صورة في الخيال من الزكريات

صورة في الخيال من الزكريات
صورة حبيبتي لما كانت جمب مني
فاتت سنين ومقدرتش انسى من اللي فات
غير ذكرى فيها الزمن بعدها عني
وكل اما احاول اني انسى منها حاجه - الاقي نفسي بفتكر كتير حاجات
ارجع وافكر ازاي راح انسى وهيه اصلا حته مني؟
ايه السبب اللي بعدني عنها وبعدها عني
فاتت سنين - فاتت سنين وسنين كمان فوق السنين
لسه الحنين - لسه الحنين بينادي اسمك اوعي حببتي تخالفي ظني
انا مستني - يوم ترجعيلى وتقوليلي - فات اللي فات ننسى خلاص
دا الحب فينا لسه عايش فيه الحماس -وماكنش فيه فراق مابينا من الاساس

هو انا كام واحد؟

هو أنا كام واحد؟
مش ممكن اكون شخص واحد
هو انا كام واحد؟
حاسس بأني جوه مني ألف واحد
شخص طيب
شخص جاحد
شخص موصوف بالجنان
شخص محتاج الحنان
شخص مليان بالايمان
شخص بيحن لزمان
شخص عايش لأنهارده
شخص بكره شاغلو بالو
شخص بأقل شيء بيرضى
شخص طموح مش عاجبو حالو
نفسه يعلى ويعلى فوق يعدي حتى حدود امالو
شخص جنتل وأمير وزوق
شخص مايطاق احتمالو
شخص رزين وعاقل
شخص بيحب المشاكل
شخص شيك وعاجبو نفسو
شخص متلخبط في لبسو
شخص هادي كمان وراسي
شخص عفريت يهودي لابسو
شخص قلبه رومانسي وحنين
شخص قاسي ومش مبين
شخص حزين وضايع
شخص غريب الطبايع
شخص فايق فرحان ورايق
شخص بيخنق في الخلايق
شخص عارف فين طريقو
وشخص تايه في مكانو
شخص مش عارف مين صديقو
ومين جرحو مين اهانو
شخص واعي للحياة وشخص
وشخص سايب نفسو لموجه ومستني يلاقي طوق نجاه
شخص بيسامح كتير
شخص بيحب بضمير
شخص في الدنيا شعارو الدنيا دي لسه بخير

كل شخصيه فيهم بيسأل في نفسه
انا مين فيهم واي شخص حاسه؟
الف واحد جوه مني وغيرهم كتير عايشين معاهم
بس نفسي يموتو مني مبقتش بتحمل بلاهم
عايز اكون شخص واحد بس مين فيهم هكون؟
حد يقدر يعيش بواحد جوه عالم من الجنون
مين فيهم يقدر يعيش ؟ وسط ناس متختشيش ؟
وسط عالم من الديابه مفيش مكان للغلابه
ناس مات الحب فيهم ناس عمرك ماتبكي عليهم
ابكي على حالك وفكر اي واحد ممكن يفيدك؟
واما هتفكر تقرر اي واحد هتبقى فيهم
هتلاقي نفسك انسان مكرر عايش جوه شخص فيهم
محتار زيك مين يقرر يبقى اي واحد هو فيهم.

