خدشت حيائي _ من سلسله بنات اليومين دول(1)

مشيت ورايا تعاكسني_قالتلي عايزه تونسني_ وانا انسان هوائي
علي الفطار جت عزمتني_وعلي الغدائي
وخدتها فرصه وقالتلي_كلام كتير بتثبتني_ وده هو دائي
طلبت ايديا وعدتني _ادتها ايدي ويارتني_ده كان غبائي
وعلي مكان هادي خدتني_وده كان جزائي
فضلت تقرب وباستني_وخدشت حيائي
ياريتني ماصدقت يارتني_دا البنت ديه ادتني من صنف حوا موقف عدائي

عــاكــس عــاكــس حتـى نـفـيـسـه _ من سلسله بنات اليومين دول(2)

كنت انا واقف وكانت قدامي_ والأتوبيس كان زحمه وخنقه_
بصت جامد جوه عنيا_
وبطرف عنيها قامت غمزتلي_
هو ده وقته في وسط الزنقه؟_
وعملت انا مش واخد بالي_ وادي تنفيضه وكمان حلقه_
اوف اتغاظت بان في عيونها_
اوبا دي جت وقفت جمبي_
استرها يارب انا مش مطمن_
وادي مطب هوبا طرااخ قلمين علي وشي_بصت وقالتلي انت مبتشوفشي_انا استغربت_قالتلي ياسافل متستعبطشي_
كانت واقعه ساعتها عليا_وانا من الخضه اتعصبت وحرا ايه ياوليه_ وانا جيت جمبك_قامت راقعه كمان بالسوط_لمت كل الدنيا عليا_كله بيضرب اه يادماغي _وبالشلاليت يدوني في صداغي_من كتر الضرب شكلي اتشليت _
جه الاسعاف وشالوني علي البيت_جسمي كله بقي شلافيط_ ورقابتي اتكسرت ورجلي رافعها كأني أليط_
مديت ايدي في جيبي اطلع للأسعاف اديهم حاجه_
ايه ده يالهوي!!! فين محفظتي؟
ادي جزات اللي مايعاكس تبقي حياته ساعتها كوارث وعيشته تسود وتبقي تعيسه
وجسمه مكسر زي وضارب تفليسه
كنت انا فاكر اللي يعاكس واد سيس والبنت دي سيسه_
دلوقت شعاري
عاكس عاكس حتي نفيسه
عاكس عاكس حتي نفيسه

أولــ ماعـنــيــهـا قــالــتـلـي قــرب

اول ماعنيها قالتلي قرب
قربت وقولت اجرب
حظي في الحب مره
اختارت بنت حره
جميله وغيرتها مُره
قريت ساعتها عليها
ومسكت ايدي بايديها
صدمتني صدمه وعمري في حياتي ماحسيت بيها
قالتلي طلبت أنك تقرب
لأنك كنت مستغرب
حياتي اللي عايشه فيها
وفي دنيتك متغرب
والقسوه غالبه عليها
مدتلك ايدي عشان
احسسك الأمان
لكن قلبي مافيش ولاهيسكنه انسان
لملمت قلبي وجروحي ولمت ساعتها روحي
داريت كسوفي والامي وقسيت ساعتها في كلامي
عايز احسسها اني
مكنتش أقصد لأني
قلبي ميت زمان

قـصـيـده عـن الانـواع الـسلبــه للبنات

النوع الأول بنات مبيتبلش في بؤها فوله
======================

بنت مبيتبلش في بؤها فوله
طول عمرها من اول سنه اولى
لسانها طويل اطول من النيل
اول مابتسمع من غير متفكر تحكي
ماتخلي تفضح وتعري
تنشر ومابتستر
دي بنت صريحه
للسر فضيحه
تفضح وتقول عن ليلي وسميحه
ده داء ادمان
كان عندها زمان
تفضح اختها وصاحبتها ونفسها
حتى في حبها
تروح لامها
تحكيلها وتحكي ماتخلي في نفسها
امها ساعتها تقوم تردحلها
وتلعن في اللي جابوها وجابو اهلها
كل جزاتها انها مبيتبلش
فوله في بؤها



النوع التاني : البنت المغروره
================

البنت المغروره
دي اساسا عوره
وظروفها مقهوره
وعايشه الدور
تبصلها في الصوره
دي بنات منصوره؟؟
والا منصور؟
دي عايشه الدور
شايفه نفسها مفيش زيها
والقرد شقيقها بيكره شكلها
مناخيرها دي هيه مصدر إلهامها
دايما رافعاها وماشيه قدامها
تقولش ام ابو زلومه؟ في عز مجدها
لبسها مش شيك
وفاكره انه انيق
وتقولك موضه
ياسنينها السوده
الموضه دي هيه عرف الديك
ومع صاحبتها وكمان اخواتها
بتقرف منهم
وبعيد بقى عنهم
تنف في هدمتها
الله يقرفها
انا لسه شايفها
عكت بأيديها
وغسلت رجليها
دي حوله اظاهر
فاكراها مظاهر
بتقول غنالي قصايد كاظم الساهر
اخرك شعبولا
يغني في وجودك
واما تغوري يكسر وراكي قوله
الله يرحمنا من صنفك انتي
وكل مين زيك واولهم انتي



النوع التالت بنات فشاره
==============

البنت الفشاره ساكنه في حاره فطارها خياره وفول بالزيت
تفشر وتقول عندنا عماره وفاكراها شطاره فشر وتنطيت
تقولك بفطر بالشاي الأخضر وفطاري الثابت
الله بقى يرحم الفول النابت
الوجبه الرسميه فاكراها ثوابت
وسط صاحبتها وبنات شلتها تفشر وتبدع عن عربيتها هدية بابي يوم ولادتها
عربيه ايه؟ هيء هيء ياخبيتها
دي اخرها التوكتوك وسواقه يلوكلوك ويصدع دماغتها
واما تفكر تروح جامعتها
اتوبيس شنكوتي يشيل حضرتها
تقولك لبسي ده من الشانزليزيه
خليني انا ساكت دا لساني ده فالت
على رأيه بقى تامر يابنت الأيه
ده سوق الكانتو والعتبه دي شاهده
ولبسك اخرو شحاته ومساعده
البت دي عقده وعقدتها الفقر
والفقر ده حشمه عشان امثالها
تديه بقى جوزها وتورثه لعيالها


النوع الرابع البنت الحبيبه
==============

البنت الحبيبه دي حالتها غريبه في الحب مصيبه
اول ماتشوفك تسبل بعنيها وكمان تنهيده
ربنا بقى ياخدك امين يا بعيده
بتبص وبتبرق دي بنت جريئه
عايزه تتعرف وتقولي صديقه
اول ماتطب ترسم حنيه
وساعتها ستوب جرى إيه يا وليه
دي بت عبيطه وتقولك نتجوز ونعمل زيطه
اتجوز مين؟ اتجوزك انتي؟ ياسلام بقي ياختي؟ دي بقى تدبيسه؟
فاكراني فريسه؟ هتقطعي فيها؟
وادي اخرتها عشان سلمت في مره عليها
قالت غلطتها واسترها عليها
لازم بقى اصلح وياريتني ماشوفت خلقة اهاليها

حــــــــــــــب _ أيـــمــن نـــور

عشت فيكي يا دنيا ياما شوفت منك كتير ألام _ عشت فيكي مده فاتت من السنين والايام
شوفت فيها حب مره _ ومره تانيه فاتت أوام _ قلبي فيهم طب ساكت _ ميت اكيد مفيش كلام
كل وقعه ربي يستر عدت خلاص بالسلام _ اقول خلاص _ مره فاتت حرمت اعيش حب مدام _
كل مره احب فيها اجرح في قلبي؟ _ وقلبي ده محتاج نظام
قلبك انتي قلب طيب _ فات قريب _ جمب قلبي __ غمزله غمزه كانت تمام _ وحس قلبي كأنه ليه
عاش عشان يشفي ويطيب _ قلب كان جراح ماليه
شوفتك انتي قلب تاني _ قلب عمري ماشوفت منه
كل ساعه تفوت ثواني _ لما اشوفك جمب مني _ قلبي فيها يكون اناني يحضن في قلبك جوه مني
قلبي حبك وحب قلبك بس خايف لتسيبيه _ مهما حاول يمسك في نفسه حبه ليكي مش بايديه
ساعه ماشوفة ضحكة عنيكي _ قلبي يخرج بره مني _ يروح لقلبك و يبوس ايديكي يهمس في ودنك كلمة بحبك
مهما اقول واوصف في قلبك _ الكلام مايقولش حاجه _ نفسي اعيش جوه قلبك او حتي يكونلي منه حاجه
أي ناس انتي والا من صنف تاني؟ _ ربي خلقك زينا والا ملاك مخلوق عشاني؟
الله اعلم انتي ايه حلم والا مين _ المهم يستر عليا منك كله يلا يقول امين
مش حمل حب يهز قلبي ويجيب في قلبي شمال يمين _ ولو تسيبني اصرخ يا تعبي خلاص تعبت يابني ادمين
فاكراني خايف اقول بحبك؟ _ مليون بحبك وعليا اليمين

مـتــقــولــش إيــه إيــدتــنـا مـصـر؟ لانك مش هتـلاقي حـاجه

(ما تقولش ايه ادتنا مصر وقول هاندي إيه لمصر)
وكما تم تحويرها الي
(ما تقولش ايه ادتنا مصر علشان مش هاتلاقي حاجة) ..

صحيح هو مصر ادتنا ايه بقى؟؟

نبتدي بسم الله الرحمن الرحيم عشان افوت الأجابه على الناس اللي هترد

الميـلاد
=====
انا بتولد بشوف بتدفع قد ايه عشان تطلع شهادة ميلاد وحلاوة وبقشيش ورشاوي عشان حتة شهادة ميلاد وتكتبها بتاريخ الميلاد اللي على مزاجك ومش بعيد تزور فيها زي مانت عايز لو عايز تعمل شهادة ميلاد لتوت عنخ امون هتعملها مفيش اي مشكله في البلد طلاما بتدفع فلوس


الا ماشوفت مصر واقفه معايا في الطابور وماسكه الاوراق او مره قالتلي والله لتخلي عنك يا ايمن وخلي الحساب عليا المره دي ومدت ايديها في جيبها وحاسبت مكاني او دفعت رشوه او برقت للموظف عشان مياخدش مني فلوس او اثبتت الواد من غير مادفع الفلوس دي كلها؟؟



* التعلـيم
======

بتعلم بفلوسي ولو اتأخرت في دفع المصاريف يطردوني من المدرسه
المدرسين في المدرسه معندهمش ضمير ولافيه رقابه عليهم ولازم تدفع دروس خصوصيه لو ناوي تنجح وتفلح
ولازم تشتري كتب خارجيه عشان تعرف تزاكر منها لعدم كفايه الكتب المدرسيه والاهتمام بيها


الا ماشوفت مصر في مره شالت عني المصاريف او فكرت تشرحلي مصر في مره المواد اللي المدرس كسل او معندهوش ضمير يشرحها او فكرت تغششني في الامتحان ولاتديني درجات رأفه في الكنترول ولا فكرت مصر في مره تعملي منحة وتشيل عني تمن الكتب والملخصات او مصاريف المدرسه
مصر دي شكلها بخيله والا ايه متفهمش

=====================================

السكن؟؟
======

بدفع ايجار في الشهر قد كده بياخدهم صاحب البيت حقه محدش يقدر يقول حاجه
الا مافكرت مصر تديني حته ارض اسكن فيها وتديني شوية حديد وشوية اسمنت وشوية طوب مش هبطح مصر لا ولا هروح في فلسطين ارميهم على اليهود ولا هاخد الطوب ارميه من المدرجات وانا بتفرج على ماتش الاهلي والزمالك لالالا خالص والله
دانا هاخده ابني بيه البيت والعمال اللي هيبنوا عليا انا ياستي بس حاولي تساعديني يامصر

طيب ياشيخه ادفعي عني رخصة المباني اللي بتكلفني في حدود 5 الاف جنيه
طيب يا مصر بصي انا هعمل كل ده لوحدي بس انتي شيلي عني الكهرباء والمايه او المجاري اللي بتطفح دي
احنا يا مصر تعبنا اوي من كتر مابقعد نحوط المجاري في الشوارع بالطوب
يامصر خلي عندك دم وحركي حد من المسؤلين يظبط المجاري دي مش معقول نقعد نطط على الحجاره في الشوارع زي البهلونات كده عشان حضرتك مش مكلفه خاطرك يامصر وعايزه تظبطيلنا الشوارع والمجاري ياشيخه اعملي حاجه بقى مش كل حاجه علينا يعني بجد تعبنا

يامصر دانتي كل ماتبعتيلنا حد من المسؤلين يعملوا الشوارع والمجاري يعملوها اي كلام كده ويسفلتوها بعد مايعذبونا سنين في الطفح ده وبحر القرف اللي بيكون في الشوارع وبعدين تنفجر المايه من نفس المكان عشان يكسروا الاسفلت ويصلحوها تاني ويسفلتوا اكتر من عشر مرات لنفس المكان

قوليلي يا مصر هو مين صاحب شركة المجاري وشركة الاسفلت؟
مين صاحب المصلحه يامصر؟

طيب يامصر شكلك اتخرستي

الأكل والشرب؟
==========
يامصر مافكرتي مره تعزميني على سندوتش ولاتجبيلي اكل مره من المعونات اللي بتبعتيهم لدول مش محتاجه معونات دي يا مصر
يامصر انتي مليانه مزارع ومليانه اراضي بتنتج كل حاجه الا ما مره شوفتك مره داخله عليا بكيس فاكهه والا بطيخه يامصر
يامصر حتى مره تبعتيلي قفص طماطم من اللي مليان هرمونات مالوش طعم الطماطم ده والا تبعتيلي حاجه من اللي بتتزرع في مصر وتجبلنا الامراض يامصر ابعتيلي شوال قمح من اللي بتستورديه يا مصر يامصر حرام انا بقف في طابور العيش بالتلات ايام عشان اجيب فطار ببقى عايز افطر يوم السبت الصبح اروح الفرن الاقي نفسي بحضر فطار يوم التلات مينفعش كده يا مصر بقى
انتي عندك اكل كتير وخير كتير بس بيروح فين مش عارف يامصر؟!؟!


