الثلاثاء، 21 أغسطس 2012



كتير سألني يعني ايه كله عادي النيم اللي بدخل بيه الشات وليه اختارت الاسم ده بالذات

الاسم ده عندي له معاني كتييييييييير جدا وله اهداف كتيييييييييير جدا جدا

يعني مثلا لما حد يمر بكل حاجه في الدنيا يبقى بالنسباله اي حاجه يمر بيها عاااادي

لما يشوف حب ويفشل ويضيع ويتكرر الفشل في الحب يبقى ساعتها اي ضياع لاي حب عاااااااادي

لما يتغرب ويبعد عن اهله وصحابو وكل اللي بيحبهم فبالنسباله اي حد تاني يبعد عنه عااااادي

لما حد ينجرح من صديق او حد عزيز عليه او يتباع او يتخان او يتصدم في حد اصبح اي صدمه في الحياه بعد كده عااااااااااادي

لما يبقى حد يشوف من حد حاجه مش متخيلها وكل شوية يشوف حاجات مش متوقعه كتير اصبح الخيال بالنسباله نفسه عاااااااادي

لما كل حاجه بتبقى بالنسباله عادي ( كله عادي -‡® КΟĻŎ 3Ąďý®‡) هل تعتقد انك ممكن في يوم من الايام تخسر حاجه ؟ او تبقى على حاجه؟

عمرك ماهتخسر ؟ لان كله بالنسبالك عادي

لكن تخسر امتى لما تبقى على حاجه او تبقى على حد او يهمك حد ساعتها مش هيبقى عادي منه اي حاجه

هتخسر وهتنجرح وهتتكسر وهتضعف وهتلوم على نفسك وعلى الدنيا والناس والزمن وكل حاجه

خلي كل حاجه في حياتك عادي وصدقني عمرك ماهتخسر فقررت اني ادخل الشات بالأسم ده عشان لما اخرج منه مخسرش منه حاجه لاني سبق ودخلت غيرو قبل كده ولما خرجت خسرت كتير فقررت اني المره دي مش هخسر وكل اللي في الشات بالنسبالي هيبقى عادي مشاكل اشوفها عااااادي خناقاات عاااادي قلة ادب عااااااادي قضايح عااااااادي اسماء مش تمام عاااااادي ناس راسمه الاحترام وتتصدم فيهم بعد كده عااااااادي حب وانفصال عااااااادي كلام وحوارات وقصص وافلام عاااااااااادي

انا عارف الردود اللي هتتقال والشعارات وكلام ردود التوبكات الرسميه اللي هيرد بيه فياريت ميردش

انا بحب الواقعيه في الحوار والعاميه في الكلام والبساطه في الردود .

التوقيع

الجمعة، 13 يوليو 2012

كان ايه اللي خلاني ارجع واحب تاني؟

كان ايه اللي خلاني ارجع واحب تاني؟
بتقولي عايزاني ؟
كان ايه اللي خلاني اسكت واسمعها ؟
واطلع انا الجاني بكدب وبخدعها
تسألني وحشاني اجري واصالحها
وارجع واتنازل ولاني حقاني بعذر واسامحها
اقول في نفسي يمكن لو كنت مطرحها
ازعل واخاصمها ولاكنت اريحها
ولما الامور بتهدى وترجع تصفى تاني
وارجع اقرب منها واقول دي وحشاني تقولي الكلمه دي قالهالي واحد تاني
اتجنن انا فيها ويركبني عفاريت وابرطم في سري فيها والعن  ابو التيت
ونفضل بنتخانق وكلام يجيب في حديت تولع بينا الدنيا واقول انا اللي خليت

كان ايه اللي خلاني ؟ ارجع واحب تاني

بتقولي انا نزوه لو ابعد هتنساني وخايفه القرب مني وكلامها بكاني
حسيت اني ولا اسوى وبحب لسبب تاني حسيت ساعتها اني شخص شهواني
وشوقي وحبي ليها رغبه حيواني وفقدت ساعتها مشاعري وبأني أنساني
عملت فيها أسد وصرخت فيها صرخه كشت فيها وكانت تقول كما الفرخه
حسيت بضعف فيها والضعف اغراني وفي لحظة شوقي ليها قولتلها وحشاني
وقولت اللي في قلبي كله حسيتها عشقاني لما قربت منها قلبت في ثواني
مش عايزه تتنازل وتقولي حاسه بيك وطول الوقت حبيبي دايما بفكر فيك
لكن في الحته ديه دور وشوف حواليك على واحده غيري تبقى هيه اللي اريح ليك
اتجنن انا فيها ويركبني عفاريت وابرطم في سري فيها والعن  ابو التيت
ونفضل بنتخانق وكلام يجيب في حديت تولع بينا الدنيا واقول انا اللي خليت
كان ايه اللي خلاني ؟ كان ايه اللي خلاني ارجع واحب تاني

احساسي بيها يمكن بحب وجنون ويمكن انا عيبي رومانسي وحنون
وبطمع انا فيها واقعد اقنع فيها نفسي اخليها تفهم حبي ليها وتبطل بقى ظنون
واسرح وافكر فيها واحسها في حضني واقول على احساسي بيها
  غلطت بلساني؟
اسمع دبش منها وتبقى ظلماني
اتجنن انا فيها ويركبني عفاريت وابرطم في سري فيها والعن  ابو التيت
ونفضل بنتخانق وكلام يجيب في حديت تولع بينا الدنيا واقول انا اللي خليت
كان ايه اللي خلاني ؟ كان ايه اللي خلاني ارجع واحب تاني
كان ايه اللي خلاني؟ كان ايه اللي خلاني؟