااره كده هههههههههههههههه وبعدين وحده بواحده يلقح كلمه ياحبي والا ياحياتي والا ياحبيبي ال يعني الواد غلطة لسان والا متعود على الكلمه ههههههههههههههههههههههه ده بيرمي ياهبله علشان ياخد عليكي اكتر ويشيل الفوارق والحدود شوية بشوية وتتنازلي انتي واحده بواحده عن مبادئك يام مباديء انتي ههههههههههههههههه يجي بقي وانتوا في المحاضره مره يقولك متيجي اعزمك على الفطار وفي سره يقول حر ونار في جتك هههههههههههههههههه هتخسريني خمسه جنيه بس يلا كله في سبيل التعليق ههههههههههههههههه وانتي طبعا همك على بطنك متصدقي طالما فيها اكل تقولي هوفر 5 جنيه انهارده هههههههههههههههههههههههههههههههههه تقوليله اوك موافقه ال برقه ال هههههههههههههههه وفيه بقي اللي تقولك موافقه بس كل واحد يدفع لحساب بتاعه خلينا امريكي هههههههههههههههههههههههههههه ماهو المشكله مش في الفلوس ياهبله المشكله انكوا تنزلوا الكافيتريا سوا اصلا هههههههههههههههه المشكله انه مش عازمك انتي ياهبله ده عازم صحابه يتفرجوا عليه وهو مظبط وقاعد معاكي وبتاكلوا سواوفجأه وانتوا سوا يعدي واحد صاحبه يشاورله كأنها صدفه وواحد تاني يجي يسلم عليه ويعرفه عليكي ويمشي وفيه اللي يجي ويفضل يتكلم معاكوا ويهزر ويبقى صاحبك هو كمان يعني بقيتي دلوقت صاحبة اتنين مش واحد ولو شافك التاني في اي حته هيجي ويكلمك ماهو كان واقف معاكي وبيهزر يعني بقيتوا صحاب او لو شافك في مواصله يدفعلك الدفع في المواصلات دي بقى اكتر حاجه غلط ممكن تسمح بيها البنت المفروض متخليش حد يدفعلها الا اخوها والا ابوها والا ابن عمها او خالتها غير كده يبقى تجاوزت الحدود وسابت للواد فرصه سانحه للدخول ليهاومره في مره يجي صاحبه التاني ماشي مع بنت يعرفك عليها والا يتفق هو وصاحبه يجيب المزه بتاعته ويجو ويعرفكوا على بعض كلكوا وتبقوا شله بقى ومن هنا يبتدي التظبيط الصح اي مشكله بينك وبين الولد هتلاقي اللي يدخل ويشكرلك فيه ويصلح عيوبه اللي هو صاحبه اللي بيغطي عليه واللي هو معرفك عليه وتيجي في مره تلاقي صاحبه يقولك انه عيان انهارده ومقدرش يجيوانتي زي الهبله تتصلي عليه وهو زي القرد في البيت بس عايزك تبقى ملهوفه عليه الواد بيتكيف اوي لما بيحس البنت بتخاف عليه او بتسأل عنه او بتطمن عليه ولما يجي الجامعه تاني يوم تقابليه بلهفه وايديكوا تفضل في ايد بعض شوية وتسبلوا لبعض وانتي بتطمني عليه ومن هنا ابتدينا انتي كنتي خايفه عليا اوي كده؟وانتي تقولي اه طبعاويجي يقولك وحشتيني وفي سره وحش لما يلهفك وانتي تقولي وانت كمان وحشتني وحشك قطر ياختي هههههههههههههههههههه يفضل الواد يقولك مخنوق وتعبان ومتضايق علشان انتي ياحنينه يا طيبه تقوليله مالك فيك ايه احكيلي هههههههههههههههه الفضول هيقتلك ههههههههههههه وهو بقى يحكي ويحنن قلبك ويكلمك وعادي في الاول ممكن يقولك انتي زي اختي وبعد كده واحده بواحده الحال يتقلب ويطلب غير كده وممكن يكلمك عن بنت بيحبها زمان ومش عارف ينساها وواحده واحده هتحاولي انتي تعملي فتكه وتنسيهاله وبعدين يقولك بحبك انتي لو العلاقه بينكوا مشيت على انكوا صحاب فبعد لما يحكي معاكي خصوصياته وطبعا فيه حاجات كتير من تأليفه وحاجات كتير بتبقى اوفر اوي علشان يحننك وحاجات كتير بتكون مش خصوصيات ولاحاجه يمكن بتنزل في النشره كمان كل يوم هههههههههههههه بس بيقولك اوعي تقولي لحد وطبعا كل حد يقوله يقوله متقولش لحد وبالتالي الكلام الكل هيفكره انه سر لان محدش هيوصل الكلام لحد لو مشيت العلاقه على انها صحبيه لو عجبه بنت تعرفيها هيقولك متعرفيني عليها او يسألك عنهاوفيه مثل عند الشباب في الجامعه يقولك صاحب الوحشه تجبلك الحلوه ولو صاحبت الحلوه متسألش عن غيرها واكتر حاجه يحبها الولد انه يحب من وسط شله علشان المنظر يكون متغطي مش شكلهم اتنين حبيبه بيقعدوا سوا وبيتكلموا لوحدهم وكده ويكون المنظر مكشوف لكن لو وسط شله اسمه زميلي وزميلتي وبتغطي اما العلاقه لو مشيت على انها حب فبيبص من بعيد لبعيد او يحدد مع صحابه يوم ينزلوا فيه للمعاكسه والتعرف على بنات جديده غير اللي مرتبطين بيهم وفي الغالب بيكون يوم الخميس اصل انا كنت محدده الخميس ايام الجامعه ههههههههههههههههههههههههههه كنت انا واللي مرتبط بيها ننزل الايام كلها ويوم الخميس اجازه انزل انا وصحابي بقى بس والله انا مكنتش بعاكس هما بس اللي بيعاكسوا ويتعرفوا على بنات ويعرفوني انا عليهم بقى هههههههههههههههههه اصلي بعيد عنكوا كنت بتكسف ههههههههههههههههههههههه الحلقه دي جد اوي انا عارف ومفيهاش ضحك خالص وانا متعمد كده وان شاء الله الحلقه الجايه كمان هتبقى كده علشان نقفل حلقه الجامعه بالنسبه للبنات وفي الحلقه الرابعه هنبتدي تعارف الولد على البنت في النت ايه اللي بيحصل فيه وايه العبارات اللي بيقولها الولد للبنت ودي هتبقى مسخره بجد وفضايح استنوني ان شاء الله