اللبس؟
=====
الا مامره فكرتي يا مصر تجيبيلي بنطلون جينز والا قميص والا تشرت يامصر دانتي عندك مصانع لبس كتير اي حاجه ابعتيها ولو ماركة صنع في مصر مش مهم على الاقل اهو احسن من الصيني وانضف منه برضه ههههههه

يامصر القطن عشان الملابس الداخليه القطن بقى شكله عره اوي يامصر انتي اهملتي القطن اوي يامصر داحنا كنا احسن قطن في العالم يامصر
هو ايه اللي حصل للقطن يامصر؟ ومين السبب في كده يامصر؟
اخرس؟ حاضر يامصر انتي الكبيره برضه واحترامك واجب



الشغل؟
=====

الا مفكرتي مره يامصر بعد ماتعلم على حسابي واسكن على حسابي واكل واشرب والبس على حسابي انك تعملي معايا مره دور واجب وتشوفيلي شغلانه في اي مصلحة من حكوماتك يا مصر
يامصر شوفيلي واسطه من البشوات الكتير اللي عندك دول والللي بيقعدوا على المكاتب وياخدور رواتب ومبيعملوش حاجه شوفيهولي يكلف نفسه يمضيلي على ورقه ويشغلني يامصر

يامصر دانتي معارفك كتير في الحزب الوطني وفي الحكومه
يامصر دانتي اللي مشغلاهم متبقيش شخصيتك ضعيفه اوي كده قدامهم

يامصر اخدميني دانا بحبك والله شكلي هكرهك يامصر عشان انتي مبتعمليش حاجه يامصر


الجواز؟
====

يامصر انا عايز اتجوز متيجي معايا نزور اهل العروسه ونسألهم كده وخليكي اعملي معايا حركة جدعنه وشيلي انتي الدبل والا الشبكه عني خدمه يامصر دانتي مليانه دهب والا بصي شيلي انتي الفرح يامصر خلي الفرح في نادي من نواديكي والا في قاعه من قاعاتك الحربيه والا حتى في ساحه شعبيه يامصر وعليا انا المغنيين
انا هجيب شعبان عبد الرحيم بس اخدميني في اي حاجه يامصر
صحيح يا مصر هو انا لما اتجوز هسكن فين؟ هرجع للموال القديم؟ زي ابويا وامي ؟

طيب انا مهاجر وسايبك يامصر لا عايز اشوفك ولاهرجعلك تاني يا مصر لا عايز منك اكل ولا شرب ولا بيت لا عايز سكن ولاتعليم ولا مساعده انا عشانك يا مصر هبيع اهلي وناسي ومش عايز اشوفهم عشان انتي كرهتيني حتي في نفسي يامصر



مصر انتي ساكته ليه؟
متردي يامصر؟

مصر؟
مصر؟
انتي موتي يامصر؟


بقلمي
ايمن نور

افـــتـــرقــنـــــا _ أيـــمــــن نـــــور

يوم ما افترقنا

سبت المكان _ في عنيكي قصة من الزمان يوم ما اتقابلنا

قصه طويله تحكي حكايتنا

حكاية حب عاش سنين طويله _جوه قلوبنا

حكاية بنت حلوه شوفتها حسيت ساعتها بقلبها _بينده عليا

رقيقه كانت ضحكتها ونظرة عينيها

ساعة ماتمشي خطوتها الله عليها

هيه كانت بركان حنان مش قادر اعيش_ من بعده ثانيه

مات الأمان في الدنيا دي بعد اما افترقنا

بعدتي ليه _ بعدك ده كان نهاية حياتي

انسان جديد اتولد _ اتهد جواه الجلد _ امسك في نفسك يا ولد_ لتضيع حياتك

شفت في عنيها احلى المشاعر _ وسمعت منها احلى الكلام

هيه كانت بركان حنان مش قادر اعيش من بعده ثانيه

مات الأمان في الدنيا دي _ بعد اما افترقنا

وليه الدنيا كارهانا ومن الفرح بتسرقنا

هو الغلط كان فينا والا في اهلنا _ والا الغلط كان في ضعفنا ؟ والا الغلط في الحب كان؟ والا المكان والزمان اللي جمعنا وفرقنا

منها لله الدنيا واي حد كان السبب_ في فراق حبيبين

واحنا فراقنا مين السبب معرفش مين

حاسس كأني بضيع كل يوم بيفوت زياده _ وانت بعيد

عشت معاها احلى ايام السعاده _ انسان جديد

هو ليه الحب ده احساس بيقتل؟ _ ايوه بيقتل لما تبيع كل حاجه في دنيتك عشان حبيبك

كل واحد فينا كان تملي يفرح _ لما بيسرح _ في عيون حبيبه _ ولما يسيبه_ قلبه يموت ويتخنق _ جوه منه

كتير حاولنا ننسى بعض ونعيش حياتنا _ كان النتيجه اننا بنموت في بعض ويعلى صوتنا

لحد مايوم اتخرس_ صوتنا _ورن الجرس_ده يوم فراقنا


مات الأمان في الدنيا دي _ بعد اما افترقنا

وليه الدنيا كارهانا ومن الفرح بتسرقنا

هو الغلط كان فينا والا في اهلنا _ والا الغلط كان في ضعفنا ؟ والا الغلط في الحب كان؟ والا المكان والزمان اللي جمعنا وفرقنا

مش ممكن الاقي حب كان زي حبك _ ولاقلب كان مليان بحبي زي قلبك

ولاعمر هنسى بحر الحنان اللي في حضنك عشت فيه_ وقلبي مكفيه _ وجودك انتي

مر الزمان وفاتت سنين _ وهيفوت كمان وكمان سنين _ وهعيش عشان بحبك انتي


حاولت انسي _ وانسي وانسي _ وكل يوم بفقد أمل ألاقي زيك _ مش لاقي حد ينسيني حبك

مش لاقي حد ينسيني نظرة عنيكي _ في خوفك عليا _ مش لاقي حد ينسيني كل شيء غيرتيه فيا

حد عشانه اعيش لبكره وانسي اللي فات من حياتي _ وكل اما افكر اني انسي _ أرجع وافكر اني ناسي _ اني كنت عايز انسي

يــومــيـــات بنــت فــوق ال30 _ بمنـظــور العـريـس مــحــروس _ الحلقه العاشرة

محلوظه بسيطه قبل مابدأ على كل من يقرأ حلقات محروس تقمص شخصية الشخص الريفي في اللهجه لاني بستخدمها في الكتابه وتقمص الدور وارجو منكم عند القراءه والمتابعه القراءه بنفس الطريقه عشان يوصلكوا الاحساس والاسلوبنبتدي==========================================سلامو عليكوأني محروس سويلم عبد المتجلي سليم الشهير بمحروس الصرمهمتستغربوش الصرمه ده اسم شهره لاني في مره من ذات المرات كنا بنصلي الجمعه في جامع الحاجه زبيده فوانا بصلي دايما بكون حاطط عيني على الشبشب بتاعي عشان ميتسرقش اصلها مش اول مره يتسرق مني وخصوصا في اليوم ده كنت لسه شاري شبشب جديد ب عشرين جنيه بحالهم فبصلي وواخد بالي من الشبشب واذ فجأة الاقي واحد بيمد ايده ياخد الشبشب بتاعي روحت بعلو صوتي في الصلاة وقطعت قولت سبحان الله المصلين كلهم فكروا الامام اتلخبط قالوا سبحان الله كلهم في وقت واحد الامام قال الله اكبر وغير الركعه بدل ماكان هيقوم للركعه التانيه قعد للتشهد فلاقيت الحرامي هيجري بالشبشب قولت مبدهاش بقى قولت السلام عليكم ورحمة الله بصوت عالي اصلي على اما اقول التشهد يكون الحرامي جري راح الكل قايل ورايا جريت مسكت الحرامي ومسكت الصرمه واديله على دماغه اديله على دماغه لما دماغه بقت شبه العجينه لما تتفردمسكوني الناس وشالوني وفضلوا قالوا محروس الصرمه اهو محروس الصرمه اهو عشان ضربت الحرامي بالصرمه يعني اسمي ده مش شتيمه ده فخر لكل شاب وكل فتاهعقبال عندكوا اشوفكوا صرمه صرمه كده ان شاء الله قولوا امين ماهو لو كلكوا زيي كده هنقضى على الحراميه في مصر ونساعد الشرطه اقولكوا نكيته ( تصغير نكته بالفلاحي ) الشرطه في خدمة الشعب هيء هيء هيء هييييييييي حيـلوه اقولكوا واحده كمان واحد صعيدي نزل الترعِة البلهارسيا طلعت تحلل هيء هيء هيء هييييييييي حِيـلوهواحده كومان؟ماشي بيقولك واحد اهبل شتم ابوه الدولاب وقع عليه قال ياريتني كنت برتقانه هيء هيء هيء هييييييييي حيـلوهيخرب مطنك يا محروس جِشطه على عسل وقت الصُبحيه والواحِد لسه راجع من الأرض بعد العزيق والحِراته وميت من الجوعانا دايما كده احِب النكت ودمي خفيفنخش في الموضوع بقى هالله هالله على الجد والجد هوبا هوبا عليه صحيت الصبح في يوم التلات اللي فات الساعه 12 الظهر استحميت ولفحت الجلابية البيضا والطاقيه ونزلت صليت الجمعه بس مش عارف اليوم ده كان اول مره الاقي صلاة الجمعه فاضيه إكِده رجعت البيت لبست الجلابية البلدي بتاعتي وخدت الفاسه على كتفي وركبت سوسن ايوه سوسن دي الحماره بتاعتي متستغربوش ليه سمتها سوسن عشان هيه رقيقة خالص ومؤدبه وعمرها مزعلتي لما بقولها شي بتمشي بس هاديه في خطوتها راسيه في مشيتها لما بتنهق قلبي بيرفرف من الفرحه وكل لما ببصلها والا بحكي معاها بتنهد تنهيدة كبيره اوي من حبها وابصلها واقول ياما نفسي اتجوز واحده في جمالك في رقتك وفي حلاوتك يا سوسنووصلت الغيط لاقيت شيماء قاعده زعلانه ايوه شيماء دي الجاموسه بتاعتي مألوكوش على القوام الممشوق وعيونها الواسعه الدبلي تقولش ليلي علوي وبوقها اللي بينقط عسل لما بتنعر وحاطة حلق بلاستيك جبتهولها هديه بعد خلفتها الأولانيه لما جابت تامر أول عجل ليها انا حبي لشيماء يفوق اي وصف دي شيماء دي هيه معنى التضحيه ومعنى الوفاء بحلبها وبتدينا لبنها وجشطتها وجبنتها دايما بتضحي عشاني كتير طول عمرك يا شيماء بحس ان الدنيا لسه بخير كل مابشوفكمقدرش كل يوم اشرب اللبن الا اما اخد بوسه من شفايفك يا شيماء امووووووووووووه هيه ليلي علوي حتى في بوستهاِياما نفسي في رقة ورزانه وهدوء سوسن وعيون وجسم وحنية وتضحية شيماء نفسي واحده فيها صفات الاتنين دول امتى بقىوانا لسه بفكر في كده لاقيت المحمول بتاعي بيرن بصوت شيماء وسوسن اصلي حاطط صوتهم رنٍه للمحمولالا والاقيلك كوثر بنت خالت بنت عم لالالالا بت عمة ابن خاله لالالا عمة ابن خالة لالالا هيه صفة القرابة بالتحديد مش عارفها بس هيه قريبتنا من بعيد يعني بنت عمي بتقولها ياغبيه هيء هيء هيء هييييييييي حيـلوه _ ماعلينا


استنوني نكمل الحلقه الجايه

يــومــيـــات بنــت فــوق ال30 _ بمنـظــور العـريـس عــزوز _الحلقه السادسة

نمت يا حضرات وحلمت حلم جميل اوي مكنتش عايز اصحي منه حلم أحسن من طبق كشري بالتقليه وقت ماتبقى جعان وعليه شطه كتير وتاكل وتقول حححححح بعد كل معلقه ياسلاااااااام حاجه اخر ملكحلمت خير اللهم اجعله خير اني انا وسلمى اتقابلنا مقابله جميله خالص وانها خجوله واموره واننا بعد ماتكلمنا شوية واعجبت بيا وبالزنجليزي بتاعياه اصل انا محسوبكم مُسقف يعني معايا لغات عربي وزنجليزي والماني متستغربوش الزنجليزي عرفته بالحداقه والفهلوه كده والالماني عرفته لاني عشت فتره كبيره في المانيا القمح واتعلمت اللغه وشربتها صح ايام ماكنت بشتغل سباك كانت عندي مصلحه هناك وقوضيت والحمد لله الله لايعودها ايام المهم اني وانا بتكلم مع المحروسه سلمى بينتلها اني مش جاهل واني مثأقف وعندي خبره في الحياة واني راجل سخسيتي أويه وان حريمنا لازم تسمع كلامناوهيه من فرحتها بيا في الحلم كانت مكسوفه تتكلم وكانت بتحب تسمعلي وتسمع كلامي وتقولي ان شاء الله يا استاذ عزوزالله عليها وهيه طالعه من شفايفها الحلوين دول قمر يا خواتي وبعد ماخلصت كلامي مقدرتش تمسك نفسها من الفرحه وراحت قايمه وقالتلي بالحضن يا عزوز يا جوزيوحضنا بعضينا وزغرتت ام سلمى وقالت الف مبروك يا حلوين وربنا يتمم بخير وشوفت سامي ماسك يافته وجه وقف قدامنا عشان يداري البوسه زي الافلام الابيض واسود واليافته مكتوب عليها النهايهوبعد مانزلت النهايه بفتح عينيه يا حضرات الاقي جمبي جاموسه فاتحه بؤها والاقي نفسي حاضن الجاموسه اتخضيت خضه مش عارف بعد كده ان كنت هنفع في الجواز والا انا كده منتهى الصلاحيهقطعت الخلف من الخضه وقعدت اقول اعوذ بالله من الشيطان الرجيم اعوذ بالله من الشيطان الرجيم والوليه حرمنا صحيت مفذوعه هيه كمان تقولي فيه ايه يا ابو عبتواب مالك ده كابوس ده والا ايه؟قولتلها اطول كابوس في حياتي يام عبتواب كابوس طابق على نفسي وخانقني اه لو ربنا ينزل صاعقه من السما تاخد أجل الكابوس ده؟سنيه : قول يا خويا يارب وادعي وان شاء الله تخلص منهعزوز : انا كل يوم بدعي ربنا يخلصني منه (في سره : ربنا ياخد أجلك يا سنيه يابنت سعديه الهبله )قولي امين يا وليهسنيه : أمين يا خويا امينعزوز : انا هقوم انزل المصنع بقىسنيه : مش هتفطر ياخويا قبل ماتنزل؟ فيه باقي يجي اتنين كيلو كرشه من امبارح في التلاجه اعملك سندوشت قبل ماتنزل تغير ريقك بدل ماتنزل جعانعزوز : لا ياسنيه انا هفطر في المصنع خليكي انتي نايمه وعلى فكره متعمليش حسابي على الغدا انهارده انا هخرج من المصنع عندي مشوار صغير كده مع جماعه بخصوص بزبزس _في سره ( اتخدمي الهي تنامي ماتقومي)سنيه : ايه بزبزس ده ياخويا؟ هو انتوا بتشتغلوا في الكلاب اليومين دول؟عزوز : كلاب ايه يا وليه مسعوره انتي بزبزس ده يعني شغل يا جاهلهسنيه : لولولولولي اسمالله عليك يا خويا مشاءالله مشاءالله بقيت بتتكلم بلانجليزي زي اللب لب ياخويا فشر الواد بحهعزوز : بحه ايه يا وليه يامجنونه انتي اتخدمي ونامي نامت عليكي حيطه مقامت ورحت راميها بالمخده عشان تنام وقفلت الباب وخرجت بره الاوضه اللي كلها جهل بالعلم والمتعلمينونزلت رحت اشتري طقمين حلوين ألبسهم فوق بعض عشان أأقابل العروسه سلمى وأبقى قدامها راجل نزيه بدل البدله اتنين وشياكه مفيش بعد كدهودخلت محل مشهور جدا في العتبه واشتريت بدلتين واحده حمرا والتانيه خضرا واشتريت جزمه لونين في بعض احمر واخضر واشترى كرافته نفس اللون احمر ف اخضر عشان لوزم تظبيط الالوان مع بعض والشياكه ولبست الجاكت الأحمر على البطلون الاخضر والكرافته الألوان على قميص اصفر والجزمه اللي لون الكرافته ولبست شراب بنفسجي مفيش بعد كده وشمرت البنطلون شوية وتنيت رجله عشان اوريها الشراب الشيكوجبت نظارة زي بتاعت كمال الشناوي في فيلمه مع الست فاتن حمامه مش فاكر اسم الفيلم ايه المهم ولبستهم وحطيت ريحه كالونيا خمس خمساتوخليت الحلاق الخصوصي بتاعي حلقلي وعملي فرقه من النص ولما شافني أخر شياكه كده نبيه الواد حوده مقص دا واد زي الموس في الحلاقه ونبيه جدافهم اني لابس ومطقم يبقى اكيد رايح اتجوز قالي ان شاء الله مبروك يا عريس قولتله الله يبارك فيك واديته اتنين جنيه ونص جنيه بقشيش عشان طلع بيفهم وجبت نوبايل ابو كاميرتين ده لزوم الفشخره اصل انا راجل نزيه احب ادلع نفسيودخلت المصنع وكل الموظفين والعمال عمالين يبصولي وشكلهم مبهورين بجمال الطقم اللي انا لابسه طبعا ماهو عمرهم ماشافوا شياكه كده ابداوقابلت سامي اول ماشافني قال سامي : يانهار احمر مخطط بأخضر !!!! ايه اللي انت عامله ده يا عزوز بيه؟عزوز : ايه رايك في الشياكه دي ياسامي؟ مش خساره في عروستنا والله دانا صرفت انهارده اكتر من سبعين جنيه عشان اوضب نفسيسامي : في سره _ انت طالع من انهي صفيحة زباله؟ _ بس طقم زي الفل يا عزوز بيه الله ينور يعني عزوز : ليك عليا يا سامي بعد الجوازه متم هجبلك بدلتين زيهم هديه عشان اكيد عينك في البدله بتاعتي انا عارفسامي : متشكر جدا يا عزوز بيه ان شاء الله يتمم بخير _ وفي سره ( أبوس ايدك بلاش ) خيرك سابق يا عزوز بيهعزوز : انصرف انت يا سامي عشان تلحق توضب نفسك وتكلم الجماعه وتقابلوني ان شاء الله عشان العروسه كمان تجهز نفسهاسامي : حاضر يا عزوز بيه انا رايحلهم حالا _ في سره (ربنا يستر)وراح سامي لبيت سلمي وقابلته مامة سلمى وكانت وفاء مرات سامي مستنيه سامي عند مامتها عشان لما يجي سامي ويتكلموا مع سلمى كلهم لانهم طبعا مخبين عليها لسه ولما وصل سامي لاقي سلمى قاعده بتتفرج على التلفزيونسامي كلمها وقالها سلمي انهارده هنخرج سوا هنروح النادي هنقابل شخص مهم وربنا يتمم بخيرسلمى : شخص مهم ازاي يعني؟ _عريس؟سامي : ايوه يا سلمي انا اللي جايبهولك وربنا يجعله من نصيبكسلمى : المهم يكون حد كويس ومتعلم ومحترم وشكله كويس ومقبولسامي : في سره ( متقلقيش ولاصفه من دول فيه )_ عيب عليكي يا سلمي دا تنقية جوز اختك وانا مش هجبلك حد اي كلامسلمى : حاضر يا سامي هنقابله يوم ايه؟سامي : انهارده ياسلمى الساعه 7 ان شاء اللهسلمى : بس انا مش مرتبه نفسي ومش عندي حاجه البسهاسامي : خدي وفاء دلوقت وروحوا اشتروا حاجه سريع كده مش لازم شيك اوي يعني _ في سره ( دانتي لو لبستي جلابيه مقطعه في نظره هتبقى ملكة جمال الشاطيء )سلمى : حاضر يا سامي اما نشوف اخرتها معاكونزلت سلمى ووفاء وجابوا طقم جامد ورجعوا البيت واتغدوا وشربوا الشاي وجهزت سلمى ونزلت عشان تقابل العريس هيه ومامتها وسامي ووفاءوفاء طبعا منطقتش ولاقادره تتكلم زي مانبه عليها سامي وكمان عشان مش عاجبها الوضعاما مامة سلمى وسامي كمان عمالين طول الطريق يوعوها ويفهموها انها تبقى زوق معاه وانها تكلمه كويس وانها لازم بقى تشوف مصلحتها وهيه كبرت على حركات البنات الصغيرين اني اختار من اللي متقدميلني وان فيه دايما بديل وفهموها ان ده ممكن يكون اخر عريس يتقدم وده فرصهواي حاجه يقولها تقولي 3 كلمات وبسان شاء الله - تشرفنا - ميرسيوسلمي تقول حاضر يا ماما وهيه مخنوقه وخايفه من المواجهه دي حاسه انها هتشوف عريس كويس جدا على وصف سامي وتحزير مامتها انها مترفضوش ولاتزعلوش ده غير انها في احلامها عايزه واحد شبه حسين فهمي وشعره ناعم وطويل وعينيه ملونهولما وصلوا النادي لاقوا العربيه الفلوكس الخضرا اللي سلمى لما شافتها استغربت ازاي صاحبها ملونها بالالوان دي كلها واتريقت عليها واذ بالعربيه سبحان الله نطقت سبحان من انطق الجمادواتخضت سلمى وعزوز بيقولعزوز : مساء الخير يا طونط جود ايفنيج يا عروستنا ومد ايده يسلم اهلا اهلا بالمهلبيهسلمى مدت ايديها تسلم عليا وهيه ساكته وانا شايف الكسوف علي وشها ووشها احمر من الخجل ( هذا مايتوهمه عزوز فقد كان غيظ سلمى وسكوتها كان من هول الصدمه )فضلت اتكلم عن نفسي وانجازاتي وازاي ابتديت سباك صغنتت وبقيت دلوقت صاحب مصانع وسلسلة عزوزكوا للأدوات الصحيه انا طول مانا بتكلم وبحكي وانا باصص للعروسه المهلبيه دي وبفكر ازاي المهلبيه دي متجوزتش لحد دلوقت؟ معقوله الشباب اتعمى؟ والا هو مشكلة الأسكان هيه السبب؟ وفجأه وفي وسط الكلام قامت العروسه فأفتكرت الحلم ان العروسه هتقوم تحضني فروحت قايم عشان استعد للحضن لاقيتها بتستأذن تروح الدبليو سينواستنيتها لحد مارجعت ولاقيتها قلبت عليا حبتين وبقت عنيفه شوية في الكلام وفوجئت بيها وهيه اتعصبت فجأه وبتزعقلي وبتقولي لاوعينيها احمرت ووشها احمر وبدأت تشوحلي بأيديها وافتكرت السوكروتيره بتعاتي نرمين وافتكرت رشاش المطافي اللي لسه ملزق في وشي بالتوفافهوسلمي بتزعقلي وبتشوحلي وانا حاطط ايدي على وشي خايف من التفه وبتقولي انت تروح تضور على ضفضعه عانس ترضي بيك ياخنفسه انت لكن انا لاوقالت انا عانس بمزاجي وسابتني وجريتوبعد ما اطمنت انها مشيت من غير توفافهبوست ايدي وشي وضهر وحمدت ربنا على انها عدت على قد كده وقولت فعلا زي ما قالت سنيه مراتي حبيبتي أم عبتوابأرضي بقردك لا يجيك أقرد منه وقولت خلاص انا هرضى بالشمبانزي اللي عندي في البيت وامري لله وحرمت ابص لواحده غيرها تاني