شايفك انتي جوه مني

شايفك انتي جوه مني مقدرش اشوفك لحد تاني

انتي بقيتي حته مني مش هسيبك لحد تاني

يمكن اكون بحب نفسي ويمكن اكون كمان اناني

بس في بعدك مقدرش اداري قد ايه ممكن اعاني

مش ممكن يكون حبك ده ليا كان مجرد كلام اغاني

لو سبتك كأني سبت نفسي ارجع وفيكي بلاقي نفسي

اوعي تقسي لما اجيلك كلي اماني

لاني شايفك جوه مني مقدرش اشوفك لحد تاني

دانتي بقيتي حته مني مش هسيبك لحد تاني

يمكن اكون بحب نفسي ويمكن اكون كمان اناني

بس في بعدك مقدرش اداري قد ايه ممكن اعاني

مش ممكن يكون حبك ده ليا كان مجرد كلام اغاني

سامحيني لما بعدت عنك كان والله غصب عني

كنت شايف الدنيا فيكي خفت يوم تضيعي مني

حلمي كان احافظ عليكي ويبقى ولادك حته مني

تبقى شايفه شكلي فيهم وابقى شايف شكلك انتي

ونختار كمان الاسم ليهم نتعب عشان نربي فيهم

واحلى حاجه تبقى فيهم ان دول منك انتي

مبقتش فاهم حاجه_ ايه اللي بيحصلي؟

مبقتش فاهم حاجه ايه اللي بيحصلي؟
كل مابتدي افهم حاجه معرفش ايه بيحصلي
حبيب بيقرب مني واول مابيوصلي يبتدي
يلعب بيا ويظلم والحيره بتفضلي
افضل ادعي كل يوم واتمنى وفي عز الفجر اصلي
يارب المره دي تصدق فيها وماتكونش زي اللي
دانا قلبي خلاص مش متحمل وجعي ولا زلي

كنت زمان عايش من غيرو
لا حب وشوق وغيرة ولا حزن ولا غيرو
ولا جرح وحزن وفرقه وسهر الليل يقتلني تفكيرو
ولايوم استنى حبيبي يحن عليا ويحكم فيا ضميرو
وازرع حب في ارض ومستني اشحت من خيرو

مبقتش فاهم حاجه في الدنيا وكأني ميت فيها
مين الصادق مين كداب زهقت من كل عايش فيها
الود ودي اموت والا ارحل واسيبها واخليها
ده اللي كان بيحب الدنيا خليتوه بيكفر بيها
ومن بعد تفاؤل يأس يهد احلام عاش عمره بيبنيها