بقلمى ..
أيمن نور

الحلقه الأولي من عبــارات بيقـولها (الشبــاب) ومبقيناش ناكل من الكلام ده

بصي ياحلوه منك ليها اول حاجه قبل مانتكلم اللي واكله بصل تخرج من التوبك اصل انا بقرف واللي مطلقه متكالش بيض ولا سمك اصله مضر اوي واللي جوزها ضاربها دي بقى تستاهل لانها مبتسمعش كلامي وبقالها كام حصه مبتحضرش الحلقات بتاعتي اسمعي ياحببتي منك ليها فتحي مخك كده كويس وسيبك من محلول الغباء اللي بتشربوه ده الواد من دول عايز يتعرف على البت يعمل ايه هقولك الطرق نبدأ بالتعارف في الجامعه>> اولا :-الواد يتسهوك ويسبسبلك شعره وحاطط كالونيا خمس خمسات ههههههههههههههههههههههههههههههههه ويجي جمبك وانتي في المحاضرهيقولك يا انسه ممكن لو سمحتى تقوليلي المحاضره دي محاضرة ايه؟ تقوليله محاضره زفت يقولك اسم الدكتور ايه لو سمحتي هههههههههههههههههههه هتقومي انتي ضاحكه يبقى طبيت ياحلو ماهو عمر دياب بيقولك ضحكت يعني قلبها مال وخلاص الفرق مابينا اتشال يروح الواد شايل الشنطه بتاعتك اللي هيه فارقه بينكوا يعني ويروح قاعد جمبك يقولك مش معاكي جدول المحاضرات ال يعني الجدول مش متعلق بره في صندوق قد كده الاعمي يشوفه ولو قولتيله ماهو متعلق بره يقولك معلش اصل زحمه اوي وانا بخاف من الزحمه وماما جابتني ومشيت هههههههههههههههههههههه تروحي ضاحكه تلاقيه خلاص الفرق اتشال ويحضرك جمبك المحاضره وياكل ودانك انتي كام سنه منين ويفضل يقولك ابوخ نكت في العالم علشان تضحكي تاني وشوية شوية الفرق يتشال اكتر وياخد عليكي ويتشال الفرق خالص مش بعيد يقعد على حجرك كمان هههههههههههههههههههههههه شوية شوية وياخد عليكي ويطلب منك كشكول المحاضرات بتاعتك وانتي خلاص مانتي ضحكتي يا موكوسه وتديله الكشكول زي العبيطه يروح واخد الكشكول في حضنه وكأنه ماسك فردة شرابك وعمال يشم فيها ويحضنها هههههههههههههههههههههههههههههه جتك القرف هههههههههههههههههههههههههههههههههههه ويجي يقولك هصوره واجبهولك بكره وياخده معاه يرميه على المكتب في بيتهم ولا يصور ولا ينيل مين قالك اساسا انه ده بتاع محاضرات ده عيل تييييييييييييييييت وبعدين يجيلك تاني يوم يقولك معلش معرفتش اصوره اصل الحبر خلص هههههههههههههههههه ال الحبر خلص ال ههههههههههههههههه او ملقتش مكتبه فاتحه ليه هما حلاقين ياخويا بياخدوا اجازات؟ ههههههههههههههههههههههههههه ويقولك تعالي معايا نخرج بره الجامعه نصور الكشكول وتروحي معاه زي الهبله طبعا جتك نيله في هبلك وانتي عامله زي عروسة المولد وحاطه في وشك صفيحيتين بوية ماركة العسكري ههههههههههههههههههههه افخم نوع هههههههههههههههههههه على ربع زيت عربيات على شعرك هههههههههههههههههه اوعي الروايح ههههههههههههههههههههههه على طقم عائشه الكيلاني في دور الفلاحه ههههههههههههههه اوعي الشياكه ههههههههههههههههههههههه والواد بقى في نظره يبصلك كده البصه اوعي الاغراء هههههههههههههههههههههههههههههه مش عارف ايه السكس بنص ده ههههههههههههههههههههههه المهم نرجع لموضوعنا بطلوا ضحك جتكوا نيله مش شاطرين الا في كده هههههههههههههههههههههه الولاد بياكلوا بعقلكوا جبنه قديمه وخيارتين وزتونه اصل الحلاوه بترفعلي الضغط معلش وانا عندي الضغط هههههههههههههههههههههه بس بقى بجد خلونا نكمل يجي يقولك يلا نصور الكشكول في مكتبة الجامعه والطبيعي ان المكتبه زحمه كالعاده فيقولك ياااااه دي زحمه اوي تعالي نصور في المكاتب اللي بره الجامعه هههههههههههههههههه الواد بقى غرضه انكوا تخرجوا سوا بره الجامعه علشان بقى الفرق يتشال اكتر واكتر ويبقى كده صحبيه بقى ولما تروحوا عند المكاتب اللي بره الجامعه برضه اكيد زحمه وكلها عيال رايحين يصوروا برضه ههههههههههههههههههههه كل واحد واخدله الموزه اللي عايز يتعرف عليها قصدي يصور منها المحاضرات خلي نيتكوا سليمه ههههههههههههههههههههههههههه ال يعني مفيش رجاله بتكتب محاضرات ههههههههههههههههههههه مفيش الا المزه دي هههههههههههههههه وكمان ال يعني الواد المزاكره مقطعه بعضيها ههههههههههههههه ادي دقني لو كان مبيعرفش يقرا اساسا او ساقط اعداديه هههههههههههههههه والمشكله تبقى انتي كاتبه المحاضرات نكش فراخ ويقولك ايه الخط الجميل ده هههههههههههههههههههههههههه اساسا كانت بتكتب برجليها هههههههههههههههههههههههه وهيه بتاكل سندوتش الطعميه اللي جايباه في شنطتها هههههههههههههههه جتها القرف اوعي التوفير هههههههههههههههههههه اصل سندوتشات الجامعه غاليه بقى وتقولك اصلي بقرف من اكل الجامعه هههههههههههههههههههههههه اوعي الرقه هههههههههههههههههه المهم نكمل اصل الحلقه دي طولت والزفت لسه مخدش الكشكول ههههههههههههههههههههه واثناء الكشكول مايتصور يكون اكل ودانك رغي وبيعملك بلياتشو علشان تضحكي وناقص ينط فوق كتافك علشان بؤه يلزق في طبله ودنك هههههههههههههههههههههههههههه تبقى البت كاتمه الكلمه وعايزه تسوط في وشه وتقوله هو انا طرشه ياخويا هههههههههههههههههههههه بس البرستيج بقى هههههههههههههههههههه المهم تتم عملية التصوير بنجاح ويطلع الواد بقى المحفظه بتاعته ويقولك والله مانتي محاسبه انا اللي هدفع ههههههههههههههههههههههههههههههههههههههههههههه ال يعني بقى الواد عزمك على تصوير الكشكول بتاعك اللي هو اساسا اللي هياخده هههههههههههههههههههههههههههههههه ويتفق بقى على ميعاد معاكي تاني يوم ويقولك هحجزلك في المحاضره جمبي ويوصلك لغاية التاكسي ويفتحلك باب العربيه ويعملك باي باي واستنوني الحلقه الجايه