ودمتم

يــومــيـــات بنــت فــوق ال30 _ بمنـظــور العـريـس عــزوز _الحلقه الخامسه

انا لما حسيته ان فيه بديل وحد هيبقى حلو وعلى ضمانة سامي فتحت بؤي بضحكه عبيطه كده وسناني المتكسره من قدام كانت ظاهره وقولتله طيب هنشوف العروسه امتى ان شاء الله؟قالي سامي ثواني يافندم هتصل بيهم حالا واتصل سامي بأم سلمى وقالها فيه عريس محترم صاحب المصنع اللي انا بشتغل فيه عزوز بيه راجل غني ومقتدر وعايز يتقدم ويشوف سلمى ايه رأيكوا في يوم الخميس؟ردت والدتها اهلا وسهلا تشرفونا وتنورونا بس نخلي المقابله في النادي احسن عشان يبقوا على راحتهم اكتررد سامي : اوك يا حماتي قالي سامي خلاص يا عزوز بيه بكره الساعه 7 ان شاء الله حضر نفسك بقىقولتله :انا جاهز اول زاتايم والله ومكتوبالك يا واد يا استاذ سامي تبقى ابو نسب لحضرتناسامي : بس ادعي العروسه توافق بس يا عزوز بيه وانا يزدني شرف طبعاقولتله : دي اهي دي !! يعني هيه كمان ممكن متوافقش؟ لاموش ممكن ابدا دي مهتصدق دي واحده فايتها القطر ومش بعيد يكون القطر داس عليها كمان يعني اكل عليها الدهر وشرب ومدة صلاحيتها انتهت ومهتصدق تلاقي عريس لقطه زي حضرتنا يوافق ياخد واحده عانس ويرضى بيهاسامي : ايه ده ايه ده لالالالا يا عزوز بيه ارجوك اوعى تقول كلمة عانس دي قدامها او قدام اهلها مش عايزين احراج ومشاكلقولتله : لا طبعا هو انا دهل؟ دانا راجل زوق وبفهم في التوكيتيك اوي واوجيد معاملة الانثىسامي : خلاص كده كويس اوي ياعزوز بيه انا هستأذن انا بقى دلوقت اشوف شغليولما راح سامي لبيته وقعد مع مراته وفاء (اخت سلمى )فتح معاها الموضوع وقالهاسامي : اما انا عندي عريس لأختك لقطه يا وفاء وفاء : مين يا سامي ربنا يخليك اصل حالها مش عاجبني وانا تعبانه عشانها وماما نفسيتها وحشه اوي مش عارفه البنت دي حظها وحش كده ليهسامي : انا جبتلها عزوز بيه صاحب المصنع اللي انا بشتغل فيه وياحظها ياهناها لو عجبته دا راجل مليونيروفاء : سامي انت بتقول ايه انت اتجننت؟ انت عايز ترمي اختى الرميه دي؟ لواحد جاهل مبيعرفش يفك الخط طبعا سلمى مش هتوافقسامي : اوعى تقولي الكلام ده قدام اختك انتي عاجبك قاعدتها في البيت كده؟ وبعدين ياعبيطه الراجل ده لو بقى نسيبي انا هستفيد كتير هيزودلي مرتبي وهيمسكني المصنع وابقى دراعه اليمين وهتبقى فتحت خير ليكي وليا ولأختكوفاء : هو انا هرمي اختي؟ والا هيه بيعه وشروه؟ بص يا سامي انا مش هتكلم وماليش دخل بس انا مش موافقه ولو حتى سلمي اخدت رأيي مش هتكلم هقولها اللي انتي شايفاه بس انا متأكده انها هترفضه دي اختي وانا عارفاهاسامي :بس مامتك موافقه مبدأياً وحددنا الميعاد اللي الراجل هيروح يزورهم فيه بكره الساعه 7وفاء : والله انتوا حرين سوا بقى انا قايمه انام تصبح على خيرسامي : وانتي من اهله _خير تعمل شر تلقىنرجع لعزوز تانيعزوز داخل بيته بقى اخر النهار بعد مارجع من المصنع وعمال يغني هاقابله بكره_ هاقابله بكره _هاقابله بكره _ هاقابله بكره وبيفتح باب الفيلا وداخللاقى مراته (سنيه)من ورا الباب هبت في وشه زي وابور الجاز المكتوم وتزعق بصوت عالي وقالتله سنيه : هو مين ده بقى اللي هتقابله بكره يا سبع البرومبه؟ وبعدين هو انت مش حافظ بقيت الاغنيه؟ والا الشريط بتاعك علق على هقابله بكره هقابله بكره؟عزوز : فيه ايه يا وليه خضتيني وحش لما يلهفك وبعدين ايه اللي انتي عاملاه في وشك ده ؟ دانا فكرتك امنا الغوله اللهم احفظناسنيه : لا يا اخويا ده زبادي وخيار حطاهم في وشي عشان ابقى حلوهعزوز :والله لو عملتي في وشك ايه هتفضلي برضه شبه الشاويش عطيه وعلى رأي المثل يا قرد ليه مبتتبرقعش قال وشي واخد على الفضيحهسنيه : تصدق انك راجل ناقص وبعد 25 سنه جواز تقولي كده؟ وحتى لو انا كده وشبه القرد_ على رأي المثل ارضى بقردك ليجيلك اللي اقرد منهعزوز : الله يحرقك ايه الفال الوحش ده _ (في سره) هيه ناقصه يجيني اللي اقرد من كده؟ وانا رايح اشوف العروسه بكره وتدعي عليا الدعوه دي طول عمرك وليه وشك شؤم الله يحرقك بجازعزوز : حضرتي الغدا يا وليه سنيه : ايوه يا اخويا حضرته مانت مش فالح الا في كدهعزوز : تصدقي انك وليه نكديه وانا مش واكل من وشك حاجه_ على رأي المثل قرد فتح لبان تغور من وشه القشطهسنيه : صحيح يا مأمنه للرجال يا مأمنه للقرد في السنغالعزوز : وليه لسانك طويل انا داخل انام احسن مقعد واشوف وشك العكرسنيه ( في سرها ) نوم الظالم عباده


ونكمل بكره ان شاءالله لاني هبتدي المقابله على طول فمينفعش ادخل فيها مع الحوار ده لانه هيطول الحلقه ومش حابب اكون ممل عليكوا

يــومــيـــات بنــت فــوق ال30 _ بمنـظــور العـريـس عــزوز _ الحلقة الرابعة

مساءكم ألاجا وزي الفل ان شاء اللهمحسوبكم عزور _ مستر عزوز لمؤخذهانا بسبس مان كبير اوي وبصراحه الست حرمنا المصون مشغوله عني حبتين فحبيت ادلع نفسي وانا راجل نزيه مبيهمنيش الفلوس وكمان راجل مقتدر والشرع محلل اربعهف وانا قاعد في مصنعي المتواضع من كام يوم لاقيت دخلت عليا السكرتيرريره بت مهلبيه كده ومألوظه وبت لونه كده وبتعرف تتكلم الانجليزي لبلب احسن من كلينتون نفسه بديها مرتب الف أهيف يعني ألف جنيه جنيه ينطح جنيه عدا ونقدا بس بت زي لهطة القشطه تستاهل مليون جنيه كمان فمش عارف البت احلوت في عيني فالواد الصبي بتاعي المحاسب دخل عليا فجأه زي القضا المستعجل فقولتله خد يا واد يا سامي قالي يا عزوز بيه انا اسمي استاذ سامي او قولي سامي بس مفيش مشكله بس متقوليش يا واد ياسامي دي هو انا اهلي معلميني وصارفين عليا دم قلبهم عشان تفضل تقولي يا واد ياسامي دي؟خلاص متزعلش يا واد يا استاذ سامي مبسوط كده؟ سامي في سره :يخربيت الجهل _ ماشي يا فندم مفيش مشكله بس كنت عايزني في ايه؟فقولت للواد الاستاذ سامي ايه رأيك في نرمين المهلبيه دي لما تبقى حرمنا المصونسامي في سره : يابن ال تيييييييت _ زين ماخترت يا فندم بجد انت زوقك هايل عرفت تختار بس دي مخطوبه يا فندم _( في سره تاني هو انت اعمى مبتشوفش الدبله اللي في ايديها؟ وبعدين هيه هتبص لواحد زيك يا معفن )ردت وقولت للواد سامي بس انا مش هتلاقي واحد في شياكتي ولا نباهتي ولا فلوسي يعني انا عريس لقطهرد عليا سامي وقالي بس حضرتك قد ابوها يا فندم وكمان حضرتك متجوز وكمان هيه بتحب خطيبهاقولتله حب ايه اللي انت جاي تقول عليه على رأي الست الله يرحمها ويبشبش الطوبه اللي تحت راسها حب ايه يا ابو حب دي اول ماتسمع اني هجبلها شبكه ب 50 الف ومهر ب 50 زيهم هتضرب الحب بشبشب الحمام وتجري عليا بس ناديها انت بس وانا هفاتحها في الموضوع اش فهمك انت سامي : طيب مترن الجرس يافندم هيه هتجيلك _ اه صحيح والله نسيت يا مزمزين نرمين ممكن تحضري هونا خمسه دقايق؟مزمزين نرمين : حاضر يافندمودخلت المزمزين نرمين المألوظه ياخواتي على المشيه ياسلام على عمود النور المنور ياسلام عليها بت فرعه كده وزي لهطة القشطه بتمشى تقول يا ارض اتهدى ماعليكي قدي وراسيه كده ومتمكنه وواثقه من نفسيتهاوقفت قدامي وقالتلينرمين : نعم يافندم؟ بخصوص الفاكس بعته للشركه الاجنبيه وقالوا الشحنه هتوصلكوا خلال عشرة ايام وبخصوص ,,,,,عزوز : حيلك حيلك حيلك يا مزمزين نرمين انا عايزك في حاجه مالهاش دعوه بالشغل دي حاجه سخسيه وبصيت لسامي وقولتله سبنا لوحدينا على استفراد يا واد يا استاذ ساميسامي في استحقار مكتوم من الغيظ وبأبتسامه خارجيه ونفاق : حاضر يافندم _ (في سره): ان شاء الله هتشتمك وتضربك باللي في رجلها وخرج سامي وقفل الباب وراه وبدأت أنا اكلمها في الموضوعبصي يا مزمزين نرمين انا راجل دوغري لاعنديش لف ولا دوران وهالله هالله على الجد والجد هالله هالله عليهانا بصراحه كده ومن الأخر انا عايز اتجوزك وتبقى حرمنا المصونوالله مايوريكوا لاقيتها فجأه وقفت وراحت راميه في وشي الأوراق ومتنخمه وراحت تافه في وشي حته تفه تقولولش رشاش المايه بتاع المطافي !!!وقالتلي انا اتجوزك انت يا بتاع المجاري ياللي جزمتك شبه كرفتتك وشكلك المعفن ده انا لايهمني فلوسك ولا اي حاجه دانا لما بشوفك ببقى عايزه ارجعوخرجت جري انا من الصدمه مقدرتش احط منطق ولاقيت سامي داخل عليا يبصلي كده زي مايكون شمتان فيا وكاتم الضحكه وكأنه زي مايكون كان عارف اللي هيحصلوجاب منديل وفضل يمسحلي في وشي وينضفلي هدومي وانا زي الصنم مبتحركش وقالي متقلقش يا عزوز بيه انا عندي عروستك ست ستها وتتمناك واحسن منها مليون مره هيه سنها كبير حبه بس هيه حلوه واموره ومتعلمه ومننا وفينا واحنا نتشرف بيك تناسبنا (وطبعا قصده على سلمي اخت مراته )فانا لما حسيته ان فيه بديل وحد هيبقى حلو وعلى ضمانة سامي فتحت بؤي بضحكه عبيطه كده وسناني المتكسره من قدام كانت ظاهره وقولتله طيب هنشوف العروسه امتى ان شاء الله؟قالي سامي ثواني يافندم هتصل بيهم حالا

ونكمل الحلقه الجايه بقى

مـــــلاك أنتي والا إنســـيـه؟

ده عمري اللي فات ده؟ والا اللي جاي ؟
عايز اوصفها ومتلخبط وبشخبط ومش عارف انا ازاي؟
ده كل حاجه ليا دا؟
دا اجمل حاجه شوفتها ؟
دا جنه دي والا حياتي بدأت وعشتها ؟
دي المستحيل دي والا الحقيقه؟
دي الدنيا دي والا حلم يخلص في دقيقه؟

ملاك دي والا انسيه؟
مستحيل يبقى في جمالك بشر
مستحيل دانتي في عيوني احلى من القمر
ملاك انتي والا انسيه؟

مخلوقه من طين زينا والا انتي من نور؟
مش قادر اوصف جمالك فبلف وبدور
مستحيل تبقى انسيه ملاك انتي والا جنيه؟


ضحكتك في جمالها سبحانه
خلق وابدع اجمل ما في اكوانه
في عنيكي انتي حنيه
ملاك انتي والا انسيه؟
في عنيكي بشوف سحر وجاذبيه
ملاك انتي والا انسيه؟


مهما هعيش برضه هموت فيكي
ولو هموت حياتي تفديكي
ده لمين الكلام اللي انت بتقوله؟ دي ليكي انتي وياريته يكفيكي
حاسس بخوف وعجز اني ارضيكي
مهما اقول واحس واوريكي حاسس كلامي عمره مايوفيكي

ملاك انتي والا انسيه؟ ملاك انتي والا انسيه؟

ما تقولش ايه ادتنا مصر علشان مش هاتلاقي حاجة

(ما تقولش ايه ادتنا مصر وقول هاندي إيه لمصر)
وكما تم تحويرها الي
(ما تقولش ايه ادتنا مصر علشان مش هاتلاقي حاجة) ..