اه يابتاع مالوش امان

اه يا بتاع مالهوش امان راحت معاه صحتي

مشيت وراك في كل مكان وتحلى معاك سهرتي

كل يوم مرحمتنيش ومسبتنيش في وحدتي

مشبعش منك مهما كان دانت فيك كل الأمان

ومعاك كمان كانت بتحلى صرختي

قسيت عليا اوقات ولكن

حنيتك كانت بتغلب

ولما يجري الحب فيك

ملامحك ساعتها تضرب وتقلب

هو انت كان ناقصك شريك ؟

تسيبو فيك ؟

ويدخل ويخرج؟

وانت قاعد عمال بتحسب

كام جرح سابو لما سابك؟

بعد حبو ايه اللي نابك؟

ضاع شبابك

وبعد جرحك مين شاريك؟

ياريتك كنت سبتو فيك

لو تسيبو بلسعتو

احسن مايموت بوحدتو

كان يا مكان

كان يا مكان _ كان فيه زمان انسان
ارضه مش ارضنا وفكرو مش زينا بس الشكل يشبهلنا لكنه صايبو جنان
تعبنا فيه اسأله نقوله ايه المسأله يصرخ يقول تعباااااان
نقوله ايه بيوجعك ومن الدوا ايه يمنعك ؟
روح لطبيب يسمعك ويديك شرب والا دهان
يقول انا التعب ده مفيش اطبا تحوشو
ولو قائد جيوش الجان حشدلو حتى جيشو
انا التعب صابني لما شوفت عنيها
وقدام جمالها ضعفت انحنيت وبوست ايديها
سرحت في عنيها وايديها لمساني
سكت الكلام مني ابتسمتلي بسمه أمل كأن فهماني
حبيت اوصف جمالها بشعر بس حروفي كتماني
اقول فيكي ايه ياللي انتي صيباني
راح مني العقل وباقي لجناني
فداكي عقلي وقلبي وعيني ووجداني
نفسي يا زهره تكوني ورده في بستاني
وتحسي بدق قلبي وحضني وحناني
واشوفك كل يوم وتكوني كل يوم وحشاني
خلاص تعبت سكوت ومات خلاص كتماني
صرخت بعلو الصوت انا بحبك موووووووت بس الصراخ صحااااني
انا كنت بحلم؟
كرهت انا الصحيان لاني مش شايفك
عايز اكون سرحان في بوسه في شفايفك
عايش كما الغفلان صاحي وحزين ولهان اغني كما الخَرفَان
ويقولو ده صابو جنان ويحكوا عني كمان قصه في كل زمان
كان يا مكان كان فيه زمان انسان ارضه مش ارضنا وحبه مش زينا بس الشكل يشبهلنا لكنه صايبو جنان
تعبنا فيه اسأله ونقوله ايه المسأله يصرخ يقول تعباااااااان
تعبت من الحرمان نفسي تاني انام وحشني سحر عنيها
باينو ده ادمان لجنه بحلم بيها
وجنة الغلبان دنيا واحلى مافيها انه عاش عميان فتح وشافك فيها
سبح بميت سبحان جمالك ما في الاكوان يحلف كتير حلفان
ان مافيه فنان يقدر يرسم أقل مافيها
وتكوني انتي ملاكي ملاك كما النسمه يكون ده اسعد حظ وتكون دي اجمل قسمه
جنه وفيها ملاك زيك اكيد عمران
حب ودفا وحنان يطمن البردان
يعيش في عيشه امان ويشكر المنان
ان له بيت متصان ميدخلوش الجان
ويطمع ساعتها كمان انه يبقى حقيقه
وانه يلمس ايدها ويشوفها حتى دقيقه
اصحى يا غلبان جالك الفوقان قوم كفايه خلاص
لميت عليك الناس يقولو فيك حواديت
كان يا مكان كان فيه زمان انسان ارضه مش ارضنا وحبه مش زينا بس الشكل يشبهلنا لكنه صايبو جنان
تعبنا فيه اسأله ونقوله ايه المسأله يصرخ يقول تعباااااااان

لما يا قلبي

لما يا قلبي لما كل ذلك؟
هل في الحزن يعجبك حالك؟
تحب الخوض في حروب ومعارك؟
بأسم الحب تموت وتعلن استبسالك
كم الف مره مت وبالدنيا ينقطع اتصالك
...هل هذه المره ستحيا ام الموت قدرٌ يدمر امالك؟

ارهقت قلب عاش ليحييك
وانت تقتل كل جميل كان به يفديك
ودم الخيانه لطخ ايديك
خنت عهد قلب كنت له مليك
واخلص بحبه وكان صديق
...وانت الخائن واللعنة عليك

كان العهد ان تعيش كجحر
والحب تتركه ان شاء القدر
فالحب وهم مات واندثر
والقلب مات ودمه انتشر
بكل مكان فيه حبيبك انتظر
...وكتبت بدمك قلب أحب ومات وانتحر

من نحنح نحنوح نحانيح

من نحنح نحنوح نحانيح .. جاءكم النبأ التالي .. غيرنا رأيسنا الحالي ..ارحمنا يارب وزيح

في عهدو شوفنا الويل وجهل في عصر زويل وحصتنا كمان في النيل وحديد عز التسليح ارحمنا يارب وزيح

الشعب بتاعنا اتشرد.. مش لاقي لقمة عيشو .. وهو غراب بيغرد .. متحامي في العدل شاويشو

وطنطاوي كمان بيعرض وعمال يخنقلو في جيشو والجيش بقى نسر مجرد عمال ينتفلو في ريشو و ياعيني قلبه جريح ارحمنا يارب وزيح

كلامه كله الغاز وكمان مشكلة الغاز يحرق شكلك بالجاز وبلاش اشتم بقبيح ارحمنا يارب وزيح

وريتنا سنينا السوده ودبحت الشعب بظلمك غور يلا بلا عوده مش عايز اشتم امك وكفايا فينا تدبيح ارحمنا يارب وزيح

يحرق - يلعن - تاتييييييت .. وكفايه ياناس تثبيت .. بجد خلاص مليت .. وحان وقت التسييح ارحمنا يارب وزيح

وسلامو العادل شامل .. دا قرفنا في عهده الخامل .. دي مراته باينها حامل .. وبتتوحم ع الشيح ارحمنا يارب وزيح

وابن سيادته الكوكو .. بيقول انا زي اخوكو .. وبابي ده زي ابوكوا .. قاعد وهارينا تصاريح ارحمنا يارب وزيح