بقلمى ..
أيمن نور

سـلسلة عبــارات بيقولها الـــولاد ومبقينـاش ناكـل من الكـلام ده


اسمعي يا بت انتي وهيه وفتحي عينيكي انا جاي اوعيكى وافهمك وارسيكي على كل كلام الولاد الوحشين المتوحشين الخاينين الغدارين بس طبعا انا مش فيهم انا حلو وانت حلو وابوتريكه حلو هقولكوا من خلال التوبك ده على كل العبـارات اللي بيقولها الشباب وبيضحكوا بيها على عقول البنوتات الحلوين الطعمين السهتانين الغلبانين الطيبين الملايكه سامحني يارب على الكدبه دي ههههههه بس طبعا مش كل الولاد بتقول الكلام ده ههههههههههه هو بصراحه كلهم معادا انا هههههههههههههههههههه سامحني يارب على الكدبه دي كمان هههههههههههههه المهم انا زي مابديت توبك عبارات يقولها البنات وخدت هجوم وطوب وحاجات كده من البنات عايز اكون عادل واعمل توبك عبارات يقولها الولاد بس من رايي التوبك ده هيبقى اجمد من العبارات اللي تقولها البنات يمكن لاني ولد واعرف عن الولاد اكتر من البنات معرفش بس انتوا هتحكموا من خلال السلسله اللي هنزلهالكوا هنا الهي تتلف سلسله على رقابة الولاد كلهم خلينا نخلص منهم ههههههههههههههههههههه ماعادا انا طبعا برضه ههههههههههههههههههههههههه انا عارف الشباب هيستنوني بره بس ولابيهزني هههههههههههههههههههههههههههه انا في حماية البنات ههههههههههههههههه وانتوا بقى عارفين البنات وما ادراكوا هههههههههههههههههههه نبتدي ان شاء الله من انهارده على طول علشان السرعه ونلحق نقول اكتر الحاجات من الولاد قبل مايحصلي اي تهديدات من الرجاله ههههههههههه والاقي واحد داخل يقولي اخص عليك يا سونه ياخاين هههههههههههههههههههههه سونه مين ياد هههههههههههههههههههههه دا انت اللي سونه وستين سونه كمان ههههههههههههههههههههه معادنا بالليل انهارده ان شاء الله وكل يوم حلقه ومتهيألي حلقات الولاد هتبقى اكتر من البنات علشان الولاد كلامهم كتير رغايين يعني معادا انا طبعا ههههههههههههههه
استنونىىىىىىىىى