صحيح هو مصر ادتنا ايه بقى؟؟

نبتدي بسم الله الرحمن الرحيم عشان افوت الأجابه على الناس اللي هترد

الميـلاد
=====
انا بتولد بشوف بتدفع قد ايه عشان تطلع شهادة ميلاد وحلاوة وبقشيش ورشاوي عشان حتة شهادة ميلاد وتكتبها بتاريخ الميلاد اللي على مزاجك ومش بعيد تزور فيها زي مانت عايز لو عايز تعمل شهادة ميلاد لتوت عنخ امون هتعملها مفيش اي مشكله في البلد طلاما بتدفع فلوس


الا ماشوفت مصر واقفه معايا في الطابور وماسكه الاوراق او مره قالتلي والله لتخلي عنك يا ايمن وخلي الحساب عليا المره دي ومدت ايديها في جيبها وحاسبت مكاني او دفعت رشوه او برقت للموظف عشان مياخدش مني فلوس او اثبتت الواد من غير مادفع الفلوس دي كلها؟؟



* التعلـيم
======

بتعلم بفلوسي ولو اتأخرت في دفع المصاريف يطردوني من المدرسه
المدرسين في المدرسه معندهمش ضمير ولافيه رقابه عليهم ولازم تدفع دروس خصوصيه لو ناوي تنجح وتفلح
ولازم تشتري كتب خارجيه عشان تعرف تزاكر منها لعدم كفايه الكتب المدرسيه والاهتمام بيها


الا ماشوفت مصر في مره شالت عني المصاريف او فكرت تشرحلي مصر في مره المواد اللي المدرس كسل او معندهوش ضمير يشرحها او فكرت تغششني في الامتحان ولاتديني درجات رأفه في الكنترول ولا فكرت مصر في مره تعملي منحة وتشيل عني تمن الكتب والملخصات او مصاريف المدرسه
مصر دي شكلها بخيله والا ايه متفهمش

==========================

===========

السكن؟؟
======

بدفع ايجار في الشهر قد كده بياخدهم صاحب البيت حقه محدش يقدر يقول حاجه
الا مافكرت مصر تديني حته ارض اسكن فيها وتديني شوية حديد وشوية اسمنت وشوية طوب مش هبطح مصر لا ولا هروح في فلسطين ارميهم على اليهود ولا هاخد الطوب ارميه من المدرجات وانا بتفرج على ماتش الاهلي والزمالك لالالا خالص والله
دانا هاخده ابني بيه البيت والعمال اللي هيبنوا عليا انا ياستي بس حاولي تساعديني يامصر

طيب ياشيخه ادفعي عني رخصة المباني اللي بتكلفني في حدود 5 الاف جنيه
طيب يا مصر بصي انا هعمل كل ده لوحدي بس انتي شيلي عني الكهرباء والمايه او المجاري اللي بتطفح دي
احنا يا مصر تعبنا اوي من كتر مابقعد نحوط المجاري في الشوارع بالطوب
يامصر خلي عندك دم وحركي حد من المسؤلين يظبط المجاري دي مش معقول نقعد نطط على الحجاره في الشوارع زي البهلونات كده عشان حضرتك مش مكلفه خاطرك يامصر وعايزه تظبطيلنا الشوارع والمجاري ياشيخه اعملي حاجه بقى مش كل حاجه علينا يعني بجد تعبنا

يامصر دانتي كل ماتبعتيلنا حد من المسؤلين يعملوا الشوارع والمجاري يعملوها اي كلام كده ويسفلتوها بعد مايعذبونا سنين في الطفح ده وبحر القرف اللي بيكون في الشوارع وبعدين تنفجر المايه من نفس المكان عشان يكسروا الاسفلت ويصلحوها تاني ويسفلتوا اكتر من عشر مرات لنفس المكان

قوليلي يا مصر هو مين صاحب شركة المجاري وشركة الاسفلت؟
مين صاحب المصلحه يامصر؟

طيب يامصر شكلك اتخرستي

الأكل والشرب؟
==========
يامصر مافكرتي مره تعزميني على سندوتش ولاتجبيلي اكل مره من المعونات اللي بتبعتيهم لدول مش محتاجه معونات دي يا مصر
يامصر انتي مليانه مزارع ومليانه اراضي بتنتج كل حاجه الا ما مره شوفتك مره داخله عليا بكيس فاكهه والا بطيخه يامصر
يامصر حتى مره تبعتيلي قفص طماطم من اللي مليان هرمونات مالوش طعم الطماطم ده والا تبعتيلي حاجه من اللي بتتزرع في مصر وتجبلنا الامراض يامصر ابعتيلي شوال قمح من اللي بتستورديه يا مصر يامصر حرام انا بقف في طابور العيش بالتلات ايام عشان اجيب فطار ببقى عايز افطر يوم السبت الصبح اروح الفرن الاقي نفسي بحضر فطار يوم التلات مينفعش كده يا مصر بقى
انتي عندك اكل كتير وخير كتير بس بيروح فين مش عارف يامصر؟!؟!


اللبس؟
=====
الا مامره فكرتي يا مصر تجيبيلي بنطلون جينز والا قميص والا تشرت يامصر دانتي عندك مصانع لبس كتير اي حاجه ابعتيها ولو ماركة صنع في مصر مش مهم على الاقل اهو احسن من الصيني وانضف منه برضه ههههههه

يامصر القطن عشان الملابس الداخليه القطن بقى شكله عره اوي يامصر انتي اهملتي القطن اوي يامصر داحنا كنا احسن قطن في العالم يامصر
هو ايه اللي حصل للقطن يامصر؟ ومين السبب في كده يامصر؟
اخرس؟ حاضر يامصر انتي الكبيره برضه واحترامك واجب



الشغل؟
=====

الا مفكرتي مره يامصر بعد ماتعلم على حسابي واسكن على حسابي واكل واشرب والبس على حسابي انك تعملي معايا مره دور واجب وتشوفيلي شغلانه في اي مصلحة من حكوماتك يا مصر
يامصر شوفيلي واسطه من البشوات الكتير اللي عندك دول والللي بيقعدوا على المكاتب وياخدور رواتب ومبيعملوش حاجه شوفيهولي يكلف نفسه يمضيلي على ورقه ويشغلني يامصر

يامصر دانتي معارفك كتير في الحزب الوطني وفي الحكومه
يامصر دانتي اللي مشغلاهم متبقيش شخصيتك ضعيفه اوي كده قدامهم

يامصر اخدميني دانا بحبك والله شكلي هكرهك يامصر عشان انتي مبتعمليش حاجه يامصر


الجواز؟
====

يامصر انا عايز اتجوز متيجي معايا نزور اهل العروسه ونسألهم كده وخليكي اعملي معايا حركة جدعنه وشيلي انتي الدبل والا الشبكه عني خدمه يامصر دانتي مليانه دهب والا بصي شيلي انتي الفرح يامصر خلي الفرح في نادي من نواديكي والا في قاعه من قاعاتك الحربيه والا حتى في ساحه شعبيه يامصر وعليا انا المغنيين
انا هجيب شعبان عبد الرحيم بس اخدميني في اي حاجه يامصر
صحيح يا مصر هو انا لما اتجوز هسكن فين؟ هرجع للموال القديم؟ زي ابويا وامي ؟

طيب انا مهاجر وسايبك يامصر لا عايز اشوفك ولاهرجعلك تاني يا مصر لا عايز منك اكل ولا شرب ولا بيت لا عايز سكن ولاتعليم ولا مساعده انا عشانك يا مصر هبيع اهلي وناسي ومش عايز اشوفهم عشان انتي كرهتيني حتي في نفسي يامصر



مصر انتي ساكته ليه؟
متردي يامصر؟

مصر؟
مصر؟
انتي موتي يامصر؟


بقلمي
ايمن نور

الحلـقه الرابعه من مذـكرات مريض نفسي

السـلام عليكم

معلش عارف اني اتأخرت عليكم اوي على اما نزلت الحلقه التالته

بس صدقوني انا مكنتش قادر اكتبها لاني المشكله لما بكتبها بنطبع بأنطباعها وبفضل فتره على اما اخرج من احساس الحلقه وهو احساس المرض النفسي اللي بحسه وقت كتابتي للحلقه دي وبصراحه اني انا كمان متشتت مش عارف اكتب فيها ايه بس محتاج اني اكتبها يمكن استريح

انا كنت عايز اسأل سؤال قبل ماتكلم في حاجه

هو علاقة الناس كلها ببعض لازم يحكمها مصالح؟ او اعرفك لو مستفيد من وراك لو مش هتفيدني يبقى اعرفك ليه؟ هو لازم اللي اعرفه استفيد منه؟ لو حسيت انه بيستفيد مني يبقى ابخل بالفايده؟ واقول اسمعنى انا افيده وهو ميفدنيش؟ يبقى مكملش مع الشخص ده

هو انا لما اعرف حد وانا مبيت النيه اني اسيبه لما اخرج من ظروفي اللي انا فيها او اوصل للي انا عايزه ابقى انا ساعتها ايه؟

طب لما اعرف حد في ظروف واكون محتاج للحد ده اوي وبعد لما اخرج من الظروف دي ولا حتى افكر اسأل عنه ابقى انا ساعتها ايه؟

لما ابص في المرايه هشوف ايه؟

طيب لما تساعد حد وتقف جمبه كتير كتير اوي يعني وتخاف عليه وتحمل همه ولما تزل دمعته بيهون عليك تبكي وتتقطع من جواك ولا انك تشوفه بيتألم او بيبكي وفي لحظه الشخص ده تفكر انه هيشيلك في عيونه العمر وهيشيل جمايلك عليه العمر كله وعمره مايفكر يبيعك او يكرهك او يضرك لو انت حتى عملت فيه ايه

وفجأه

تلاقي الشخص ده

ناكر للجميل

ناسي الخير اللي عملتهوله

باعك ونفسه يبيعك ونفسه يشمت فيك ويضرك

ده ليه؟

مهما كان السبب هو انا انسي الجمايل وافكر اني اضر حد؟ هو انا معنديش ضمير يحركني ويحسسني ويوجعني ناحية اللي عمل فيا خير وخرجني من ازمه او ضيقه في يوم

اللي وقف جمبي في مشاكلي وحاول يساعدني؟


طيب هو اللي بيصاحب حد بيصاحب حد ليه؟

هو انا بصاحبه عشان استفيد منه؟ والابصاحبه بضيع وقتي معاه لحد مايجي اللي يشغلني ويكون اهم منه اقوله خلاص بقى دورك لحد هنا انتهى؟ شوف مصلحتك بعيد عني

والا انا بصاحب عشان عندي نيات تانيه ؟

طيب واللي بيصاحب ده هو لازم ينافق؟ ويقول ويحلف ووقت الجد تنصدم فيه
انه لابينفذ ولابيعمل اللي بيحلف بيه وكداب وشخص مزيف غير اللي صاحبته
ساعتها هتنصدم فيه
هتنجرح من جواك

ولما يبقى هو من اقرب الناس ليك ويجرحك

هتتعب اوي وهتنجرح اوي

هتفكر طيب انا أذيته في ايه؟ جرحته في ايه؟ طيب انا ضايقته في ايه عشان يفكر ناحيتي كده؟ او ليه يتخلى عني؟

طيب لما تسمع ان صاحبك واقرب الناس ليك

بيفكر يضرك
وبيجيب في سيرتك
ويلعن ويسب فيك
عايز يشوه صورتك
كل همه ان الناس تكرهك


هو ده غيره؟ والا حقد ؟ ولاكره وسواد مالي قلوبهم؟
والا انا بنخدع في الناس؟
والا انا مبعرفش افرق بين الصاحب الكويس اللي يستاهل صحبيتي وبين الملعون؟
والا انا طيبتي اللي بتوقعني في الناس وبتخليني اثق فيهم وهما مايستاهلوش الثقه؟
والاانا اللي عبيط واهبل؟
والااحتياجي للصديق هو اللي بيخليني اتسرع واتلهف واثق بسرعه في اي حد؟

والا انا غلطتي اني بتعامل بطبيعتي مع الناس بقول عيوبي قبل مميزاتي؟

والا انا غلطتي اني بعامل الناس كويس ويفهموا كده انهم ممكن يستغلوني ويستعبطوني ويستفيدوا من ورايا؟

والا انا اكمني مخلص اوي وبحب اصحابي اوي اوي فبتوقع نفس الاخلاص والحب من اللي اتعامل معاهم واعتبرهم صحابي؟

والاثقة الناس في طيبتي واني ميهونش عليا ولا ارضى اني اضرهم فبياخدوا راحتهم في الاضرار بيا؟ ومتأكدين انهم حتى لو ضروني انا هتمنالهم الخير وعمري مافكر اضرهم؟

بجد احتارت وتعبت ونفسيتي بقت اكتر من نفسية مريض نفسي
هو مين الصح ومين الكداب ومين المزيف ومين اللي عايز الحرق؟

هو انا لازم ابقى زي الناس كلها؟ عشان اعرف اتعامل معاهم ومتعبش منهم؟ والاقي فيهم اصحاب من نوعيتي؟

هو انا لازم انتقم وارد واقسى واوجع واجرع واضر وأذي واغصب واتعصب واخون عشان ابقى حد طبيعي وعاديوالا افضل على طبيعتي وهبلي ونتيجة ده كله استحمل مشاكل وتعب وقلق

تتسبب اني ابقى شخص


مريض نفسي؟

قالتلي في بعدك الحياه احلى

قالتلي في بعدك الحياه احلى _يارب تحللك وتبقى احلى واحلى
هسيبك خلاص ومش هتشوفيني _خليكي في حياتك الحلوه دي وانسيني
مش هتشوفي وشي في حته ولاتقابليني اوعدك _ وياريت وشك كمان مشفهوش في دنيتي اوعديني
مش كفايه كنتي معايا وبتخونيني _كشفتك وكشفت كدبك وانتي خسرتيني
انا الكسبان وانتي اللي من ايدك ضيعتيني _لا عايزك حب ولا صديقه ولا في حياتي ولافي تكويني
حبك خلاص كرهك محاه ومش بسهوله ترجعيني _خلاص همشي وهسيبك حياتك وفيها تاني مش هتلاقيني
لو وحشتك مره _افتكري فيها ازاي كنتي بتعامليني _وازاي حبك كان لغيري قدام عيني
بدعيلك من كل قلبي وانتي كمان ادعيلي _ويارب تلاقي للدنيا طعم بعد ماودعتيني
ويارب الحياه ليكي تحلى وتحلى _واي حاجه معاه ومن غيري عديها وعديني