بيقول انا ناوي اغير .. صاحبنا ده عقله صغير؟ .. هسألكوا سؤال متحير .. يابلاط ايه خدت من الريح ارحمنا يارب وزيح

معلش لاني صريح .. وفي كلامي اكيد تجريح .. لفخامة عظمة تتو .. ماهو ناسي اصله وستو .. حد يوديه تواليته .. لكن من غير تشليح ارحمنا يارب وزيح

ربنا يستر في الباقي .. لو خدت ساعتها جزائي .. هلبسلي قضيه جنائي .. والضرب ساعتها أوبيح ارحمنا يارب وزيح

بما اني انا ميت ميت .. وفي السجن اكيد راح ابيت .. سيبوني شوية اشيت .. ويلا نقضيها تفاريح ارحمنا يارب وزيح

بلدنا خلاص بتموت وانتو بيكتموا في الصوت حوادث قطرات بتوت وسنين وسنين بتفوت واقف قدامنا تابوت وشه مشلفط وقبيح ارحمنا يارب وزيح

وحاجات عماله بتغرق وجنيه عمال بيعوم وحكومه عماله بتسرق في فلوسنا كمان بالكوم وحزبك يقول مش تقلق ياشعب يلا نصوم

لو صومنا كان لعباده دهحياتنا هتبقى فل لكن صومنا ده شحاته وفقر وظلم وذل وكفايا كده تسييح ارحمنا يارب وزيح

وشباب بيموت محروق وحروقو يا ناس جواه نفسي يرحل بالزوق والضيشو ياخدها معاهااو ياخدو ربي لفوق وفي النار هيكون مسواه

بحس ان انت ياريس دي دماغك دي بتهيس قاعد في قرابيزنا متيس من امتى كنت كويس من امتى كنت صريح ارحمنا يارب وزيح

قبل سيادتك كنا خير اجناد الارض في عهد سيادتك عشنا حاطين وشنا في الارض وحالنا بقى بتنجان وشبابنا صايبو جنان واحلامه كمان بتسيح ارحمنا يارب وزيح

وعمال بتزيدنا بطاله وشباب عايشينها عواله عجابك كده هيه الحاله؟ كفايه نفاق ومديح ارحمنا يارب وزيح

فات من العمر كتير وانت ماسك في الكرسي ؟ ياترى امتى هتغير وتحصل صاحبك مرسي ؟ وطيارتك فين راح ترسي ؟

ياترى هترسى لفين جنب صاحبك زين؟ والا متقول ياغراب البين فلوسنا راحت فين ؟ دانتوا غلبتوا التماسيح ارحمنا يارب وزيح

ادتنا من ده كتير وانت ولا عندك دم وتقول الزعلان يشرب من البير متغور بقى جتك الهم

نحنح نحانوح نحانيح انهى نبؤ العاجل والكلام ده مش هو كلامه ده جابو حمامو الزاجل لكن مين اللي كاتبها ده واحد شكلو خاربها ؟

عمال يديها تسييح ارحمنا يارب - وزيح ارحمنا يارب وزيح

قصيده تحدي لزميلتين في جروب عن العشق والهوا

اتمنيت منى وياريتني ماتمنيت
اول ماشوفت منى من الفزعه انا اتخضيت
اوصف جمالها ازاي تقول يا ناس عفريت
كل اما تجي ضيوف تشوفها تموت من الخوف وتهرب كمان من البيت
اول حروفها الميم منى بنت سليم وايه بعد الميم من الصدمه انا اتشليت
مش قادر اقول حروفها من الخضه مش عايز اشوفها ياريتني كنت عميت
كأني شوفت شاويش ممسوك بقرش حشيش وهربان كمان من الجيش

انا كنت بحب حريم لحد ماعرفتها ريم منها انا اتغميت
بتقولي خارمه ودانها ورابطها كمان بالخيط
تشوف عليها جمال وشياكه ولا على البال جايه يا ناس من الغيط؟
في القافيه بيتحدوني وفي الشعر انا اتحديت
عاملينلي فيها ضرايري منى سليم وريم خيري وعليهم انا استنيت
من كتر حبي مش قادر اخبي ومن غير مجاز لوعندي جاز كنت عليهم انا صبيت