بقلمى ..
أيمن نور

الحلقه الثالثه من عبــارات تقــولها البنــات ومبقينااااش نـاكل من الكــلام ده


السـلام عليكم نظرا لما حدث من عته لمجموعه من البنات وشوهد اكتر من 5 الاف بنت مطلعين لسانهم وماشيين في الشارع من الهبل واكثر من 10 الاف بنت بتصحي مفزوعه من النوم بتقول ايمن ايمن اوعي يجيلك ايمن هههههههههههههههههههه واكثر من 50 الف بنت حصلهم حالات اتضرابات نفسيه وفوبيا وبيمشوا خاييفن ان يطلعلهم ايمن وبيمشوا يتلفتوا وراهم ويقولوا اي حد يفكروه ايمن وازدياد حالات العنوسه في مصر كشف كل حركات البنات وانفصال كل المرتبطين والمخطبوين والمتجوزين والمتنيلين فقعدوا البنات في بيتوهم وعلشان ميقعدوش في قرابيزي قولنا نعفو عنهم واخر مره ولو كرروها تاني هديهم على دماغهم هههههههههههههههه فقررت اني استكفيت من الحلقات مؤقتا لغاية وقت غير معلوم لما نشوف اخرتها معاهم اللي هتزعلني هديها على طول حلقه هههههههههههههه بس احب اقول كلمة اخيره البنات دول نعمه من ربنا منقدرش نعيش من غيرهم وكل من بيحب واحده يمسك فيها بايده وسنانه وكل من بتحب واحد تمسك فيه بايديها وسنانها مش سهل ابدا الواحد يلاقي حد يحبه بصدق ويخلصلهمش سهل ابدا فراق مش سهل ابدا تلاقي حد يحبك ويخاف عليك وكل من له حبيب وغلط في حقه او شاف منه حاجه وحشه فعزره الوحيد حبه واظن ان العزر ده اكتر حاجه تغفر لحد بيحب حد ومهما كان منه حبه يغفرله ده طبعا لو واثق من حبه ليها او حبها له الحلقات دي كانت موضوع كوميدي وارجو ان محدش يزعل مني انا عمري ماقصدت ازعل حد او قصدت اني اهين حد او اقول لحد كلمه وحشه والمرأه نصف المجتمع ومن غيرها منقدرش ابدا نعيش