مميزات العزوبية للشبـــــــــاب كوميدي

اولا
تنام على السرير براحتك من غير متلاقي حد يزقك او يوقعك على الأرض بتعمد اصلهم بيرفصوا وهما نايمين بعيد عنكوا ههههههههههههههههههههههه



ثانيا
مفيش ازعاج وحركات البنات القرعه والسهوكه الخايبه بتاعتهم كل شوية خايفه من الضلمه وفار طلعلها خلاها تجري وصوريصار يا حبيبي يخليهم يتسرعو زي العيال ويقولك ده رقه.. هأأأوو
هههههههههههههههههههههههههههههه

ثالثا

تصيع زى ما انت عايز تطلع الصبح زى ما تحب و ترجع وقت ما تحب تقعد مع اللي تحبه ولو حبيت تمز شوية موز براحتك ومفيش غيرة بنات ولا حرقة دم , ومن غير ميعاد معين لرفع الشبشب



رابعا

تتفرج على التليفزيون براحتك من غير المدام اللى بتموت فى هم و غم المسلسلات او برامج الطعام السقيلة


خامسا
جعان ؟؟ مفيش ابسط من كده اتلقح على اى مطعم و كل وجبة سريعة او حتى اطلب بالدليفرى او حتى نام خفيف
احسن من اكلهم اللي كله عك في عك ويسموه طبخ وفي الاخر زايد ملح ناقص سكر زيت وسمن زياده او ناقص وتروح للدكتور يقولها استعملي النخلتين واحنا ناقصيين نخل؟ هههههههههههههههههههههه

سادسا


الغسيل ؟؟ سهل قوى غسالة فول اوتوماتيك او حتى هاف توماتيك تقضى الغرض و تخلى غسيلك زى الفل و لا الحوجة
لو غسلت يوم تزلك بيه سنه اسكت متتطلبش مني حاجه انا لسه غاسله انهارده ال يعني غاسلاهم في الطشت ياخي


سابعا
تلاقى وقت كافى لممارسة رياضتك المفضلة
بدل مانت بعد الجواز بيطلعلك كرش وبيكون شكلك زباله هههههههههههههههههههههههههههههه


ثامنا

و المهمة جدا
قرشك فى جيبك فى الحفظ و الصون , بدون المحاولات المستميتة من المدام للاستيلاء على اموالك وبدون هدايا عيد الحب وعيد الميلاد وعيد الام وعيد الطفوله وعيد ثورة 23 يوليو وعيد العمال هههههههههههههههههههههه


لالالا وكمان في لسه ؟؟؟؟؟؟؟؟؟


اولا

ثانيا
البطانيه اللي بتتغطي بيها هتبقى ليك لوحدك ياعم اشطه عليك بدل ماتصحي من النوم متعري وتحلم احلام غريبه هههههههههههههههههههههههههههههههههههههههههه وسيادتها متكفنه بالغطا زي القتيله هههههههههههههههههههههههههههههههههههههههههههههه

ثالثا

ريموت التلفزيون سيظل لك وحدك بدون استغلال الطرف الأخر


رابعا

تستطيع شراء اى شىء فى نفسك مهما كان غاليا بدون الأستماع الى العبارة الشهيرة " فى حاجات اهم من كده يا بيه"صح؟ او الاستهزاء بزوقك في الحاجات اللي بتجيبها ماهم مبيعجبهمش حاجه ولابيملى عينيهم غير التراب جتهم الهم ههههههههههههههههههههههههههه


سادسا
لن تضطر لأستضافة اصدقائها الذين يقضون السهرة فى الحديث عن الميكياج والطبيخ والنميمه والمجايب في سيرة الناس وهتضمن اسرار بيتك مش هتطلع بره اصلهم بميت لسان ههههههههههههههههههههه
ثامنا

تشيل مسئوليتها هيا و بيتها ليه ؟ هى كانت من بقيت عيلتك
هههههههههههههههههههههههههههههههههههههههههه


بقلمي
ايمن نور

من نحنح نحنوح نحانيح

*=*=*=*=*=*=*=*=*=*=*=*=*==*=*=*

من نحنح نحنوح نحانيح .. جاءكم النبأ التالي .. غيرنا رأيسنا الحالي .. بولي عهده الغالي .. ارحمنا يارب وزيح

معلش لاني صريح .. وفي كلامي اكيد تجريح .. لفخامة عظمة تتو .. ماهو ناسي اصله وستو .. حد يوديه تواليته .. لكن من غير تشليح

الشعب بتاعنا خلاص .. بليد معدوم الاحساس .. ولاحس يوم بالناس .. والشعب بقى عايش في القيح

انا شاب ياناس متغرب .. نفسي للراحه اجرب .. جاني بيان متسرب .. حلمك تلج وبيسيح

يحرق - يلعن - تاتييييييت .. وكفايه ياناس تثبيت .. بجد خلاص مليت .. لازوجه ولا فلوس ولابيت .. يلا نقضيها تسييح

وسلامو العادل شامل .. دا قرفنا في عهده الخامل .. دي مراته باينها حامل .. وبتتوحم ع الشيح

وابن سيادته الكوكو .. بيقول انا زي اخوكو .. وبابي ده زي ابوكوا .. قاعد وهارينا تصاريح

بيقول انا ناوي اغير .. صاحبنا ده عقله صغير؟ .. هسألكوا سؤال متحير .. يابلاط ايه خدت من الريح

ربنا يستر في الباقي .. لو خدت ساعتها جزائي .. هلبسلي قضيه جنائي .. والضرب ساعتها أوبيح

بما اني انا ميت ميت .. وفي السجن اكيد راح ابيت .. سيبوني شوية اشيت .. ويلا نقضيها تفاريح

خليفه انا خلف خلاف .. شجاع انا مش خواف .. كلامي ان كان متشاف

هقول انا اشطه ياريس .. سامحني انا كنت مهيس ..وانا عيل غلطان وقبيح

وادينا من ده كتير .. واللي زعلان على البير .. سيادتك فاهم وخبير .. وفي عهدك بلدنا بتتفتح تفتيح


بقلمي

ايمن نور

نقد البنات _ حكم محكمة في الجروب

انا طلبت مني لولو توبك اعمله على زوقي فقولت لازم احرمها انها تحكم عليا بحاجه هههههههههههههههه فقولت التوبك ده هديه عشان لولو ويارب متنساهوش ابدا بقى ههههههههههههههههه

===================


عايز انتقد البنات في شوية حاجات _مش هقول عليهم عوانس ولاحتى هقول كوارث ولا زي منير مقال بلح امهات

امهات ايه والفشل فيهم طبع - والطبع غالب وبلاويهم تملى دوسيهات

انا مهما حكيت وشكيت هفتح من القديم ملفات _ وهفضح واسيح عن حياتهم واللي بيحصل في الكليات

واللي بنشوفه في الشوارع والنوادي والمواصلات _ واجيب من الشهود ألوفات

مغرورين هما وشايفين نفسهم وهما عاهات _ الشكل اعوذ بالله متشلفطين شلفطات

تقول دايس عليهم قطر؟ تحتار ده الطبيعي والا بعد العمليات؟

والعقل فسفس وممس فتى احلامهم وماقولكوش عن الهيافات

ولو حكيت عن اللبس مش هنخلص والرموش والمكياج والباروكات

اه منهم في الشوارع في اللبس وعلى البلاجات ويجوا يشكو من التحرش والمعاكسات

محتار ايه اقوله؟ فمش هقول بقى حاجه ده حرام النميمه والغيابات

ويارب قدرنا على عمل الخير ونهدي النفسيات

بهـــلــــولـــ _ الحــلــقـــه الرابعه _ البنات مبيعجبهمش حاجه ابدا_ أيمن نور

البنات مبيعجبهمش حاجه ابدا



الحلقه دي ياجماعه بصراحه احتارت في اسمها ففكرت كتير اوي انا اتكلمت عن البنات في المواصلات والبنات على البحر واتكلمت عن البنات في الجامعه
والبنات في الجواز فمكنتش عارف اكتب ايه تاني بصراحه وانا لسه مفشتش غلي في البنات ولا حسيت اني اديتهم حقهم بصراحه هههههههههههههههههههههه هما من غلاوتهم عندي يستاهلو اكتر من كده بكتير ههههههههههههههههههههههه
وحسيت اني مقصر في حقهم اوي ولازم اعملهم حلقه تانيه ففكرت اني اعمل ايه مانا مهما اعمل مش هيعجبهم فقولت يبقى هو ده عنوان الحلقه >>> البنات مبيعجبهمش حاجه ابدا

البنات تبقى ماشيه مع البنت صاحبتها وانتيمتها ومش عاجبها فيها حاجه تعيب على لبسها لصحابها التانيين او ليها هيه نفسها فلو خدت رأيها في لبس مثلا تقولها لو كانت البلوزه دي لونها اسود كانت تبقى اشيك بكتير هههههههههههههه
او تقولها اللون ده فلاحي اوي او تقولها ضيقه اوي والا تقولها ايه المسخره دي ومش بعيد تكون هيه لابسه ستومك هههههههههههههههههه بس اهو انتقاد وخلاص
والا تقولها انتي مبيلاقش عليكي الحاجات دي طبعا وهيه من جواها عينيها هتطلع عليها ونفسها تكون عندها زيها بعيد عنكوا عندهم نقص ههههههههههههه حقودييين

ولو قعدت مع صحباتها التانيين تقول عنها بلاوي وتفضحها وتجيب سيرتها وتقول بس متقوليش لحد اصلها مستأمناني دي ماشيه مع كذا ومع كذا هههههههههههههههههههه لا ياستي انا مش هقولك اصل انا مبحبش اجيب سيرة حد
دي قبل كده قافشينها مع كريم ابن خالتها في الحته اللفلانيه ههههههههههههههههه تقولها يابت عيب عليكي دي مخطوبه تقولها ماهي خطبوها عشان يداروا فضيحتهم دي اصلا كانت ماشيه معاه وسيرتهم بقت زي الزفت هههههههههههههههه
واهلها لما عرفوا قالوا يلموها ده خطيبها اساسا شحات وبياخد مصروفه من ابوه لسه هههههههههههه وانتي مالك يا بايره هههههههههههههههههههههههه مش عارف بس
او تقول عليها دي هيه اللي معلقه الواد ده كان بيحب واحده صاحبتها او كان جاي لبنت خالتها وعلقته ههههههههههههه
يلا انا مش هتكلم بقى اصل انا مبحبش اجيب سيرة الناس ربنا يستر على ولايانا ههههههههههههههههههههههههههه

ياسلام بقى لو راحوا افراح واحده صاحبتهم يفضلوا في الفرح ماسكيين سيرة كل حاجه في الفرح لو شافه واد امور يفضلوا يتوشوشوا شوفي يابت الواد ياخراااااااابي على القمر يالهوي دانا هموت واعلقه ههههههههههههههههه تفتح بؤها ولسانها يدلدل منها وتبقى هتريل عليه هههههههههههههههههههه يالهوي على البنات الواقعه هههههههههههههه
والا يبصوا للعروسه يقولوا اخييييييييييه المكياج بتاعها وحش اوي او يقولوا الفستان بتاعها وحش اوي او مكشوف اوي وعريان او يقولوا ده مقفل اوي وفلاحي ده زوقها وحش خالص هههههههههههههه استحاله يطلع حلو في اي حال من الاحوال ههههههههههههههههههه مبيعجبهمش حاجه ههههههههههههههههه
والعريس ممكن يقولوا العريس شكله خام اوي ولابيعرف يرقص ولابيعرف يعمل حاجه او تقول العريس احسن من العروسه او العروسه احسن من العريس او مش لايقيين على بعض
او يتريقوا على حد من اللي بيرقص او الاكل في الفرح او انهم ناس بخلاء اوي مجابوش لسه جاتوهات ولا بيبسي انا خصوصا البيبيسي مهم اوي في الفرح هههههههههههههههه لو مجابوليش بيبسي العن اللي خلفهوهم هههههههههههههههههههه
والا تشتم في ام العروسه او ام العريس او تقول على الفرقه هههههههههههههههه المهم يخرجوا من الفرح ماسكيين سيرة كام حاجه في الفرح يتريقوا عليها ويمسكوا فيها اسبوع والا شهر تريقه مالهمش الا سيرة فرح فلانه بنت فلان
والواد اللي شافوه هناك والفستان اللي كانت لابساه واللي عملته العروسه واللي عمله العريس هههههههههههههههههههههه عالم فقر

ياسلام بقى لما البنت بتتجوز بقى مبيعجبهاش حاجه في اي حاجه جوزها تفضل تتخانق معاه لو اتأخر في الشغل ولو جيه بدري تقولي جاي بدري ليه خير؟ حمار مين مات انهارده
ينهار احوس عليهم ههههههههههههههههههههههههههه

لو مجابش ليها هدايا فتره تقول ده بخيل وقيحه وعمره معبرني بهديه ولو جاب هديه تقول ايه ده جايبلي هديه يبقى اكيد بيعمل حاجه غلط وبيداري عليها وبياكلني بالهديه عشان مفكرش
لو بيحاول يهزر ويضحك معاها تقول ده مش راجل وشخصيته مهزوزه وحياته كلها ضحك وهزار وعايش حياته كده ولو مهزرش وخد الحياه جد ومتغير ومكشر تقول عليه شايفله شوفه تانيه وبيلعب بديله وشكله متجوز عليها هههههههههههههههههههههه ينهار مطين بجله على دماغكوا ههههههههههههههههههههه
وربنا هيشلونا البنات دول

طيب تلبس لبس عادي وتنزل شغلك او تروح مشوار تقولك يا اخي خليك شيك وكده ومش مهتم بنفسك منظرك قدام الناس وحاجات كده وقدام صحابها
ولو لبس شيك واتشيك تقول ايه ده ياترى رايح يقابل واحده ومتأيف ولابس على سنجة عشره اكيد شايفله شوفة ورايح يقابلها ابو عين زايغه

لو الراجل شاطر وبيعرف يتكلم ويهزر ويقول كلام حب ويتعامل مع مراته كويس تقول عليه ده خبره ومقطع السمكه وديلها قبل الجواز ومتثقش فيه وتقول ده راجل العبان وممكن يخونها
ولو مبيعرفش يتعامل وغلبان وطيب ومبيعرفش يتكلم تقول علهي قفل وايه رماني الرميه السوده دي معرفتش اخد واحد يقولي كلمتين زي تامر حسني ويتنهدلي تنهيده وانا اعمل فيها فاتن حمامه وابربشله بعيوني هههههههههههههههههههههههههه


لو بقى وصل بينهم الحياة الي ملل وخلاص محدش منهم طايق التاني لو طلقها يبقى راجل ندل وابن ستين كلب هههههههههههههههههههههه ولو مطلقهاش بقى يبقى راجل عايز يزلها ومعندوش دم ومبيحسش على دمه وراضي انه يعيش مع واحده مش طايقاه هههههههههههههههههههههههههههههههههههههههههههههههههههههههههه

نفسي اعرف عايزين ايه مننا يابناااااااااااااااااااات

يلا انتظروني في حلقه تانيه من بهلول
;)