بقلمي
ايمن نور

أدي البنات

ليه البنات عايشين معانا؟ يشوفلهم خرابه والا زنزانه
زهقنا طهقنا ومابقاش معانا
مخلصين فلوسنا وبرضو جعانه
واحنا بنشقى وعلى قفانا
بناخد كتير
وممكن كمان ننام على الحصير
بس ياريتو فيهم بيتمر
ده النداله فيهم بتكتر
وقت الشده تدور عليهم
تفتش جيوبك ولاحتلاقيهم
حتى جيوبك خدوا اللي فيهم
اقرب اسم شرطه وبلغ غليهم
الظابط يقولك الذنب ذنبك انت يا نيله
مانت عارف ايدهم طويله
مأمن مسلم وتقولي جميله
نام على البلاط يلا ياحيله

وقبل الخطوبه عامله اروبه بتطلب وتطلب وتحدف بطوبه
تيجي في دماغك ركز ياعم
راسك عماله بتخر دم
هتشرب وتشرب ماتحملش هم
ولسه ولسه غم في وغم
حياتك هتكره كل اللي فيها
وحماتك ساعتها هتدعي عليها
دي عايزه شبكه تملى عنيها
تيجي خطيبتك تضحك عليك
تقولك خش ودوس خد حبوب جراأه والا لبوس
وروح عند ابويا سلم وبوس واطلب ايديا وادعك فانوس
وحقق مطالبه وكل اللي طالب
وانا جمب منك عمري ما اسيبك لو مش معاك عمري ماسيبك
ولو بعدت عني هجيبك هجيبك
دانت حته مني متبعدش عني
سلفه وسلفه اصل حماتي حالفه
لازم اجيب يليق بالمقام
وعملت فيها عنتر همام
وعملت الخطوبه تمام التمام
ووقت الخطوبه وعمال اجيب
ايشي هدايا وايشي دباديب
فات شهر يمكن وبعدين باعوني
وحماتي طلبتلي البوليس خدوني
وشتموني باهلي واللي جابوني
الظابط سألني ايه الحكايه
لما عرفها بص في عنيه وكف ايده علم عليا
وقالي الذنب ذنبك انت يا نيله
مانت عارف ايدهم طويله
مأمن مسلم وتقولي جميله
نام على البلاط يلا ياحيله

بقلمي
ايمن نور

انت مين

انت مين؟ انت انا؟ والا انت مين؟

انا الفراق موت جوايا كل شيء
موت الحلم البريء
قلب ميت جوه تايه وسط بحر الشط فيه غريق

انت مين؟ انت نفسك اللي عارفك؟
انطق وقول حرك شفايفك
قولي لأ انكر اني عارفك
انت مين؟ انت انا والا انت مين؟

عايش معايا وجوه نفسي ونفسي ليك؟
قلب واحد ليا وليك؟
انت انا وانا اقرب ماليك؟
طريقنا واحد ايدي في ايدك؟
دمعه عنيه شايفها فرحه ماليه عنيك؟
انت مين؟
انت تايه والا ضايع؟
احنا مختلفين الطبايع
انت مين؟

انت مين؟
انت انا اللي قلبك كان احن من الحنين؟
انت انا؟ انت اللي كنت بتبكي لما تشوف في يوم انسان حزين؟
انت اللي حزنك جوه منك انسان سجين؟
انت مين؟

والا انت الحجر قلبك بيموت جوه منك ولادمعه من عينك بتنزل من الانين؟
انت مين؟
انت انا؟ والا انا والا انت مين؟؟
شكلي شكلك وصوتي صوتك
نظرت عنيك مش نظرتي انطق وقول بلاش سكوتك
انت مين؟

لا انت انا ولا عايز اشوفك
خبي وشك من كسوفك
لا عايز اعرفك ولا اعرف ظروفك
احنا مش شخصيه
واحده احنا اكيد شخصيتين

انت مين؟