بقلمى ..
أيمن نور

الحلقه الثانيه من عبــارات تقــولها البنــات ومبقينااااش نـاكل من الكــلام ده


يلا يا شباب نكمل السلسله الهي السلسله تتلف حوالين رقابة البنات كلهم وتخنقوا بيها ونخلص قادر ياكريم هههههههههههههههههههههههههههمن العبارات اللي بتقولها البنات البت تدلعك وتناديك بأسم الدلع ياخيبتها اللي عايزه خلف انت ترضي يتقلك يا كوكو؟ والا يا توتي؟ والا يا منمن؟ هههههههههههههههههههههههه دانا لو واحده قالتلي كده البس طرحه واقعد في البيت بقى احسن ههههههههههههههههههههههه يازكي منك له دي تقصد انك اخرك كوكو؟ يعني فرخه محصلتش ديك يا خساره هههههههههههه والا تقولك يا توتي؟ كلنا عارفين البطه توتي؟ يعني انت لا بتهش ولابتنش ياخويا ههههههههه اما منمن دي لما بسمعها بدوخ بصراحه ههههههههههههههه مع ايموشن >> :$ لو قالتلي بنت الكلمه دي مستعد اقفل السلسله خالص هههههههههههههههههههه ويمكن الفها حوالين الرجاله كمان هههههههههههههههه لا بهزر طبعا ال اتخلي عن صحابي ال انا بديت مشوار ولازم اكمله عارفين ليه؟ لاننا رجاله ووقفنا وقفة رجاله ومهما حصل مش هنخاف ومش هنكش عارفين ليه لاننا رجاله ووقفنا وقفة رجاله الله يرحمك يا مليجي هههههههههههههههههههه فكرتني بسر الارض ههههههههههههههه من العبارات اللي بتستفذني بقى البنت لما تعملها حاجه وعايز تعمل نفسها رقيقه تقولك ميرسيخ ههههههههههههههههه ميرسيخ في عينك يقلعها من لغاليغها يابعيده انا يتقالي ميرسيخ؟ سيخ عليكي وعلى اللي يعرفك بعد كده هههههههههههههههههههههه ال ميرسيخ ال انا فيه بنت تجرأ وتقولي ميرسيخ دي؟ ولا تقدرلما حبيت اعرف اساس الكلمه دي ايه؟ لفيت ودورت وبحثت لغاية لما عرفت ان البنت تقصد تقولك شكرا بس اموت واعرف ايه دخل السيخ في الشكرا دي؟ يلا سيخ حديد يتعلقوا عليه واحده واحده بالمقلوب ان شاء الله ههههههههههههههههههه من العبارات بقى التانيه اللي بتقولها البنات تلاقيها كل يوم تقولك مش عارفه مين بيعاكسني مش عارفه انا جايلي عريس عريس مين يابايره ههههههههههههههههههههههه دا لو جالك عريس هروح ابوس ايده علشان يوافق عليكي ههههههههههههه ومين الحمار اللي يفكر يعاكسك اكيد عينيه الاتنين شمال ههههههههههههههههههههه وعنده حول الوان يعني حول وعمى الوان مع بعض هههههههههههه دي بتسخنك علشان تتنحرر وتغير عليها بس طبعا على مين احنا ثابتين في الارض ولا حاجه تهزنا ياجبل مايهزك ريحومن العبارات التانيه بقى تقولك انا وماما طول الليل في سيرتك هههههههههههههههههههههههههههه مش هتبطلوا العاده دي تقعدوا تجيبوا في سيرة الناس هههههههههههههههههههههههههههه غيبه ونميمه على المساء هههههههههههههههههههههههههههههههههههههههههههههههههههههههه يخربيت الرخامه بقى في الرد لما تسمع منك الكلمتين دول هتحس انك واد مجدع ومبتخافش من حدفيه عباره كمان مشهوره ان البنت تيجي تقولك فيه واحد حاول يكلمني وفضل يبعتلي ماسجات على الموبايل ويتصل بيا وانا ولا عبرته وحياة طنط؟ جاب رقمك منين طيب؟ياحبيبي ده كان واحد متصل غلط بيقولي صلاح موجود؟ قولتله لا مش موجود وانا مش ممكن اخون حبيبي قبل الساعه 12 بالليل لاني بحافظ على مشاعره لما يبقى صاحي هههههههههههههههه كلمني بعد لما ينام على ودانه هههههههههههههههههههههههههههههحبيبي يا بوصلاح هههههههههههههههههههههههههههههههههههههههههههههههههههههههه ال الرقم غلط وتقولك مبخونش حبيبي قبل الساعه 12 بالمواعيد ياختي؟ههههههههههههههههههه وانت زي البأف تفضل تسقفلها وتقولها انا كده مبسوط منك ياحببتي اوعي تخلي حد يحاول يكلمك وتكلميه اوعي تفكري تخونيني انا بحافظ عليكي وانتي لازم تحافظي عليا تقولك ايوه طبعا ياحبيبي هو انا محتاجه توصيه؟ هههههههههههههههههههههههههههههههههههههههههه لا ياختي من الناحيه دي انا مطمن اوي مش محتاجه اي توصيه ههههههههههههههههههههههههههههههههههه متفرجينا الفون بوك بتاعتك كده هههههههههههههههههههههههههههه والا اقولك بلاش ماحنا شوفناها في حلقه قبل كده من الحلقات القديمه شايف واحده دلوقت بتشتمني من البنات وهيه بتهرش وتقول ان ماوريتك يا ايمن يانور هههههههههههههههههههه عادي عادي انا متهددش ولا بتهزتيجي البنت تقولك انا بموت فيك وبموت في التراب اللي بتمشي عليه عفرها ياد بالتراب ده يجي في عينها يعميها البعيده هههههههههههههههههههههههههه دي كدابه متصدقهاش ههههههههههههههههههه والنعمه انا عسل هههههههههههههههههههههههههه كلمة والنعمه دي منه لله اللي لزقها في لساني مكنتش عمري قولتها ههههههههههههههههههههههههه وتقولها اهديلي اغنية يا حببتي تقولك جوزي وانا حره فيه جوزي افرده واكويه جوزي شبشب حمام يعمل بي بي وينام ههههههههههههههههههههههه وانت فاتح بؤك قد كده وفرحان انها بتغنيلك اغنيه وبتقولك جوزي ماهي بتقولك ياشبشب محصلتش شبشب عادي ده شبشب حمام انا فيه واحده تستجري تقولي شبشب؟انا شبشب؟ وكمان شبشب حمام؟ الله يقرفك وبي بي على دماغك يابعيده وقريبه هههههههههههههههههههههههههههههههههههههه
يلا استنوا الحلقه الجايه
بقلمى ..
أيمن نور