صديق رغماً عني _ قصه قصيره لإفتكاسات

صديق رغماً عني
=========

عارفين معنى الوحده؟ لما تبقى مش لاقي حد ابدا شبهك او زيك او في طبعك ؟ او يفهمك ؟ عارفين قد ايه الاحساس بالوحده وانت في وسط الناس كلها ؟
ويطلعلك من وسط الناس دي حد تحبه ويحبك ويخاف عليك ويفهمك ويشبهلك في طبعك؟ تخيل قد ايه ممكن تتمسك بالشخص ده؟ وقد ايه فرحان بيه وممكن تتحمله وتتحمل عيوبه ؟
ومن كتر حبك له تحكيله عن كل حاجه وتفضفض معاه وتحكيله عن بنت حبيتها قبل ماتعرفه وانك مرتبط بيها وقد ايه بتحبها ومتقدرش تستغنى عنها وحلمك الكبير معاها ومن كتر ماتحكيله عنها وعن صفاتها الحلوه وحبها ليك وحبك ليها وزي ماقالت اغنية هشام عباس ( عمال يحكيلي عنها عمال يوصفلي فيها وكلامه هز قلبي خلاني حلمت بيها )
وتلاقي صاحبك يسألك كتير عنها وعايز يعرف اخبارها منك بلهفه ونفسه يشوفها بأي طريقه ويتحججلك عشان تعرفه بيها ولما تعرفه بيها تحس جواك احساس الشك فيها وفيه وغيره طبيعيه ميخلاش منها راجل فيه عرق النخوه
وتبقى تحزر من كلامك عنها معاه وتقلل اوي وحتى لما يسألك عنها تجاوب على قد السؤال ويمكن تقصر في الاجابه او حتى تهرب منها
وفجأه تقل حب البنت ليك ويحصل مشاكل بينكوا ويقرب صاحبك منك اكتر وتحس احساس الكسوف في عينيه والخوف انه يصارحك بحاجه مخبيها عنك لاول مره
تشوف نظرة عموض ونظرة حزن ونظرة حيره كلها جوه عينين واحده
تحاول تسحب منه الكلام يبعد
وفجأه وانت في بيتك الساعه 2 بالليل يخبط عليك وتصحي من نومك وتلاقيه قدامك ياخدك في حضنه ويبكى بحرقه اوي ونهنهة بكائه بترج جسمك وشعر جسمك بيقف من الرعب والخوف عليه وتنقلب لأكتر من احساس الاخوه والصداقه لاحساس اكبر من كده بكتير
وتحاول تعرف منه ماله يقولك سامحني كل اللي على لسانه سامحني
وكأنك كنت حاسس وفاهم وبتكدب على نفسك ومش عايز تصدق ان ممكن صاحبك يخونك بعد كل اللي بينكوا
وبكل عظمة اخلاق ترفع سماعه التليفون وتتصل وتقول لحبيبتك

(انتي مبقتيش تنفعيني)

وتقفل السكه ويحضنك صاحبك اوي ويقولك مش عمر بنت ممكن تفرقنا ابدا انت ابقى واغلى عندي من الف بنت انت ياصاحبي

قـصـه قصـيره _ لإفتكـاسات

هو انا لما احب واحده وادخل بيتها من بابه واهلها يرفضوني لمجرد انهم عرفوا اننا بنحب بعض من وراهم وعايزين بعض يبقى انا غلط؟
هو لازم الواحد يبص ويحسب الفرق بالمللي بين الاهل والعائله؟ حتى لو الفرق بسيط لازم تبقى بنفس المستوى او متتجرأش انك تحب وتبعد انت وحبك بعيد عن اللي اعلى منك؟

الحكايه ابتدت لما كنت في الجامعه كانت بنت وزميله ليا وعاديه زيها زي اي زميله وكانت واحده من شلتى وكانت اقربهم فهم ليا وكانت بتحبني جدا وانا مش حاسس بيها خالص وكانت بتحس بيا اوي وبتحاول تبقى جمبي وانا ولا واخد بالي لحد في يوم لما كلمتها وفضلت احكي معاها عن واحده بحبها ومن فرحتها ظهرت في عينيها الموافقه وتشجعني اني اقولها قولتلها وانا مستعجل
بس متقوليش لحد
انا بحب شيماء زميلتنا في الشله
اسود وشها من الصدمه وحاولت تجمع نفسها وبأستغراب شديد قالتلي شيماء تستاهل كل خير وانت تستاهل كل خير وربنا يوفقكوا

وعشان متحسسنيش ان الكلام اختلف قالتلي تحب انا اكلمهالك واخد رأيها؟ قولتلها ياريت

وانا مكنتش فاهم حاجه وبعد لما حكيت لصاحبي الانتيم على اللي حصل بيني وبين هناء
زعق فيا جامد واتصدم وقالي دي بتحبك يا ايمن وانت مش حاسس وكلنا كنا عارفين
اتصدمت وكأن هناء دي كانت ابعد واحده في الدنيا ممكن افكر فيها وقولتله استحاله دي مش تناسبني ابدا
قالي فكر شوية
قولتله اتاريها اتغيرت لما قولتلها شيماء
فضحك وانا سكت من الصدمه

وغيرنا الموضوع
وتاني يوم شوفت هناء سألتها ازيك عامله ايه لاقيتها بتقولي كويسه الحمد لله وبتقولي يا عم انا سألتلك شيماء وقالتلي انها هيه مش هتلاقي زيك بس هيه خايفه ترتبط دلوقت وبتقولك انها معجبه بيك هيه كمان
قولتلها وكاني مكسوف وفي نص هدومي
هناء انسي موضوع شيماء انا مش عايز افتح الموضوع ده دلوقت
فضلت تسأل وانا توهت الكلام وحاولت بعدها ادي لنفسي فرصه اعرف هناء اكتر وافكر فيها اكتر واديها فرصه تعرفني بنفسها وتظهر جمالها المخفي جواها
اكتشفت اجمل بنت شوفتها في حياتي ومسحت اي ضباب كان مداري على عيوني اني اشوفها كويس
اتمنيتها بجد ويوم لما قولتلها مكنتش مصدقه نفسها
بس قالت لا
ذهلت!!!! وكأن مش من حقها الرفض
قالتلي شيماء يا ايمن
قولتلها انا هقولها
وبنفس الموقف القديم انعكس وحكيت لشيماء عن حبي لبنت هيه تعرفها وقولتلها الانسانه دي هيه هناء
ومن كسوف شيماء اتمنتلي اسعاده معاها ونادت هناء وقالتلها في وقتها وقالتلها انتوا الاتنين بتحبوا بعض وانتوا تناسبوا بعض اوي وانا فرحانه ليكوا
وارتبطت انا وهناء 4 سنين الجامعه
ولما اتخرجت اتقدمت رسمي لأهلها اللي كانوا عارفيني وبيحبوني قبل كده على اني زميل واخ وصديق لهناء
واذا بيهم يعجزوني ويرفضوني عشان اكتشفوا اني بفكر فيها غير كده
وطلبت منهم وعد اني اجهز وارجعلها
رفضوا
سافرت على امل من الله وامل ان هناء تستناني
ورجعت بعد سنه
وتضاعفت مطاليب الاهل لان كل غرضهم انهم يعجزوني وبس
واتدمرت احلامي مع هناء وقصة الحب اللي كان بيحكي بيها كل زمايلنا في الجامعه وكل اللي يعرفونا ايوه اتدمرت

* بعد غربه سنتين تعبت فيهم قد ماتعبت وعانيت فيهم قد ماعانيت عشان اوفي بوعدي مع هناء وارجع اخطبها واكون راجل قد كلمتي
*بعد اهلي لما زاروا اهلها وطلبوها
*بعد ما سمعوا من اهلها ابشع الكلام باننا مش من مستواهم
*بعد ماسمعت امي كلمة >> انتي ابنك يقدر يعمل ايه لبنتي ويجبلها ايه؟ ده لو سافر 10 سنين ميقدرش على حاجه انا بجبهالها
*بعد ما امي من الصدمه نامت في السرير شهرين متحركش اي جزء من جسمها خوفا عليا وصدمه من كلام امها وجرح لكرامتها وخصوصا ان امي حساسه اوي
* بعد ما سمعت من امها بنفسي بالتليفون كلمة >>> اللي مش قد الجواز ميتجوزش
*بعد ماتهانت كرامتي وكرامة اهلي قولت لأمها
.
.
.

اه بحبها لكن لو هيه اخر واحده في الدنيا وانتي امها انا مش عايزها
السلام عليكم

مـــــــاتــــت خـــــلاص

مرت عليا كما النسمه في خفتها .. جميله وزي الملايكه وجناحتها .. شدت عنيه ليها وخدتها

رقيقه هيه ورقتها اجمل مافيها.. من صغر حجمها وقامتها .. بالكاد تشوفها وتشوف عينيها

تتغر فيها وفي كسوفها .. تنده عليها ومن صوتها تحس انك تعرفها .. وخايف عليها

تمد ليها ايديك وتجري هيه عليك .. بريئه هيه ومن براءتها تدمع عينيك .. وقلبي عليها

وفضلت تقربلى وتقربلى واول ملمستني .. زي العقارب قرصتني .. قرصتها فيها مصت دمي وألمتنى .. ومشكتش فيها

كان ذنبي اني أمنتلها ومدتلها ايديا؟ وكان نفسي اني احس بيها

ومن جرحي منها اتهانت كرامتي ودمعت عينيا .. حلفت اني منها لازم انتقم وارجع حقي ليا

وبخبث زي خبثها .. فتحتلها ايدي كاني عايز حضنها

جريت عليا واول ماقربت .. حبستها .. وقفلت ايدي وصقفت صقفه وبأيدي فعصتها .. قتلتها

كانت ناموسه ايوه ناموسه فعصتها .. قتلتها .. لافيها أثر بيرسول ولا حتى ريد .. قرصتني قرصه وهربت بعيد

من يومها وانا ماسك في ايدي شبشب حديد .. اجري وراهم سفاح وقاتل .. ايوه قاتل .. قاتل عنيد

مـــذكــرات مـــريــض نـــفـــســي _ (3) الجزء التاني _ أيمن نـور

من الحلقه الاولي في الغربه وقد ايه وجعتني وفكرتني بكل حاجه انا عايشها ومش بنساها عشان افتكرها بس كل ما افتكرها بفتكر كل حاجه وحشه جوايا اتغيرت وكل طبع انا اكتسبته وكارهه في نفسي وكل حاجه خسرتها في غربتي

احنا لما بنسافر بنبعد عن ناس كتير وزي ماقولنا اهلنا وحبيايبنا واخواتنا واصحابنا
السؤال بقى هو احنا لما بنسافر بتفضل علاقتنا بيهم وحبهم لينا وحبنا ليهم زي الاول؟ والا البعيد عن العين بعيد عن القلب؟

قد ايه الغربه ممكن تقوي قلبك وقلبهم؟ وتقسيك وتعودك على البعاد والفراق وتقسيهم؟

قد ايه بتفقدهم وبتبقى علاقتك بيهم بارده اوي وجافه اوي كأنها قلبت هيه كمان رسميات

يعني حتى اقرب الناس ليك واللي كنت بتحبهم علاقتك بيهم بقت بارده

ماهو اكيد بتنشغل عنهم وحتى الاتصالات مبتعرفش تكلمهم دايما زي الاول ماتعودت تشوفهم وتزورهم ولو قصرت في تليفون لحد فيهم اكيد اكيد اكيد عمره ماهيعزرك وهيشيل منك ولايعرف انت فيك ايه ولا بتعمل ايه ولاعايش ازاي ولا قد ايه مطحون في شغلك وحياتك

وانك لو مرضت وتعبت ونمت في السرير ولو موت حتى محدش هيحس بيك الا بعد ايه؟

لو اتخنقت وتعبت وهتموت من جواك من الالم ونفسك تحكي لحد قريب منك مش هتلاقي حد تحكيله وتأمنله ويحس بيك


هو انت عمرك فكرت انت ليك في بلدك كام صاحب؟ نقول 10 اتفقنا
وليك كام اخ واخت نقول مثلا 3
وليك كام خال وخاله وكام عم وعمه وكام ابن عم وبنت عم وكام بنت خال وابن خال وخاله
وجواز خلاتك وجواز عماتك ومراتات خوالك ومراتات عمامك

تخيل انت نازل مصر قد ايه حجم الهدايا اللي لازم توديها للناس دي وكل واحد فيهم طمعان ومعشم انك تجيبله هديه كبيره لو جبت هديه صغيره تتكره وتبقى بخيل وتبقى هما اكيد مش غاليين عليك ومش مقدرهم وبتهينهم بهديه صغيره زي دي
ولو جبت هديه كبيره يستقلوها ويقوللوا دي بس؟

والكل ميعرفش انت كام مرتبك؟ وبتاكل بأيه وبتسكن بأيه وبتعيش ا زاي وبيفضل معاك ايه؟ وبتدفع ايه هدايا ولكام واحد بتجيب؟

بتدفع مصاريف تليفونات كام؟ اللي لو قصرت مع واحد من كل اللي فاتو دول في اتصال تبقى فضيحه وتبقى قليل الزوق وتبقى مبتصلش الرحم وتبقى انت ابن ستين كلب سوري في اللفظ يعني

هيفضلك ايه من مرتبك؟

كام فاضل؟

نعم؟

هو اللي بتقول عليه ده هيعملك ايه؟ طيب انت متغرب ليه؟ وهل اللي طلعلك وبقيلك ده يكفيك تكون نفسك؟ يعوضك عن غربتك؟

بقالك كام سنه مسافر؟

عملت لنفسك ايه؟

هو انت بقى عمرك كام دلوقت؟

يااااااااااااه سنين سنين ضاعت من عمرنا والواحد مش عارف اخد ايه من غربته لامنها عائد مادي يعوض اللي فات مننا وخسرناه ولامنها رجعنا بلدنا ومخسرناش أقل حاجه وهيه حب اهلنا وصحابنا

طيب لو فكرنا نرجع هو ده صح القرار؟

نرجع ازاي؟

بعد السنين اللي فاتت دي كلها ازاي نرجع؟

احساس الفشل واحساس السنين اللي ضاعت واحساس الندم عليها واحساس كره الناس ليك ومفكرينك بتكدب عليهم

هتقدر تمد ايدك لأبوك او لأمك تطلب منهم فلوس بعد مانت كنت بتديهم فلوس؟

عايز تشتغل في بلدك وتدور وتلف واول ماتلاقي شغل هتلاقي شغل بكام؟ وهيعملك قد ايه؟ وهل هو كافي انك تقدر تعيش زي ماكنت عايش في غربتك؟

هتقدر تكون نفسك منه؟ وتتجوز وتعمل لنفسك بيت واسره وتصرف عليهم وتكفيهم؟

هتقدر تشوف زميلك رئيسك في عمل؟ كل الفرق بينه وبينك انه اشتغل قبلك وانت اكفأ منه

انت لو سبت غربتك قد ايه ممكن تخسر؟ قد ايه ممكن تتذل؟ قد ايه هتبقى مكشوف اكلك وشربك وفلوسك معاك قد ايه لكن طول ماكنت في الغربه زي مابيقولوا السيط والا الغنا محدش عارف بتاكل ايه وبتشرب ايه وساكن فين ومعاك ايه وبتتعب ازاي وبتتذل ازاي وبتبقى قدام اهلك وناسك باشا وراسك مرفوعه ومحترم لما تنزل بقى هتبقى راسك في الارض ومزلول

قد ايه خسرانين احنا في غربتنا وقد ايه هنخسر كمان لو رجعنا بلدنا

قد ايه احنا نفسيتنا مدمره

قد ايه احنا بنموت ولاحد بيحس بينا

وبنصرخ من جوانا ولاحد سامع صوتنا

بنبكي وبنبكي بحرقه اوي بينا وبين نفسنا ومجدش بيمسح دموعنا الا ايدينا

هو احنا بعد ده كله ممكن نكون ناس طبيعيين؟

والله احنا لو مبقينا مرضى نفسيين يبقى احنا مبنحسش وجتتنا نحست من كتر مابنشوف

داحنا لازم نبقى مرضى نفسيين
لازم نبقى مرضى نفسيين
لازم والله نبقى مرضى نفسيين

إحم إحم

إحم إحم نسيناها والبجاحه بقت في دمنا - وفي الغلط ناكل الزلط ومبقاش يهمنا

إحم إحم والزوق في الزمن ده بيتلحم - وبقينا بنرضي بضعفنا

إحم إحم ويقولولي كبر ده غصب عننا - ليه اكبر وازاي اكبر الله اكبر ياناس طيرتوا عقلنا

إحم إحم كل يوم بشوف عجايب - والأدب في الشوارع معدوم وغايب

إحم إحم بنات بتلبس من غير هدوم - بنات تشيش بنات بتشرب في السموم

إحم إحم بنات تعاكس في الشباب - بنات حياءهم بقى سراب

إحم إحم بنات تخطط بنات تظبط - بنات تشبط بنات تربط

إحم إحم شوفت منهم انا شوفت ياما - بنات بتخلع بالسـلامه

إحم إحم لا راجل نافع ولا ضل حيطه - الزمن ده فات صدر العبيطه

إحم إحم الست أمينه بقت أليطه - بقت بتحكم وبقت بتأمر بقت تزيط في اي زيطه


* * * * * * * *

حم إحم نسيناها والبجاحه بقت في دمنا - وفي الغلط ناكل الزلط ومبقاش يهمنا

إحم إحم والزوق في الزمن ده بيتلحم - وبقينا بنرضي بضعفنا

إحم إحم ويقولولي كبر ده غصب عننا - ليه اكبر وازاي اكبر الله اكبر ياناس طيرتوا عقلنا

إحم إحم شباب تتوه في جنسه وتوه في لونه - شباب مسقط بنطلونه

إحم إحم شباب يقولك خد فطيرك - ياخي ايه سفن ايه فيك وفي غيرك

إحم إحم شباب بايت على القهاوي - شباب بيشرب مخدرات وبلاوي

إحم إحم شباب عاطل شباب يصقف بالباطل - شباب يقولك خليك معاهم تبقى مناضل

إحم إحم شباب هدفها عيش ندل تموت مستور - شباب بيركب في الحنتور

إحم إحم شباب عايش علشان يموت - شباب بيكتم في اي صوت


* * * * * * * * *

إحم إحم نسيناها والبجاحه بقت في دمنا - وفي الغلط ناكل الزلط ومبقاش يهمنا

إحم إحم والزوق في الزمن ده بيتلحم - وبقينا بنرضي بضعفنا

إحم إحم ويقولولي كبر ده غصب عننا - ليه اكبر وازاي اكبر الله اكبر ياناس طيرتوا عقلنا

إحم إحم كانت بتتقال من الناس اللي قبلنا _ إحم احم كلمة معناها تسمحلي ياعمنا؟؟



بقلمي

ايمن نور

مـــذكــرات مـــريــض نـــفـــســي _ (3) أيمن نـور

الــغــــربــــه


قد ايه الغربه دي صعبه ... قد ايه بتعلم القسوه وبتموت القلب .. قد ايه الغربه دي ممكن تقتل حاجات كتير حلوه جوه الواحد فينا


قد ايه بعدك عن أهلك واصحابك واخواتك وحبيايبك وحلم عمرك وعاداتك وتقاليدك وانخراطك في مجتمع فيه عادات تانيه غريبه عنك وناس تانيه كل علاقتك بيهم مصالح وبس قد ايه ده كله ممكن يأثر فيك؟

قد ايه ممكن يأثر فيك ضحكه في وشك مليانه كدب ونفاق - علاقات ومعارف وناس كتير وكله بيحبك عشان مصلحه عايزها منك خدمه وبعد خدمته لو شافك بعديها ممكن ميرميش عليك السلام حتى

قد ايه كان فيك حاجات جميله كتير اوي طيبه وحنيه وقلب ابيض على طبيعتك مع الناس
حسن النيه اوي
وفجأه تفقد طيبتك وحنيتك وتبقى شخص قاسي اوي بحكم قدرتك على انك تصبر على بعد اهلك وحبايبك عنك
تبقى قاسي انك شغلك وطبيعة عملك تفرض عليك الجديه
تبقى شخص متكلف في تصرفاتك محسوب عليك الخطوه والحركه والكلمه محسوب عليك الغلط ومحسوبلك الصح

لازم تفكر الف مره قبل كل خطوه بتعملها ولو غلطت لازم بسرعه اوي تصلح غلطك والا هتتحمله وهتخسر كتير اكتر ماخسرت قبل كده

تخيل قد ايه نفسيتك تعبانه قد ايه لو تعبت ومرضت بصيت حواليك تلاقي نفسك في شقه لوحدك في اوضه محدش يقولك فيها مالك محدش يناولك كوباية مايه تشرب محدش يسأل عنك لو غبت الا اصحاب الشغل والمصالح وميهمش انت ميت والا تعبان لكن يهمهم مصلحتهم ليه مخلصتش لحد دلوقت

تبص في رمضان شهر الخير والفرح والصيام

شهر بناكل فيه احسن الاكلات والحلويات شهر نفسك تروح بيتك تلاقي وقت الفطار نحد عاملك الفطار تقعد وتاكلوا سوا وتستريح بعد الاكل

مش تروح البيت تفكر هتسلكها بأكل ايه عشان تلحق ترجع شغلك تاني


وفي العيد نفسك تشوف حد يقولك كل سنه وانت طيب ويحضنك ويبوسك
تقضي اجازة العيد وشك في الحيط يمكن تبكي يمكن تحزن يمكن تفتكر زكري حلوه كانتلك في العيد يمكن تفتكر اهلك يمكن يمكن يمكن

لكن انك تكون سعيد في العيد ده اللي مش ممكن ابدا

تفتكروا بعد اللي الواحد بيشوفوا في الغربه ده كله وبيمر بيه ممكن يكون ايه غير انه مريض نفسي؟

بهــلــولــ_ الحلـقه الثالثـه _ البنات والبحـر _ أيمـن نـور

البنات مش عايزين يجبوها البر

فلما زهقنا منهم في البر قولنا نغير جو ونروح البحر ونصيف في اي حته ان شاء الله حتى السنبلاوين هههههههههههههههههه
يكفينا شر الصيف وبلاويه واللي بيجرى فيه توب علينا يارب من البنات واللي بيعملوه فينا ههههههههههههههههههههههه دعوة وليه ساعة عصريه
ندخل في الموضوع

حلقة انهارده البنات والبحر
-------------

يعني ياخي البنات مش عاتقينا في الشوارع وفي الجامعات وفي الشغل وفي البيت والمواصلات و و و روحنا البحر لاقيناهم ورانا برضه
ياخي لازقه بغرا ههههههههههههههه شوف بقى البنات على البحر بتعمل ايه

اولا البنت بتكون رايحه المصيف اللي بتستناه من السنه للسنه عشان ترجعلها بغنيمة كام ولد يعاكسوها وكام رمش توزعهم وكام رقم تليفون واد تقضي بيه فترة الشتا كله
هههههههههههههههههه على كام هديه على كام عزومه يعني في الاخر بتطلع كسبانه

البنت على البحر انواع

الانواع دي بتختلف حسب اللبس والاسلوب والمنهج المتبع في فنون التعليق وتوزيع النظرات على شباب البحر نسور الجو بحريه بحريه بحريه ههههههههههههه

اول نوع معانا الهاديه التقيله تلاقي المزه قصدي البنوته قاعده على الكرسي تحت الشمسيه ولابسه النظاره الشمس
هتقولي فايدة النظاره الشمس ايه اقولك يازكي ان النظاره دي عشان ابوها والا امها والا اخوها وهما قاعدين جمبها مش هيبقوا عارفين
اتجاه عينيها رايحه فين فبتبص براحتها هههههههههههههههه يخربيت الخبث هههههههههههههه وتلاقيها لاقطه اللي رايح واللي جاي
وبؤها بيتفتح لما بتشوف واد اموره وتروح منزله النظاره شوية عشان تفقعو رمش هههههههههههههههه الهي تتقلع عينيكي يابعيده هههههههههههههههههههه
ولو الواد مخدش باله من الرمش ممكن تعمل حركه يعني تقوم كانها بتعدل هدومها اللي اساسا هيه مش لابساها ههههههههه
ولو مخدش باله ممكن تعمل نفسها قايمه تغسل رجليها في المايه او ايديها او رايحه تتطمن اخبار المايه ايه ههههههههههههه اصلها وحشتها
ولو بعد ده كله مخدش باله تبقى متتعبش نفسها اكتر من كده لانه شكله شايفها ومش معبرها ههههههههههههههههههههه وترجع تجر اذيال الخيبه وترجع زي ال .... تقعد على الكرسي تاني
تحاول مره اخري مع زبون جديد ههههههههههههه زبون دي على فكره بتفكرني بالحلاقين ههههههههههههههههههههه ماهو صراحه مفيش فرق بينهم هههههههههههههههه
البنات والحلاقين الاتنين مبيفتحوش يوم الاتنين هههههههههههههههههههههه
ولو الواد بقى خد باله وضحك لما فقعتو الرمش المدمر ههههههههههههه فتروح رمياله ضحكه اوعى عائشه الكيلاني هههههههههههههه
فيروح الافندي الغلبان يشاورلها تروح هيه قايله لمامتها انا رايحه اشتري ايس كريم او رايحه الحمام او رايحه تلعب ركت على الشط مع اختها العبيطه الصغيره اللي مبتفهمش ومبتفتنش هههههههههههههه عشان تظبط مع الواد ههههههههههههههههههه
فاكرينا عبط مبنفهمش ههههههههههههههههههههههه وبعدين الواد يروح وراها بقى لانه شاورلها فهيه تبص ورا ضهرها وتضحكله معناها حصلني وامشي ورايا هههههههههههههه
وتعمل تقيله بقى وهيه بتمشي ياسلام على الماشيه اوعى ابو رجل مسلوخه هههههههههههههههههه وطول ماهيه ماشيه الواد يكلمها اسمك ايه تقوله انت عايز عيب الحركات دي ايه ده بلاش كده
يقولها امال ازاي ياجميل ههههههههههههههههه تقوله اتصل على الرقم ده
وتروح رمياله ورقه من رزمة الورق اللي محضراها وكاتبها فيها رقم التليفون عشان توزعهم على شباب مصر وكانها بتوزع الكارت بتاعها اوعى دكتور السنان ههههههههههههههههه
ويجي بقى الواد يتصل عليها لما يوصل البيت ويقضوها مكالمات طول الليل وهما هناك يتعرفوا على بعض ويقولها هجيلك دلوقت ويعرف عنوان الشاليه ويتأجر عجله ويفضل يلف حوالين الشاليه بتاعهم
وهيه وقفاله في البلكونه مشغاللاه اغاني ومعليه الصوت على الاخر عشان يسمعها كانها بتهديله الاغنيه اوعى برنامج اماني واغاني ههههههههههه
وبعدين يشاورلها تنزل تروح هيه تقول هروح اتمشى على البحر واشوف الغروب هههههههههههههههه غراب ينقر في نفوخك يابعيده ههههههههههههههههه
وبعدين تروح تتمشى على البحر وصاحبنا وراها بالعجله هههههههههههههههههههه وبعدين يمشوا وهما ماشيين البت تقوله مش عارفه حاجه قرصتني في ايدي انهارده
هههههههههههههههههههههههههه قرصك حنش ههههههههههههههه عشان الواد يمسك ايدها يشوف فيها ايه فيستحلاها فيفضل ماسكها ههههههههههههه ويمشوا على البحر بقى يضحكوا اوعى فاتن حمامه وكمال الشناوي هههههههههههههههههه
وبعدين بقى ييقضوها تليفونات ومقابلات طول فتره المصيف ولما يرجعوا كل واحد بلده يبقى العمليه هتتقضى تليفونات ومقابلات خارج حدود البحر ويرجعوا يقرفونا تاني في البر
وتوب علينا يارب من الصيف وبلاويه واللي بيجرى فيه ههههههههههههه

ده النوع الاول من البنات في البحر طبعا فيه انواع كتير هنكملها حلقه تانيه لاني حاسس اني طولت عليكم
انتظروني في بهلول الحلقه الرابعه لتكملة البنات والبحر

نيجي للنوع التاني

تعـالـوا ننـاقـش كـل أسـبـوع قضيــه مثيره للجـدل

للأسف ان دي تاني مره اكتب الحلقه شكل الحظ كان وحش وطبعا طبعا عمر مايكون المره التانيه لكتابه نفس الحاجه زي اول مره تطلع فيها بأحساس اول مره وطريقه واسلوب اول مره لكن هحاول اني ابين المقصود واختصر عشان اعرف رأي الناس

بس للتوضيح برضه بسبب الجدل والخناق اللي تم في الحلقه الاولي ان عمر الخلاف في الرأي او النقاش يسبب اي زعل بين الناس او اي عداوه او اي حاجه وحشه في نفوس المختلفين واكبر دليل انا واحمد خير انا بحبه جدا وربنا يعلم رغم خلافي معاه الدايم في الرأي ويمكن اللي يشوفنا يقول اننا هنقتل بعض وقت النقاش لكن والله انا بحبه وبعزه جدا وبعتبره اخ واظن اني كده له برضه رغم خلافه معايا وعمر ندى ولا يارا ولا سليمان ان شاء الله خلافنا في الرأي عمره مايبقى سبب زعل بينا عشان الناس اللي بتشمت ونفسها تدخل وسطينا الداخل ان شاء الله مفقووووود


ندخل في الموضوع

انهارده الحلقه عن الصحاب .. الصداقه .. معنى الصداقه هل موجوده؟
هل اللي بتقابلهم الايام دي صحاب بجد؟
هل انت واثق فيهم وواثقين فيك؟
هل لما بتشوف منهم مشاكل وقلق و و و هل بيفضلوا صحابك ونفس المعزه؟


يعني صحابنا صاحب المذكرات الاخ المريض النفسي اللي بيتكلم وبيحكي عن نفسه عايز يفضفض ويتكلم عن صحابه واللي شافه وازاي كان ليهم دور كبير في مرضه النفسي

صاحبنا بيحكي وبيقول

دول اصناف صحابه او اللي المفروض انهم صحابه اسمعوا مشكلته

صاحب يقولك انا بحبك وبعزك وانت اخويا وحبيبي ومليش اعز منك وهات بوسه ياد وتبص تلاقيه يجيب في سيرتك ويتكلم عنك ويقول في حقك اصعب كلام
متفهمش هل هو كلامه عنك مجاراه لحوار كان ساير وعايز يبقى معاهم معاهم عليهم عليهم؟ والا هو جواه فعلا مبيحبكش ومش صادق معاك؟
هل هو بيحاول يقرب من الشخص التاني ده عن طريق انه يأكد انك شخص وحش لان التاني شايف انك وحش وعايز يقرب منه؟

معرفش

ده صاحب

وصاحب تاني يحبك عايز مصلحه معينه تخلص متشوفوش تاني الا وقت المصلحه عايز منك طلب يكلمك مش عايزك متشوفوش لا يسأل عنك ولا تعرف حاجه عنه غير انه كويس وبيكلم ناس كتير غيرك شايفينه وعارفينه وعارفين كل حاجه عنه ولما تشوفه يقولك انت صاحبي وحبيبي واقرب الناس ليا طيب بأماره ايه؟

ده صاحب


وصاحب تاني تحبه اوي وتخلصله اوي وتحكي معاه وتفضفضله وتقوله اسرارك ومشاكلك وتكشفله عيوبك واول مايشوف منك حاجه وحشه يفضحك ويكشف عيوبك ويحكي عنك ومفيش مانع انه يقول ويزود كمان من دماغه بحيث انه يشوه صورتك الواحد بينتقم منك عايز يكسرك طالما انت زعلان منه وزعلان منك
يصاحب عدوك وكل واحد بيكرهك يقرب منه يضحك معاه ويغيظك يشوف ايه ممكن يضايقك ويزعلك ويعمله يكشف اسرارك يقول عيوبك يكره فيك الناس بكل الطرق


ده صاحب

وفيه صاحب يصاحب واحد ويكونوا بيحبوا بعض اوي ولكن لما يفكر يقرب من حاجه تخصه ولو حتى لو كان نيته كويسه يكرهك بقوه ويكره كل حاجه منك ومش بعيد يكره اللي يخصك فيه عشان ميحاولش يفكر انه يقربله

زي البنت لما بتحب ولد تحاول تكرهه في كل البنات بحيث يبقى دايما قريب منها هيه وبس صاحب بس اناني

وفيه صاحب
يطلب منك تبقى صاحبه وحبيبه وكل شيء معاك ويبقى قريب منك اوي بس متقولش لحد اننا اصحاب ليه؟ يمكن لان هو صاحب حد بيكرهك او انك انت شخص سيء السمعه او عندك عيب فيه او يمكن عشان انت مريض ومعرفتك هتسببله مشاكل يبقى ليه يصاحبك بقى او تصاحبه؟

وفيه صاحب تبقوا اصحاب اوي ولو طلب منك طلب ومقدرتش تعمله يفكرك انك مش عايز تعمله حقد او غيره منه

وفيه صاحب بيتربصلك وبيدورلك الغلط ونفسه يلقى عليك غلطه عشان يفرح فيك ويشوف الناس بتكرهك يمكن مصلحته يكون هو اللي محبوب لكن هل على حساب انك تكره الناس في اللي محبوب عشان تبقى انت اللي في الصوره؟ معرفش


وفيه صاحب

يحبك اوي ويعزك اوي وتبقوا اكتر من الاخوات واول مايمر بمشكله اول مايفكر مين اللي عمل فيه كده تبقى انت انت الي وحش وانت السبب وانت اللي عملت فيه كده طيب معقوله؟ هو ده كان صحبيه؟ شاكك في صاحبك ازاي تعتبره صاحب؟ بتحبه؟ ازاي تقول عليه كده؟