الحلقه الاولي من عبــارات تقــولها البنــات ومبقينااااش نـاكل من الكــلام ده

بسم الله نبداصحصح ياد انت وهو معايا وفوفو كده فوفو يعني فوقوا افهموا اللغه علشان البنات مصحصين وعايزين يدورولنا غلط واحنا طبعا ولابيهمنا ولاطوب ولازلط خد بالك البنت لما تيجي تقولك نوكوزمنت >>> الكلمه دي معناها صعب شوية بس بعد مابحثت ومن خلال خبرتي عرفت ان كلمة نو دي بالانجليزي = لاوكلمة كوز = اداة قديمه كانوا بيستحموا بيهااما كلمة منت = اختصار لمنتش فاهم حاجه يعني الترجمه لا يوجد كوز علشان تستحمي وانت ولافاهم حاجه ومن خلال الترجمه الحرفيه اكتشفنا ان البنت بتقصد ان هيه معندهاش رد تقوله والكلمه دي بتتقال لما البنت بتبقى في موقف محرج ولا عارفه ترد ولاتعتزر ولاتهرب ولاتعمل اي حاجه تقولك نوكوزمنت يعني مش هتستحمي انهارده شكلهم مشحتين الكوز هههههههههههههههههههه===============العباره في الشيكاره قصدي العباره المشهوره للبنات وهيه استخدام الايموشنات وبسميها ايموشنات التمثيل اللي بتوقع الشباب الغلبان اللي زي حالتنا اللي بيصدق لؤم البنات ومكرهم وتمثيلهم البنت تعملك >>> :$ياتي كميلة مكسوفه البيضه هههههههههههههههههه ومش بعيد وهيه بتعملك الايموشن ده تكون بتلعب في مناخيرها او بتهرش في شعرها او بتعمل اي حاجه مالهاش علاقه بالكسوف هههههههههههه ورفعت الجلابيه تداري وجهها من الكسوف هههههههههههههههههههههههههههههه يادي المصيبه ترفع الجلابيه علشان تداري وشها هههههههههههههههههههههههوانت زي الحمار مصدق انك كسفتها ههههههههههههههههه وتقول يخربيت الرقه هههههههههههههههههه يخربيت جمال اهلك هههههههههههههههههه مش بقولك حمار ههههههههههههههههه ايموشن تاني بتاع >>> :D ال يعني بتضحك ومش بعيد تبقى بتف على الشاشه وتقولك دم اهلك يلطش الايموشن ده >>> :@ ال يعني متعصبه وبتعملهولك احيانا لما تحب تحسسك انها غيرانه عليك او زعلانه منك وهيه اساسا هتلاقيها فاتحه محادثه تانيه او في انفايت وفاتحه بؤها قد كده الضحك هههههههههههههههههههههههههههههههههههههههههههههههههههههههههههههههههههههههههههههههههههه وانت زي الحمار فرحان تقول يالهوي يالهوي بتغير علياهههههههههههههههههههههههههههههههههههههه وسلسله اخري كتير من الايموشنات لكن النتيجه واحده انك تصدق ان الايموشن ده بيعبر عن حالتها فعلا وهيه بتكلمك وده يبقى قمة الهبل منك انك تصدقه لانها مبتبقاش كده بالعكس ممكن تكون عكس كده فعلا تقولك مبكلمش حد غيرك ولابكلم ولاد خالص وانت الوحيد اللي بثق فيه ومدياله ايميلي او انا مبعملش حاجه من وراك او بكلم غيرك طيب ايميل كذا لا ده اصغر مني بكام سنه وايميل كذا لا ده اكبر مني بكتير وايميل كذا لا ده انا وهوه زي الاخوات وايميل كذا لا ده كان معايا ايام الجامعه او زميلي في الشغل او زميلي في المدرسه الخ يعني ال بيزاكروا مع بعض على الميل ههههههههههههههههههههههه ايه ده ايه ده ايه ده معقول؟ ايميل صاحبي عندك؟؟ اه اه صحيح ده كلمني علشان يسألني زعلانه ليه وبعدين جت سيرتك فانا كلمته علشان خاطر ابقى اسأله عنك ههههههههههههههههههههههههههههههههههههههههههههههههههههههههههههههههههههههههههههههههههههههههه ياشيخه تييييييييييييييت ال تسألي عني ال تسألي عني مانا محروق قدامك والا رايحه تصاحبي صاحبي علشان تسأليه عني مخصوص؟ طيب وتليفونه واخداه ليه؟ لا ده هوه اللي طلبه هههههههههههههههههههههههه طيب وادتيهوله ليه يا ستي؟ لا ماهو طلبه علشان يكلمني اصل انا كنت زعلانه معرفناش نتكلم ميل فاتكلمنا موبايل طيب وانتي بتتكلمي معاه علشان تجيبوا سيرتي والا ايه يعني هههههههههههههههههههههه وبعدين مانا قدامك ياستي تروح وعداك خلاص اخر مره ياحبيبي مع ايموشن >> :$ يروح الحمار اللي هوه حضرتك مصدق وتقول خلاص مش زعلان ياحبيبي وتنسي ياغلبان وهيه تقعد تجمع تليفونات صحابك علشان تسأل عنك هههههههههههههههههههههههههههه في مره من المرات هتلاقيها معاها تليفونات جيرانك وبلدك والدول المجاوره مع مراعاة فروق التوقيت ههههههههههههههههههههههههههه لما تيجي تغلط فيك او تقفل في وشك السكه لما تعصبها او تزعلوا سوا او تعمل حاجه تنرفز سيادتك تروح مستعبطه عليك وتقولك مش تبقى انت واللي في البيت عليا او تقولك عندي مشاكل ومخنوقه او تعملك نك نيم يقطع قلبك الرهيف ههههههههههههههههههههههههههههههههههه تروح انت ياحبييييب يا جدع تجري تقول مش مشكله الزعل دلوقت بس لازم اكون جمبها وتعمل دور شمشون وتروح تكلمها مالك ياحببتي فيكي ايه؟ تروح عامله بقى هيه اللي زعلانه وتتدلل عليك وتقولك مفيش ههههههههههههههههه وانت مش هاينه عليك وتفضل انت اللي تصالحها هههههههههههههههههه وهيه اللي غلطانه في حقك ياعبيط ده استهبال علشان تقلب الموقف ولما تتزلل وتنزل تبوس كعب جزمتها تقولك اصلي متخانقه في البيت او تقولك انها مخاصمه واحده صاحبتها او انها مزنوقه وعايزه تدخل الحمام ههههههههههههههههههههه اي حاجه يعني هايفه علشان تضحك عليك وانت تقولها معلش ياحببتي وخلاص ضاع موقفك ياحزين ياسلام بقى لما تمثل عليك دور اللي غيرانه غليك متكلمش دي ولا دي حتى صاحبتي لا ولو اختي لايمكن انا بغير وانت بقى طاير وقلبك بيرفرف بتغير غليا بتغير عليا ههههههههههههههه والله انت عبيط وانت تقول حاضر حاضر وهيه فاتحه 7 كونفرزيشن لكل واحد تقوله نفس الفيلم وكل واحد فيهم عبيط يقولك بتحبني وبتغير عليا هههههههههههههههه ده يابني فيلم فيلم جديد مش قديم للأسف علشان تعرفوه ياسلام لو طلبتها تشوفها تقولك لا يمكن مبقابلش ولاد ههههههههههههههههههههههههههههه ممكن فجأه تقولك احنا عملنا رحله انا وصحابي في الكليه او في الشغل او في اي حته تقوليلها مين في الرحله دي تقولك صحابي مين صحابك فجأه كلهم رجاله تقولك لا دي كانت مقابله جماعيه يعني ايه جماعيه يا ابله يعني كان هوه ومعاه صحابه ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههاستنوني في الحلقه الجايه