وفيه صاحب تبقوا اصحاب اوي ولو انشغلت عنه او قصرت شوية في حقه بسبب اي ظرف جالك او اي مشكله لا يسأل عنك ولا يعرفك ولايفكر فيك ويطلب منك انك انت ازاي نسيته ومفكرتش فيه ويقول ليه هو ميكلمنيش انا مش هكلمه طيب ماهو كل واحد هيقول نفس الكلام ليه هو ميكلمنيش ميعزركش ولا يسامحك


عارف كلامكوا هيبقى ازاي والاجابات المعتاده اللي الواحد قرف وزهق منها انك تقول مش كل الناس وحشه ومش كل الصحاب كده ويمكن العيب فيك انت معرفتش تختار صحابك و و و الاجابات دي محفوظه لكن الصحاب دول موجودين في كل حته وكل الناس مرت بيهم

انا مش عايز اسمع الكلام ده كله

انا عايز اقولكم ان الاخ المريض مر بالناس دي كلها هل نتوقع منه انه يفضل عنده ثقه في اصحابه؟؟؟ لما يكون دول كلهم اصحابه

كل يوم ينكشفله واحد وكل يوم الوش التاني بيبان علي حقيقته لاصحابه وصدفه بيعرف مين هما صحابه وكل واحد شكله ايه وحقيقته ايه وازاي طبعه وازاي اخلاقه وبيفكر ازاي وعايز ايه منك لما تعرف ان كل صحابك كده مزيفين لحد اخر واحد

هل هيتسببلك ده انك تبقى عندك ثقه لسه في حد؟ عندك صحاب يعتمد عليهم؟ هتخاف من الناس والصحاب والا هتديهم الامان برضه؟
هتقدر تعيش وسطيهم سليم وطبيعي والا





هتكون مريض نفسي؟

الحــلــقــه التــانيـــه مـن مذكــرات مـريــض نفســي

للأسف ان دي تاني مره اكتب الحلقه شكل الحظ كان وحش وطبعا طبعا عمر مايكون المره التانيه لكتابه نفس الحاجه زي اول مره تطلع فيها بأحساس اول مره وطريقه واسلوب اول مره لكن هحاول اني ابين المقصود واختصر عشان اعرف رأي الناس

بس للتوضيح برضه بسبب الجدل والخناق اللي تم في الحلقه الاولي ان عمر الخلاف في الرأي او النقاش يسبب اي زعل بين الناس او اي عداوه او اي حاجه وحشه في نفوس المختلفين واكبر دليل انا واحمد خير انا بحبه جدا وربنا يعلم رغم خلافي معاه الدايم في الرأي ويمكن اللي يشوفنا يقول اننا هنقتل بعض وقت النقاش لكن والله انا بحبه وبعزه جدا وبعتبره اخ واظن اني كده له برضه رغم خلافه معايا وعمر ندى ولا يارا ولا سليمان ان شاء الله خلافنا في الرأي عمره مايبقى سبب زعل بينا عشان الناس اللي بتشمت ونفسها تدخل وسطينا الداخل ان شاء الله مفقووووود


ندخل في الموضوع

انهارده الحلقه عن الصحاب .. الصداقه .. معنى الصداقه هل موجوده؟
هل اللي بتقابلهم الايام دي صحاب بجد؟
هل انت واثق فيهم وواثقين فيك؟
هل لما بتشوف منهم مشاكل وقلق و و و هل بيفضلوا صحابك ونفس المعزه؟


يعني صحابنا صاحب المذكرات الاخ المريض النفسي اللي بيتكلم وبيحكي عن نفسه عايز يفضفض ويتكلم عن صحابه واللي شافه وازاي كان ليهم دور كبير في مرضه النفسي

صاحبنا بيحكي وبيقول

دول اصناف صحابه او اللي المفروض انهم صحابه اسمعوا مشكلته

صاحب يقولك انا بحبك وبعزك وانت اخويا وحبيبي ومليش اعز منك وهات بوسه ياد وتبص تلاقيه يجيب في سيرتك ويتكلم عنك ويقول في حقك اصعب كلام
متفهمش هل هو كلامه عنك مجاراه لحوار كان ساير وعايز يبقى معاهم معاهم عليهم عليهم؟ والا هو جواه فعلا مبيحبكش ومش صادق معاك؟
هل هو بيحاول يقرب من الشخص التاني ده عن طريق انه يأكد انك شخص وحش لان التاني شايف انك وحش وعايز يقرب منه؟

معرفش

ده صاحب

وصاحب تاني يحبك عايز مصلحه معينه تخلص متشوفوش تاني الا وقت المصلحه عايز منك طلب يكلمك مش عايزك متشوفوش لا يسأل عنك ولا تعرف حاجه عنه غير انه كويس وبيكلم ناس كتير غيرك شايفينه وعارفينه وعارفين كل حاجه عنه ولما تشوفه يقولك انت صاحبي وحبيبي واقرب الناس ليا طيب بأماره ايه؟

ده صاحب


وصاحب تاني تحبه اوي وتخلصله اوي وتحكي معاه وتفضفضله وتقوله اسرارك ومشاكلك وتكشفله عيوبك واول مايشوف منك حاجه وحشه يفضحك ويكشف عيوبك ويحكي عنك ومفيش مانع انه يقول ويزود كمان من دماغه بحيث انه يشوه صورتك الواحد بينتقم منك عايز يكسرك طالما انت زعلان منه وزعلان منك
يصاحب عدوك وكل واحد بيكرهك يقرب منه يضحك معاه ويغيظك يشوف ايه ممكن يضايقك ويزعلك ويعمله يكشف اسرارك يقول عيوبك يكره فيك الناس بكل الطرق


ده صاحب

وفيه صاحب يصاحب واحد ويكونوا بيحبوا بعض اوي ولكن لما يفكر يقرب من حاجه تخصه ولو حتى لو كان نيته كويسه يكرهك بقوه ويكره كل حاجه منك ومش بعيد يكره اللي يخصك فيه عشان ميحاولش يفكر انه يقربله

زي البنت لما بتحب ولد تحاول تكرهه في كل البنات بحيث يبقى دايما قريب منها هيه وبس صاحب بس اناني

وفيه صاحب
يطلب منك تبقى صاحبه وحبيبه وكل شيء معاك ويبقى قريب منك اوي بس متقولش لحد اننا اصحاب ليه؟ يمكن لان هو صاحب حد بيكرهك او انك انت شخص سيء السمعه او عندك عيب فيه او يمكن عشان انت مريض ومعرفتك هتسببله مشاكل يبقى ليه يصاحبك بقى او تصاحبه؟

وفيه صاحب تبقوا اصحاب اوي ولو طلب منك طلب ومقدرتش تعمله يفكرك انك مش عايز تعمله حقد او غيره منه

وفيه صاحب بيتربصلك وبيدورلك الغلط ونفسه يلقى عليك غلطه عشان يفرح فيك ويشوف الناس بتكرهك يمكن مصلحته يكون هو اللي محبوب لكن هل على حساب انك تكره الناس في اللي محبوب عشان تبقى انت اللي في الصوره؟ معرفش


وفيه صاحب

يحبك اوي ويعزك اوي وتبقوا اكتر من الاخوات واول مايمر بمشكله اول مايفكر مين اللي عمل فيه كده تبقى انت انت الي وحش وانت السبب وانت اللي عملت فيه كده طيب معقوله؟ هو ده كان صحبيه؟ شاكك في صاحبك ازاي تعتبره صاحب؟ بتحبه؟ ازاي تقول عليه كده؟

وفيه صاحب تبقوا اصحاب اوي ولو انشغلت عنه او قصرت شوية في حقه بسبب اي ظرف جالك او اي مشكله لا يسأل عنك ولا يعرفك ولايفكر فيك ويطلب منك انك انت ازاي نسيته ومفكرتش فيه ويقول ليه هو ميكلمنيش انا مش هكلمه طيب ماهو كل واحد هيقول نفس الكلام ليه هو ميكلمنيش ميعزركش ولا يسامحك


عارف كلامكوا هيبقى ازاي والاجابات المعتاده اللي الواحد قرف وزهق منها انك تقول مش كل الناس وحشه ومش كل الصحاب كده ويمكن العيب فيك انت معرفتش تختار صحابك و و و الاجابات دي محفوظه لكن الصحاب دول موجودين في كل حته وكل الناس مرت بيهم

انا مش عايز اسمع الكلام ده كله

انا عايز اقولكم ان الاخ المريض مر بالناس دي كلها هل نتوقع منه انه يفضل عنده ثقه في اصحابه؟؟؟ لما يكون دول كلهم اصحابه

كل يوم ينكشفله واحد وكل يوم الوش التاني بيبان علي حقيقته لاصحابه وصدفه بيعرف مين هما صحابه وكل واحد شكله ايه وحقيقته ايه وازاي طبعه وازاي اخلاقه وبيفكر ازاي وعايز ايه منك لما تعرف ان كل صحابك كده مزيفين لحد اخر واحد

هل هيتسببلك ده انك تبقى عندك ثقه لسه في حد؟ عندك صحاب يعتمد عليهم؟ هتخاف من الناس والصحاب والا هتديهم الامان برضه؟
هتقدر تعيش وسطيهم سليم وطبيعي والا





هتكون مريض نفسي؟

الحلـقه الأولــى من مذكــرات مــريض نفــســى _ أيمـن نــور

إنه الحـب

نعم

إنــها البـدايــة ... بـداية المــرض النفســي


هــل أحبـبـت يــومــاً بصدق؟ من كل حته في قلبك بتحب بجد؟ وبكل مافيك من قوه بتحب؟

بتحب حد بيتهيألك انه يستاهل تديله أكتر من اللي بتديهوله وبيتهيألك انه كتير عليك اوي حبه ليك وانك مهما حبيته ومهما عملت عشانه فهو برضه قليل عليه

ويتهيألك ان الشخص ده زي المايه في نقاءها وهدوءها وان الشخص ده زي المايه في اهميتها للحياه وان الشخص ده بقى جزء منك وانت جزء منه تحس بيه ويحس بيك حاضنه اوي اوي وبيتهيألك انك لايمكن حد يقدر يفكوا من حضنك

وفجأه تحس انك مش حاضن حاجه حاضن نفسك المايه مبتتمسكش ولابتتحس هيه جميله ومهمه ورقيقه لكن لما تمسكها اوي مهما تمسكها فانت برضه مش مسيطر عليها هتضيع كلها من ايدك

وهتلاقي حضنك فاضي حاضن نفسك اوي من حزنك وألمك على فراق المايه ليك
كانت نقيه لكن سهل اوي المايه تتعكر لو مرت بظروف
كانت مهمه اوي من غيرها تموت حاجات كتير في الحياه وفراقها موت قلبك
كانت هاديه البحر هاديء بس غدار وخاين وسهل اوي ينقلب عليك وبعد ماكان بيحبك اوي اوي سهل اوي يقولك على قد ماحبيتك كرهتك وتلاقي نفسك غريق من غدر البحر ده وكرهه ليك وبركان الغضب اللي جواه وقسوه أكتر من الحجر بيبلعك مش عايز يشوفك جواه بيقتلك عشان يرجع تاني هاديء ورقيق ويبهر غيرك وغيرك ويتقرب غيرك له ويبلعه ويغدر بيه تحس نفسك انك كنت انت الوحيد اللي في المايه دي وان المايه دي لايمكن يبقى فيها غيرك
تحس انها ملكك مش ملك غيرك وانت متعرفش انه سهل زي ماكانت ملكك وانت موهوم تبقى ملك غيرك وانك في الاخر موهوم مجرد موهوم

لو منكتبش انك تــمــــوت

وانكتبلك تعيش بعد الغدر ده والموج والغضب والكره والخيانه وخرجت من البحر ده هل هتخرج سليم؟؟ بدون أي اصابات؟ ولو حتى في نفسك؟

والا هتخرج منها مريض نفسي؟؟؟

إنتظــرونـــي فـي _ مذكــرات مــريــض نفسـي _ أيمـن نــور

السـلام عليكم

بعض الناس بيعتقد نفسه عاقل والبعض شايفه مجنون والبعض بيفتكر نفسه ذي ويراه من حوله انه غبي مش بس غبي ممكن يقولوا عنه كمان انه مجنون

المقصود ان نظرتك انت لنفسك غير نظرة الناس ليك مش شرط تبقى زي ماشايف نفسك عايز الناس تبقى شيفاك

ممكن تكون في نظر نفسك شخص متزن وذكي وهاديء وممكن يراك بعض الناس كما ترى نفسك وممكن برضه يراك بعض الناس عكس ماترى نفسك يرونك مريض نفسي غبي ومش متزن ومجنون

احيانا تبهر البعض بتصرفاتك وتفرح لنفسك بتصرفاتك دي وتكون مبسوط اوي انك محل اعجاب من الناس في طريقة تفكيرك وعقلك وإدارتك لحياتك وللمواقف والظروف اللي بتواجهك واحيانا يراك البعض انك تصرفاتك دي تصرفات شخص مش طبيعي تصرفات انسان مريض نفسي وأراء الناس دي تصيبك بالاحباط والاحساس بالفشل لدرجة انك ممكن تشك في نفسك وشخصيتك وعقلك واتزانك


بنشوف في حياتنا مواقف كتير من كده وكل شخص اكيد مر بالمواقف دي

ممكن شخص يكون كويس جدا وذكي كمان جدا ويجي واحد يقوله يامجنون يسمعه غيره فيقوله زيه كانه بغبغان بيردد من غير مايفكر لا عقل ولامنطق ولا تفكير في صحة الكلام فيسمعهم تالت ورابع وخامس وتبقى مجموعه فيراهم الناس يقولوا للشخص ده مجنون فتبقى اجماع على جنان الشخص ده لحد مايشك الشخص نفسه في عقله واتزانه وليس بالبعيد انه يتحول لمجنون فعلا او على الاقل جنان مؤقت فيخرج عن عقله فيرمي احدهم بحجر ( قد يكون الحجر موقف من شخص يعرفه او يتعامل معه ) فيتصوره البعض ويزيد الثقه في جنانه ويتحول لمجنون بالفعل من تصرفات الناس وغباءهم وجحود وبلادة شعورهم


من هنا هنبتدى مذكراتنا مذكرات ان شخص عاقل وراسي يتحول لمجنون بتصرفات من حوله ويرمي هذا ويرمي ذاك بالحجر ( الرمي بالحجر تصور انه موقف خارج عن التصرفات الطبيعيه المعتاد على عملها مع من حوله فيستغربه من حوله لما يفعل هذا وهم السبب في ذلك ) هنقول حكاية المريض النفسي وازاي وصل انه يبقى مريض ومر بأيه ووصل لكده ازاي وايه هيه حالته دلوقت وايه الحجاره اللي بيرميها وبيرميها على مين وازاي وليه ؟

ده هيكون حوارنا وموضوعنا ان شاء الله في المذكرات انتظروني في الحلقه الاولي

انا فيه ناس اشتكتني انها مش فاهمه المقدمه

انا عايز ابسطلهم الموضوع اكتر

الفكره انك الناس تبصلك انك مش طبيعيه وانتي طبيعيه ويمكن اكتر منهم كمان

وفيه ناس تشوفك ذكيه وناس تشوفك غبيه

وجهات نظر

وفيه ناس تمشي ورا كلام ناس وتحكم بيه على ناس من غير ماتتاكد

وفيه ناس يبهرها كلام ناس في حقها وتتصدم من كلام ناس تانيه في نفس الموضوع

وفيه ناس بتحس انهم كويسين اوي وناس غيرهم يحسوهم وحشين اوي

والخ

بعض الناس يكون مريض نفسي في عيون غيره

وهو اعقل منهم بكتير

مواقف هتحصل واحداث

هيتحكم بيها علي الشخص ده

انه مريض نفسي

و انا هسيب الناس في الجروب بقى تحكم هل هو مريض فعلا؟

والا ده حكم خاطيء من الناس

كل الناس تقول رأيها يعني


وفي كل حلقه هتبقى فيه قضيه وموقف تعرض ليه صاحب المشكله وحُكم عليه فيها انه مريض نفسي او مش متزن وطبيعي

هل الحكم هيبقى فعلا من رأيكم انه مريض؟ والا مش مريض؟؟؟


منتظركوا وانتظروني

بقلمي
أيمن نور