بقلمى ..
أيمن نور

مقدمة المدونه

انا اتشتمت كتير اوي واتهزأت من بنات ومن ولاد بسبب الحلقات اللي هنشرها هنا في المدونه دي

نزلت حاجه اسمها سلسلة حلقات عبارات بيقولها الشباب ومبقيناش ناكل من الكلام ده
وسلسلة حلقات عبارات بيقولها البنات ومبقيناش ناكل من الكلام ده

واتبهدلت من بنات ومن الولاد هههههههههههههههههه يلا فداكم هههههههههههههههه
فقولت انشرها هنا يمكن محدش يشتمني ويحترموني شوية

هبتدي معاكم واحده بواحده وخطوه بخطوه

زمان كنت عامل كمية من سلسلة الحلقات بتاعت عبارات البنات بس اتمسحت كلها فمعملتش الا 3 حلقات تانيه جديده
هبتدي بيهم الاول وبعدين نخش علي سلسلة الرجاله

الترحيب بالضيوف والقراء


السـلام عليكم


مرحب بكل زائر لمدونتي المتواضعه


انا كنت بكتب كتير صراحه وحاجات تتمسح وتضيع واندم انها اتمسحت وضاعت لاني كنت بكتبها على الفيس بوك وعلى الجهاز اولما يتعمل فورمات لجهازي او يتمسح الاكاونت بتاعي في الفيس بوك فلاقيت اختراع المدونه ده قولت اهو حاجه تلم الكلام اللي بكتبه يمكن اتهف في دماغي واحب اقراه تاني مش عايز طبعا من ورا الكتابه هنا حاجه غير كده


لو ناس عجبهم كلامي فخيط وبكره قصدي خير وبركه ولو محدش عبرها يبقى اشطه اوي هههههههههههههههههههه